أخبار نتائج السنة الرابعة فرنسي : اسألوني ولا تسألو الموظفين !!!

فقت من الصبح بكير على غير العادة ، قلت نشان انزل اسأل شعبة الامتحانات عن العلامات بحكم انو هني ( يعني الموظفين ) حاطين اعلان ( المراجعة من الساعة 8.30 للساعة 10.30 ) و بكافة الاحوال اذا رحتو 8.30 ما رح تلاقو موظفين جايين بكير .
ما علينا ، نزلت و فتت عشعبة الامتحانات و اذ بالعمل جاري على قدم و ساق ، سألت الموظفة هي اللي من بيت وسوف (حضي يشوفا ابو وديع لينتحر ) ، ايمت مواد الرابعة اذا سمحتي ؟؟
نطرت شي 20 ثانية و ما لاقيت اجابة ، قمت عرفت اني عم حكي الحيط ، و انا عم هم بالسؤال مرة تانية ، طلع صوت من وحدة قاعدة جنب الاولانية ، هيك قريب ع (ماااااع ماااااااع ماااااع ) فاستغربت !! انو وين أنا !!!
فرجعت حكيت بلغتي البشرية و سألت التانية فجاوبت بلغة البشر ، و إذ طلعت عم تقلي النتائج لآخر الشهر ، ولا حدا يدخل لهووون !!!
و كالعادة اكلت نصيبا من الجواب المناسب و حملت حالي و طلعت .

لو يحطو ورقة يكتبو عليها موعد النتائج مو اريح لراسن من البهادل ؟!!

شو ذنبي انا كطالب عم اشتغل و وقتي مو بإيدي ، كل يوم انزل عالجامعة بس حتى شوف اذا نازل شي مادة ، لا و انزع صباحي بهالوجوه المعفنة اللي ما قبلانة نعمة الله بهالوظيفة اللي عم ياخدو راتب من وراها !!!

لا و عم انزل بالأوقات اللي هنن حددوها للمراجعة !!!

حاصلو المواد لأول الشهر

و دمتم و دام الذوق في نفوسنا

ههههههههههههههههههههههههههه //هي اللي من بيت وسوف (حضي يشوفا ابو وديع لينتحر )//

هههههههههههه والله انك نهفة يا نضالو


موفقين جميعا والله يحنن قلب الدكاترة علينا

للوشة لازم نعمل جهدنا ما يشوفا ابو وديع احسن ما نخسرو للأبد ههههه

نضال هي من بيت وسوف بتوقع اصولا افغانية لعما يلي يضرب جوز عيونا شو نفسية

ولك كل ما بتروح بتبهدلا لهل الموظفة شحاري اسا مافصلوك ... ههههههههه

حمشو
يزلمي والله الواحد ما بيعرف كيف لازم يعاملن ، يعني اذا احترمتن بينفشو ريشاتن و اذا بهدلتن بياخدو عخاطرن و بيحردو !!

بو السوس
اول وحدة حافظت عماء وجها ، بس التانية اول مرة بشوفا ، قامت طلعت براسا البهدلة خطي زعلت عليا

والله لو يتعاملو معنا بطيب خاطر الله يلعن اللي بيزعل بس ما بتشوفن غير مزعوجين و قرفانين و مدري شو ، ضاربين هالطلاب منية ما بيعرفو انن موجودين لخدمة الطالب ، اصلن مرة الجاية بدي فوت اقعد عندن و اطلب كاسة شاي خليا للموظفة تجيبا ، لأن طول مانن هيك ، مستواهن ما رح يتعدى شغل البوفيه
مين بيروح محي نشرب كاسة شاي عند اخوتنا الموظفين ؟!

ابو البلابل
بربي جبتا ، منشترط عليهن متة كمان ، ( انتي انتي يا موظفة : جيبي كاسة متة من يلي مخبايتيها بدرج المكتب لعمك ابو البلابل يلا بسرعة و بطريقك شوفيلو علاماتو يلا )
هيك لازم

ههههههههههههه ممم والله عجبتني هي
منعود أنا وياك هيك ...

غير بالعين الحمرا ما بيجو بس يا خوفي يحفظونا و يزعلو مننا و يصيرو ينقلولنا علاماتنا بالعكس هههههه

هههههههههههههههه انا لما بيصير معي هيك موقف بفرط من الضحك
الله يقويك جنرال

قمر الغالية نيالك اذا فيكي تاخديا بروح رياضية

شو بدنا نساوي فالج لا تعالج ما رح يتغيروا بحياتن
بس ما كأنو كل العالم نزلو موادا الا الفرنسي يعني ليش بيضلو متأخرين ؟؟
شكرا للمعلومة نضالو

والله جاي عبالي انزل بكرا اسألن مرة تانية بس ما بضمن النتائج !!

فعلا هادا اللي رح يصير ، هي اذا داومو خيي بو الريم

شكرا لجهودكن شباب و نضال شكرا عم نعذبك معنا
و أنا بعرف انو ما نزل مواد لهلا وبس اسمع انو نزل مواد أكيد رح خبركن

ولو ريم الغالية هادا واجبنا و الشكر لإلك

ماع ماع ماع ؟؟

موفقين عكاااافة الاحوال ..

جامعة تشرين لازم تحدد ميزانية انو تعطي دوا ضد الجلطااااااات المحتمل حدوثا للطلاب وذلك بسبب الموظفين والعلامات .. والتصحيح .. ولك منيح بتتخرجو ولسا فيكون شوية عئل ههههههههههههههههههههههههههه

عكااااافة الاحوال .. ايها الابطاااااااااااال موفقين يارب ..

ئلتلي ماع ماع ماع ههههههههههه ولك روح اسال عند شي موظفة صبية تكون يا ذكي ههههههههه رايحلي عند الخاروف دغري .. الحق عليك

هادا الشي اللي بيفلج ، انو كل موظفات الفرنسي ختايرة ، هي اللي شعرا منكوش و هي اللي مجلغمة وشا بمساحيق التجميل

والحشا طالعين من القبر بسند كفالة ، قال صبايا قال هه يا ريت !!!

سلام يا حلوين
نزلت كل نتائج الفرنسي كافة السنوات

مو الكل السنة2 ل6الشهر والثالثة ضل 3مانزلو

شكرا رمروم و حمشو