مراحل العمر عند الرجل و المرأة

( الرجل )


بين 15- 20 كأنه مرسيدس بيمشي وبيقول يا أرض اشتدي ما حدا قدي .

بين 20 - 25 كأنه BMW طاير و ما حدا بيقدر يوقفه يعني هو وبس.

بين 25 - 30 كأنه فورد بيمشي على مهله واثق الخطى وكأنه ملك.

بين 30 - 40 كأنه تويوتا كامري يمشي والكل بيطلع على أناقته وهيبته وخبرته فول أوبشن.

بين 40 - 50 كأنه شفروليه كابريس يعني محافظ شوي على هيبته وشخصيته بس دائماً بدورعالتجديد.

بين 50 - 60 كأنه فولكس فاجن (الزلحفة) انحنى ظهره وما عم يستوعب كتير بقلبه . الله يعين...

بين 60 - 70 كأنه باص بولمان بيستوعب الكل وبيشيلهم بس ما حدا بيستوعبه ولا بيشيله المسكين...


( المرأة )


في سن 18 مثل كرة القدم 22 رجال عم يلحقوها.

في سن 28 مثل كرة السلة 10 رجال عم يلحقوها ..

في سن 38 مثل كرة الغولف رجال واحد عم يلحقها ..

في سن 48 مثل كرة التنس اثنين كل واحد يحدفها عالثاني


........................... ............................ ..........................

هههههههههههههههههههههههههههههههههههههه

الله عليك يسماعيل بس تشابيه مراحل عمر المرأة بتفقع من الضحك

هلق بيزعلوا منك الصبايا لك نضال

أنا صراحة ضحكت على التشبيهات كلها يعني عالرجل وعالمرأة

بس يتعرف شو بوجعوا القلب بآخر عمرهن يعني الرجال ما حدا عم يستوعبه والمرأة ما حدا بدو

ياها...... والله يحسن آخرتنا

هلق تشابيه الرجال بيضحكو اي بس تشابيه النساء اكتر


اي و الله الله يعيننا اجمعين

والله أنا معك 100 % بس صدقني ما بينعلق بلسانن

يعني المسا ادخل عالمنتدى وشوف البهادل

صبايا نحنا عم نوصّف الحالة توصيف لا أكتر ولا أقل

انا ما دخلني اسماعيل انت حكيت

هلق أنا اللي حكيت مظبوط

بس انتو اللي ضحكتوا عالبنات أكتر

وبالتالي بتستاهلوا اللي بدو يصرلكن اليوم بالسهرة

اسماعيل انت صف على جنب .. وخليني شوف شغلي مع نضالو و احمد .. و اذا علقت ..لا تفكنا ..ما تخاف معي الحزام الاسود ..بتتذكر

اة نضالو عم تضحك علينا ما هيك ..ليش مين قلكون انو النسوان ما بهمها الا الشباب ..يلحقوها او يطلعوا عليها اه قلي لشوف .. ..بس لتكون مفكر حالك عنجد BMW و يا ارض اشتدي ما حدا قدي ..

هس و لا حرف ..

ما بتجوا الا هيك ..

هااااااااااااي انا سويتي جديدة بالمنتدى بس ماجديدة بالفرع وأكيد أكيد سنة تالتة وإلا مرح تشوفوني هون
بالنسبة للموضوع كتييييييييييييييييييير متييييييييييير ظريف شكرا للBMW على موضوعووووووووو مهضوووووووووووم كتيييييييييير أنا بفضل تشابيه الشباب لأنو البنت ممكن يكون عمرها30 ويكون عندا 20 معجب
أن

اهلا و سهلا فيك سويتي .. انا كمان سنة تالتة ..

ياهلا فيكي رورو شو المادة الجاية ترجمة ما والله ماني متعودة عالترجمة بلا نوتة النظرياات شو هالكرم الحاااااااتمي ولا شو رأيكون

لا المادة الجاية لغة .. مو ترجمة ..بس انا عندي ترجمة سنة تانية قبلها بيوم ..

شكرا رورو الغالية ...

وبالنسبة للحزام لسه ما نسيته وكل ما بطلّع بالمراية بتذكّره

سويتي مشكورة كمان و أهلين فيك عن جديد

موفقين جميعاً

اهلا وسهلا فيك/ي سويتي و موفق/ة نشالله بس كأني بعرف انو سويتي مؤنث و سويت مذكر فقللولي شو الصح انا فرنسي :?: :?:


رورو و الله انا مدخلني هادا اسماعيل هوي حفزني عالضحك

لا حبيبي أنا حذرتك وانت ما سمعت مني

بسيطة يسماعيل هيك متسوي بتدفعني للفعل و بتقول ما دخلك مهيي و هي اكلنا بهدلة من ورا مواضيعك الدسمة

معلش (( ضرب الحبيب زبيب ))

والصبايا بمونوا على راسنا

اي اذا هيك تعا كلك كم ضربة لانو كل الضرب فوق راسي

بعتقد بهيك ظروف الرجال الحقيقي بقول : الهريبة تلتين المراجل

يلا باي نضاااااااااااااااااااااااااااااااااااااااااالووووووووووووووووووووووووووووووو

يلا سماح نضالو ..

و لا تخاف الا ما يجي دور اسماعيل ...

الله يستر باينتك ناويتيلي ياها للعلقة

بس أنا بعرف دبر حالي ... كلمتين حلوين وبيمشي الحال

وهادا سلاح فعال جداً ومجرّب وقت الزنقة

شكرا رورو


وهيييييييي يا عيبو يسماعيل انا ابقااا دخلنيييييي

طيب عم تشمت يا نضالو

الله كبير وإلا ما يجيك يوم