"ابو عصام" حياً في الجزء الاخير من "باب الحارة"

بدأت قناة mbc بعرض "برومو" مسلسل "باب الحارة" في جزئه الاخير والذي سيعرض في شهر رمضان المقبل.

ومن الواضح ان شخصية "ابو عصام" التي يقدّمها الممثل السوري "عباس النوري" ستظهر في هذا الجزء بعدما كان مصيره الموت في الجزء السابق او هكذا بدا لنا في الحلقة الاولى منه.

ومن المعروف ان ابو عصام كان يلعب دورا محوريّا في الاجزاء الاولى وتميّز عباس النوري في ادائه، ولكن خلافه الشهير مع مخرج العمل ادى الى تركه المسلسل ولذا قام المخرج مع المؤلّف بانهاء شخصية ابو عصام، وهو ما حصل ايضا مع الممثل سامر المصلري او العقيد ابو شهاب.

ويبقى علينا ان ننتظر الجزء الاخير لنعرف من من بين ابطال المسلسل سيموت ومن سيعود ويقوم من تحت التراب!!

طبعا رجوع ابو عصام كان بسبب جهود العكيد اب شادي كسار الزبادي و ابن اختو عزووو ببقعة ضوء



ليش السمايلات مو شغالين ؟؟؟؟؟؟؟؟؟؟؟؟؟؟؟؟؟

عميقولو أهل الراية 2 روعة من روائع الدراما السورية خاصة بعد إضافة سلافة معمار وعباس النوري.
باب الحارة كان لازم يتوقف بعد الجزء التاني...
مشكور نضالو عالخبر بس لهلأ مافي شي أكيد.

والله ما حضرتو لأهل الراية يلا معناها نشالله هالسنة منحضرو

يا سيدي الخبر اليقين عندي
أنا حضرت سامر المصري من يومين عالدنيا وهو قال انو بدو يقاضي الملا لأنو عم يستخدموا شخصيتو أبو شهاب وشخصية أبو عصام للترويج للمسلسل وهنن ما رح يرجعوا أبداً
حتى mbc عم تستعمل صوت بيشبه صوت سامر لحتى يقول بالبرومو : ان ما كبرت ما بتصغر
هالجزء ما في لا أبو عصام ولا أبو شهاب بس بدو ينحكى بالمسلسل انن عايشين ...
وما تاخدو مني الا الكذب
مشكووور نضالو

هلأ رح يرجع أو لا
مشان قرر تابع او بلاهاا
يعني اجلي الجليات اللي رح تكون بالمطبخ ولا قسم الوقت لأحضر باب الحاره
ويسلموووو نضالو ع الخبر اللي بتمنى يكون صح

لا لا سوسن اسمعي مني و روحي اجلي الجليات
و لا قلك وقفي شوي ... إي اتذكرت
ليكي سوسن بلا الجليات لأنو هالجزء فيه قصي خولي
يعني ما حالو شي الضرسان شب حليوة وشو بدك بهادا أبو عصام

اممممم
قولتك اسماعيل
بس ابو عصام كتير بيعجبني
وقصي مابو شي
يسلموو ع الرد
ويسلمو نضالو ع الموضوع

سوسن اسماعيل

مشكووووووور مروركن الظريف

آخر شي سمعتو أنو هي دعاية من المخرج
بينما أبو عصام وأبو شهاب ما رح يشاركو بالمسلسل
***
عكل فعلاً موضوع مشوق ..وبدنا نستنى لنعرف الحقيقة
شكراً نضالو الغالي

إذا بكونوا عيشين بس ما بيظهروا فهي فكرة رهيبة أنو يقولوا رح يرجع أبو عصام
معناها عميضحكو عليينا مشان الترويج للمسلسل
مشكور عالتوضيح إسماعيل
وردي السابق كتبتو قبل ما كفي قراية كل الردود فآسف إذا بين إني عمآخد كلامك :*332*:

يا سيدي اذا بيطلع الخبر انو موجودين بس بالاسم يعني عايشين و مو مشاركين برأيي بيكون باب الحارة فقد شي كتييييير من مكانتو و هادا الملا خليه يروح يحيك حرير احسن الو

و اذا ما رجع اب عصاااااام ما رح احضروووو

ابو خالد