ما رأيك بالنتائج

متل ما منعرف نزلت نتائج أغلب المواد
انشالله تكونوا من الناجحين و ألف مبروووك
بس بالنسبة للراسبين و نسب النجاح و المعدلات المتدنية
أنتم كطلاب ما رأيكم بالأسئلة و التصحيح و الدكاترة و المواد ؟؟
أنا شخصيا انصدمت و غير راضية عن أسلوب الدكاترة في و ضع الأسئلة وسلم التصحيح
يعني حاسة حالي انظلمت لأن درست و تعبت و الأسئلة ما اجت واضحة أبدا

والله أنا (انفلقت) أنا وعم أدرس والحمدلله قدمت 10 مواد ولهلق ما طلعلي غير 3 مواد والحمدلله ال3 مواد نجحوا

و الله شي بجنن و بيقهر أنك دارس و تعبان و آخر شي ترسب بموادك
بجامعتنا لا تستغرب شي أبو الريم
بس ماحدا شايفنا و لا حدا بساعدنا و بيرد علينا نحنا الطلاب شو طالع بإيدنا مننظلم و منسكت
أحلا شي الدكاترة بقلولنا قدموا اعتراض أحلا ع قلبنا من العسل أكيد عرفتوا ليش !!! و آخر شي منقدم ولا ما منستفاد شي ما بيحطوا الحق ع حالن حتى لو كانوا غلطانين و جل من لا يخطئ

Ermac بلش الدوام و لسى النتائج ما نزلوا كلن لا عنا و لا عندكن بعين الله
مبرووووك المواد و انشالله بترفعوا كل موادكن و بتنجحوا يارب
موفقين و شكرا لمروركن

قال شو جابولنا اسئلة سهلة قلنا منيح والله هالدكاترة مقدرين الظروف و الأوضاع قامو عطونا صواب مرتب بالتصحيح او بالأصح اللاتصحيح
بشرفي عيب و قمة باللامسؤولية ، قال دكاترة قال !!!
انزلو شوفو نسب النجاح بالمواد شي بيخجل
ولسا الوزارة عم تعطينا دورات اضافية و ضاربيننا بمنية عأساس مبيضينا !!

فينن يقلولنا حضرة دكاترة الادب الفرنسي مثلا شو قدموا للقسم و شو اضافو شي بيفيد الطلاب لتسهيل ايصال المعلومة ؟!!!
لك يا جماعة في دكتورة حطت الاسئلة قبل الامتحان بربع ساعة بسبب عطل بالفلاشة يلي عليها الأسئلة و النتيجة 4 اسئلة نظري واحد منن اجابتو من الفصل الأول !!!! يعني حضرتا مانا حافظة شو عطتنا بالفصل التاني ولك ما شي بيجنن انو هيك وحدة تكون دكتورة و عم تتحكم بمصير تخرج طلاب ؟!!!
اذا شقفة منهاج ما عندن قدرة يشتغلوه بطريقة تفيد الطالب !! عشو عندن حصانة !!
و بيمشو بهالكلية يا ارض اشتدي ما حدا قدي !!!

اقتباس :

reem
برأيكن مو دليل على عبقرية وتفاني الدكتور بعملو إذا كل طلابوا رسبابين !!

لا ريم كل الطلاب ما بيفهمو و كسلانين و ما بيدرسو و بيحطو الحق عالدكتور الموقر الآدمي القبضاي الشغيل اللي قلبو عطلابو و عإزدهار و تطور و تقدم بلدو من خلال مساهمتو بتقوية مستوى طلابو و شحذ مواهبهم و صقلها لنصير فووووق فوووووووق !!!!!!!
شكرا دكاترتنا عنجد عم تتعبو معنا , مناهج و عم تتعذبو عليها تدريس و عم تهلكو فيه و تصحيح عم يسهركن الليالي في سبيل اعطاء الطالب حقو عالتمام !!!!!

نضالو
قولتك معك حق أشطر من دكاترتنا بالشرح و بالعذاب و الكتابة عاللوح بخط كبير و الصوت العالي ليسمعوا الكل
ماااااااااافي !!!!

اي بعدين عم يفنوا ايامهن و لياليهم بالتفكير بمصلحة الطلاب و كيف بدن يقووا مستواهم !!!!!!!!! حرام ما بتلاقيهن الا حاطين هالكتب و المراجع و نازلين تلخيص فيها ليعملو منهاج ثابت يفهمو الطالب الغبي و الكسول , يعني هني حتى الكسول بيساعدوه وبيحاولو يوصلولو المعلومة بشتى الوسائل

اي انا للي بعرف

لهلا ما نزلوا كل النتائج لأيمت يعني ؟؟؟؟ و الدوام الو أكتر من 20 يوم مبلش
يعني ما حدا بيعرف حالو إذا ناجح و لا راسب !!!
و الله و نموذج هيك دكاترة جامعة لكل العالم لازم يتعلموا منن الالتزام بالمهنة و الحرص على مصلحة الطلاب

بالتوفيق للكل

أبو الريم
محمد
نورتوا

نتائج ما في
في بس رسوب و بكل المواد لأغلب الطلاب المستجدين و حتى الراسبين و خاصة الفرنسي
لازم نعطي إشارة أنو في شي غلط و في ظلم من قبل الدكاترة
و ياريت لو حدا حاسس حالوا انظلم رجاء يروح يشتكي للعميد لاطلاعه على الوضع و نحنا كلنا رح نحكي
أولا إذا ما في فائدة هلأ في فائدة لبعدين مشان ما يرجعوا يرسبونا و يخلونا مؤبد بالجامعة
لأن هي حياتنا الدراسية و تعبنا و حقنا نعبر و نشتكي و نطالب بإعطاء و تصحيح و أسئلة عادلة

الحمدلله قدمت أنا 10 مواد ونجحت ب 8 باقيلي 2 وبتخرج وعقبال الجميع

يا جماعة الله يسرلكم أمركم جميعا

بدي اسالكم أنا مستنفذة ورجعت بأخر مرسوم استنفاذ لي كان صالح ل3 دوارت راح مني دورتين بسبب الاوضاع

وهلق باقي منهم دورة وحدة لي هي امتحانات الفصل الاول بعد شهرين ............وانا سجلت بالدورة ودفعت الرسوم بس الظاهر مارح اقدر اجي على سورية ...............ياترى بعتبر راسبة وبقدر قدم الدورة لي بعدها .............ولي بدي استنى مرسوم جديد ؟؟؟؟؟؟؟؟؟؟؟؟؟؟؟

الرجاء لي بيعرف يخبرني وخاصة انو هي السنة لي حامل 8 مواد بيكون ناجح وانا معي 6 بس ؟؟؟؟