علم بلادي حزين

الكابتن ماجد

تحية وطنية للجميع واليكم الخبر التالي :suspect:
يا جماعة حدا انتبه على هي المشكلة
على المباني الحكومية و المدارس و المستشفيات لك حتى شعب التجنيد ومراكز الشرطة و خاصة بالكراجات
نرى علمنا يرفرف كل لون بجهة ؟؟ العلم مهتري عدم المؤاخذة ما معروف اذا علم و لا م.... يعني معقول
ما في ميزانية حتى تشتروا علم أصلي أخي ليش في بعض الاماكن وبس يكون في مناسبة بيشترواعلم اصلي ؟ لحتى يشوفوا السياح ولا لحتى يتاكدوا لما بيطلعوا جولة تفتيشية انو كل شي تمام .
:suspect: انا كل يوم و انا رايح عالجامعة بس وصل عالكراج بشوف هالمنظر. مرة تحديت رفقاتي وطلعت
بالشرطي و اشرت عالعلم راح الشرطي رفع ايدو فكرني عم سلم انا متاكد اذا بضل العلم 100 سنة هيك مارح
ينتبه عليه
توضيح : هذا الكلام موجه لمن يعنيه الامر . لان العلم رمز وطني ولا يجوز اهانته

فعلا بدأ العمل بهالشي أنا لاحظت هالشي وأعلام كبيرة جدا وفعلا مظهر حضاري وشوي شوي منصير متل تركيا إذا لاحظتوا مانن تاركين شي مو حاطين علم بلدهن فوقو.
بس الظاهرة اللي ماحبيتها هي هلأ خلال كأس العالم أعلام الدول الأوربية عالشرفات والأسطح ، أنا بعتبر هالشي غلط وإذا بدك تعبر أنك مشجع لأحد المنتخبات فببساطة البس قميص الفريق وهيك مابتكون فتحت سفارة عندك بالبيت ......

DOVAN كتب:

فعلا بدأ العمل بهالشي أنا لاحظت هالشي وأعلام كبيرة جدا وفعلا مظهر حضاري وشوي شوي منصير متل تركيا إذا لاحظتوا مانن تاركين شي مو حاطين علم بلدهن فوقو.
بس الظاهرة اللي ماحبيتها هي هلأ خلال كأس العالم أعلام الدول الأوربية عالشرفات والأسطح ، أنا بعتبر هالشي غلط وإذا بدك تعبر أنك مشجع لأحد المنتخبات فببساطة البس قميص الفريق وهيك مابتكون فتحت سفارة عندك بالبيت ......

والله معك حق دوفان ..يعني بتركيا ما في عيادة او مكتب او اي محل تجاري و غير تجاري يخلو من العلم التركي ..و انا شفت هالشغلة كتير حلوة ..

وبالنسبة لأعلام كاس العالم ..كل العالم بيحطوا علم بلدون ..بس نحن شو بدنا نعمل ..

Ruru كتب:

DOVAN كتب:

فعلا بدأ العمل بهالشي أنا لاحظت هالشي وأعلام كبيرة جدا وفعلا مظهر حضاري وشوي شوي منصير متل تركيا إذا لاحظتوا مانن تاركين شي مو حاطين علم بلدهن فوقو.
بس الظاهرة اللي ماحبيتها هي هلأ خلال كأس العالم أعلام الدول الأوربية عالشرفات والأسطح ، أنا بعتبر هالشي غلط وإذا بدك تعبر أنك مشجع لأحد المنتخبات فببساطة البس قميص الفريق وهيك مابتكون فتحت سفارة عندك بالبيت ......

والله معك حق دوفان ..يعني بتركيا ما في عيادة او مكتب او اي محل تجاري و غير تجاري يخلو من العلم التركي ..و انا شفت هالشغلة كتير حلوة ..

وبالنسبة لأعلام كاس العالم ..كل العالم بيحطوا علم بلدون ..بس نحن شو بدنا نعمل ..

رورو و دوفان


انا رأيي بعكس رأيكم

يعني بشوف انو شي حلو وضع الاعلام للتشجيع لانو بتحس انو بوقت كاس العالم بيكون متل احتفالية او كرنفال شاغل الناس كلها

بعدين اذا الواحد حط علم منتخب بيحبو مو معناها انو فاتح سفارة ولو دوفانو

و الله انا حاطط علم هالقد قدو بس مو معناها اني ما بحب وطني او بفضل البلد يلي بشجع منتخبو على بلدي لااا

بس الشي الغريب انو البعض عملو ردة فعل انو حطو علم سوريا على شرفاتهم ردا عأعلام المنتخبات طبعا علم بلادنا فوق الجميع بس هالخطوة حسيتها نوع من تمسيح الجوخ لانو كلنا منفدي وطننا بأرواحنا وحب الوطن مانو مظهر فقط

وبرأيي يلي بدو يحط علم سوريا بيحطو بشكل دائم ما بينطر المونديال يعني كل اربع سنين مرة

هادا رأيي الشخصي تقبلوه و تحياتي لكم جميعا

أنا ما حاطط علم حدا عندي عالبلكون
بس ما بشوف القصة بتحمل هالقد انو سفارة وما سفارة ؟؟؟؟؟ بس بحترم رأي دوفان أكيد.
الموضوع كلو ع بعضه رياضة وتشجيع رياضي فقط .

بس انا ضد اللي بحط علم أميركا حتى لو بنية التشجيع الرياضي؟؟؟؟

نحترم الرأي والرأي الآخر.
أحلى شباب والله ....

ولك اسماعيل شو يشجع اميركا ما اميركا مقلنا هادا مرتزقة و قرباطي

لك إي إي بس لعله شي واحد غبي حاطط علم ال USA
حبيت بهدلو شوي

صدقني عنا بسوريا قليل كتير
بس ان وجد فهم إما متل أصحاب الأعلام أو جاهلين وما بتابعوا غير أخبار نانسي وهيفا.