نفس الأسئلة

ليش مذيعاتنا دائما عندون نفس الأسئلة؟؟
ليش كل الشعب حفظان شو هي الأسئلة؟؟
ليش ما بتتغير هالأسئلة؟؟
يعني المذيعة بتروح على شي حديقة أو شي مطرح متجمعين فيه الأولاد الصغار بالعيد .....وبتبلش بالأسئلة الفذة تبعونها ....

اشتريت لبس جديد على العيد حبيبي؟؟؟
يعني شوبتتوقع يقولها؟؟
لأ...ما اشتريت لبس جديد....هادول سرقة من على حبل الغسيل تبع الجيران
ولا ولا بتتوقع يقولها ...
أخدت لبس أخي الكبير تبع السنة الماضيةولبستو...؟؟
طيب بركي فعلا كان في ولد هيك وضعو....ليش حتى تسألووتكسرلو نفسيتو قدام بقية الأولاد

شو بتشتريبالعيد...شوكولاته وأكلات طيبة؟؟
لاوالله...على العيد بشتري 10 غرام حشيش...وبنقعد نصطهج فيون أنا ورفقاتي.....وبعدين بنأرجل....وبناخدلنا كاسين
يعني الولد الصغير شو بيحب يشتري وياكل؟؟مجدرةولا عدس بحامض؟؟

شو بتعمل بالعيد احكيلناحبيبي....بتلعب بالمراجيح؟؟
لأ أبدا...مابقرب صوب المراجيح....بالعيد بروح بلعب مصارعة رومانية...وشوية تايكواندو ....

بتلعب مع أصحابك بالعيد؟؟
أعوذ بالله...شو مع أصحابي...أبدا...بنزل بلعب مع شوفيرية التكاسي والزعران ...

مع مين بتحب تروح بالعيد؟؟ مع ماما ولا بابا؟؟
الله ياخد الـ 2....الـ 2 أسئل من بعضون....مابينطاقو ....

احكيلنا ...وين بتروحو بالعيد إنت ورفقاتك... حبيبي....؟
ما بدهاسؤال...على الكباريه...لترين عرق.... 4 رقاصات .....2 على اليمين و2 على اليسار ....

طيب مذيعاتنا المهمات...ما عم يلاحظوا كيف الولدعم يتلعثم...وعم يتلبك...وما عم يعرف يحكي...ومانو رايد يحكي....وبلشت تشط ريالتو من العبطة...وما عم يطلع صوتو....وما عم يحكي شي....؟؟؟


لك اتركيه بحالو....

ما عم تلاحظ المسكين قديش انعبط وتدايق وعلى شوي راح يبكي بدو ماما...نزعتلو العيد وأبو العيد....إي شو هالحنية الزايدة هي؟؟
يحرق حريشون على هالأسئلة

هلق قرب العيد شي ؟؟؟؟؟؟؟؟؟؟؟؟؟؟؟؟؟؟

الله لا يوجهلن الخير لهالمذيعات !!! من فاتنة محمد وجر

شكرااااااااااااااااااااااً ناصر

يعني لا بحياتي شفت اجلق ولا امقت من المذيعات عنا و خصوصا القديمات شوي يعني البالة

بتتذكر بتتذكر نضالو وقت شرشحناهن من فترة



شلة أم عمار و هداك شحادة اللي أكل بهدلة

ليش المذيعين انظم يعني

احلى شي المعلقين الرياضيين

مرة سمعت عبارة من واحد بلا ذكر اسماء

"كرة ارضية زاحفة تعلو القائم بقليل"

شي بيرفع الراس

مشكور نصر عاللفتة الحلوة

عادي روميو

نحنا ذكرناهم بالأسماء من فترة وغسّلناهم ومشطناهم على كيف كيفك

بالله اخخخخخخخخخ ياريتني كنت موجود

والله معكن حق حتى المذيعين عنا مو زيادة
وتأكيداً لحكي روميو في مذيع رياضي عنا زكائو .......... خارق بشكل مو طبيعي

مرة لاعب شاط الطابة راحت طلعت برا

بتعرفو شو قال هالمذيع الرياضي الفذ اللي بيستخدم التحليل والإستنباط والإستنتاج
(باختصار اللي زكائو خارق لقوانين الطبيعة)

قال عبارتو الشهيرة ...... لو جاءت بين القوائم لكانت هدف

فتخيلو يرعاكم الله

والله شي من هادا كتير يعني كل المحطات السورية المحلية عندها نفس العلة , انو يمكن بالشكل

والديكور بيطوروا شوي بس بالكوادر لا حياة لمن تنادي :?: :!:

شكراً لكل من مر وما مر ع الموضوع وترقبو كل جديد

الكابتن ماجد

موضوعك مميز بس انا بصراحة ماتوقعت يكون المذيعات بعدن عايشات

اما بالنسبة لموضوع نفس الاسئلة لا تنسى ان ذلك ببساطة يتعلق بالمستوى العقلي

و الثقافي و معدل الذكاء و هذا ما لا يستطيع احد تغييره الا الخالق و على قولة
الكابتن ماجد

طالما القاضي راضي ليش مقهور يا فادي

يعني لما الناس بتتقبل موضوع فيروز و بياعي الغاز ما رح تنتبه انو الاسئلة

نفسها بالعكس في تطور ( لانو الوجوه عم تتغير )

بعدين باالله مين عم بيشوف هالقناة المعته مع احترامي لبرنامج نحن الفلاحين

هههههه...و الله موتوني من الضحك ..

ميرسي نصر ..كتير مهضوم الموضوع