أسئلة بتقهر

متمدد ع تختك ونايم ومطفي الضو ومتغطي بالبطانية وتمك مفتوح متل مغارة جعيتا، بيجي واحد من أهلك بيفتح الباب ويقول: شو نايم ؟؟
لأ !! عم ارقص.. بس الوضع بيوحي إني نايم.

معزومين ع بيت جماعة، ولما بتدقوا الباب .. بيفتح شي فهمان وبيقول بدهشة:هه إجيتوا ؟؟؟
لا والله لساتنا عالطريق، في زحمة بالزراعة.

لابس أحلى تيابك ومتعطّر وشايل مفاتيح السيارة وجزدانك وطالع لبراة البيت، بيجي حدا من أهلك بيسألك،
شو رايحلك شي مشوار !!؟؟
لا والله طالع عالأسطوح صلّح السكر.

مذيعة بيوم العيد عم تلفلف بالشوارع وتلطي ع كم مواطن وتسأل وبنفس الوقت هي بتجاوب: شو بتساوي اول يوم العيد ؟ أكيد بتروح بتزور الأهل والقرايب....
لا والله بالعادة بفكر العب دء طميمة وماروح لعندهم.

نفس المذيعة بتشوف ولد بالشارع وبتساله؟ حبيبي بتحب بابا وماما؟
لا مابحبهم , بحب البوسنة والهرسك.

واحد فايت ع جماعة وشايف الوضع بالشارع معتم والمكتوب مبين من عنوانه، شو مقطوعة الكهرباء؟
لأ حبيبي بس هيئتك بدك تعمى.

بتطلع بميكرو وبتحط هيك وبتطلع (خمسة)وبتعطيها للي ئدامك، وبكل برودة بيئلك: واحد ؟
لأ 60 !!!!!!!!!!!!!!!!!؟ ورجعلي الباقي.

أشّر بأصبعته الكريمة لتكسي، وفعلاً وقفلو العينتين، بيسأله: فاضي؟
لأ ... عندي 10 طلبيات، بس وقفت حيونة.

بدك تنزل من الميكرو: عاليمين زكاتك.... بتتلقى الرد: نازل ؟؟
لا والله بس عم جرب صوتي.

بتجي بدك تروح على غرفة النوم بتطفي الضو وبتسكر الباب بيجي أخوك الصغير اللي دايماً بيلحقك شو بدك تنام؟
وكأنه اكتشف القنبلة لا والله يا عمري عم شوف الساعة عندي إذا بتضوي لما منزوعة.

والله ضحكتني من كل قلبي فعلا كل اللي قلتو واقعي وبصير يوميا.

هههههههههههههههه


حلوين كتير لانو نمط جديد من النكت الواقعية


مشكوووووور نصر

أصدقائي هاد أسمو النقد البنَّاء

بفقعوا من الضحك





وانا برشحك نصر لتكون العضو صاحب أهضم مواضيع

شكراً اسماعيلو

هههه والله ضحكتني نصر ..

هلق الصراحة انا كنت محضرة نفس الموضوع لنزلو بعد الفحص ..بس يلا طلع معك اهضم ..

مشكور نصر

يسلمووووو
نصر
وبضم صوتي لإسماعيل