أرجوكم ساعدوني

قصتي اصدقائي تبدأ منذ زمن ليس بقصير فانا شاب كنت في سنة التخرج من جامعة تشرين في اللاذقية وكنت ادرس فرع الرياضيات عندما تعرفت على فتاة في السنة الاولى ( مستجدة ) تدرس اللغة العربية في كلية الآداب وكان اسم الفتاة ( قمر) كانت جميلة جمال القمر شعرها منسوج من اشعة الشمس قوامها كأشجار السنديان وبصراحة تعرفت عليها عندما حاول احد اشبان التحرش بها فدافعت عنها من مبدا النخوة والغيرة على فتاة جديدة في الجامعة ومن هنا بدات علاقتنا وصداقتنا واستمرت هذه الصداقة ما يقارب ستة اشهر لم الاحظ منها الا الخير والادب والكلمة الصح في الموضع الصح وزادت علاقتنا ببعض وخاصة عندما صارحتني ان اباها متوفي وان امها المعيلة الوحيدة لها ولأختها الصغيرة التي كانت وقتها في الصف التاسع
بعد ذلك اعترفت لصدقها وتحت بكائها على المها بفراق الاب وخوفا من غدر الزمن فقلت لها اني احبك ليس لاسعادها فقط بل هو شعور حقيقي كنت اشعر به دائمامنذ تعرفت عليها
طلبت منها ان تعرفني على امها واختها لكن الام رفضت استقبالي في بيتهم خوفا من الاعمام والاخوال بالفعل زاد اعجابي اكثر مما اضطرت الام القدوم الى الجامعة بنفسها لتتعرف علي وكان عندها فحص الجامعة على الابواب وانا على باب التخرج
تعرفت على الام واقترحت عليها ان قمر واختها مسؤولتان مني واعتبرت نفسي وقتها كاني فرد من افراد اسرتهم فأنا حبيب قمر ( رحمها الله )وقدمنا الامتحان وتخرجت وكنت بصراحة من عائلة غنية في محافظة اللاذقية والغنى غنى النفس ولم اعمل بشهادتي الجامعية فكنت منذ حصولي على الشهادة الثانوية املك محلا تجاريا كبيرا وسط اللاذقية
كلمت والدي عن قمر وقلت لهم اني ساخطبها رفض والدتي الامر اولا لكن تحت اقناعات والي تمت الموافقة وخاصة اني مقرب لوالدي كثيرا وكان سبب رفض امي انها تريد ان اخطب ابنة خالي
ذهبت امي ووالدي واخوتي الى خطبة قمر وكان عندهم في البيت اعمامها وتمت الموافقة على الخطبة ومن يومها عرفت قمر اني لا اتسلى فانا نفذت كل وعودي لها
واصبحت اقدم كل شيئ لعائلة قمر واصبحت ارى ابتسامة قمر التي زادتها جمالا
واصبحت ادرس اختها بعض دروس التقوية في مادة الرياضيات واحيانا الفيزياء
باختصار كبير وكم تمنيت ان اسرد كل شي صار معي
كنت جالسا في محلي ابيع واتداول ان والزبائن ليرن هاتف المحل واذا بالمتصلة قمر تريد مني ان نتعزمني على العشاء خارج المنزل والمناسبة بصراحة عيد ميلادي وهو احزن ايامي )
ركبت سيارتي والطقس حار وتوجهت الى بيتها وفعلا ذهبت ان وهي فقط الى مطعم في ريف اللاذقية قريب جدا على المدينة وتعشينا وقدمت لي قمر سنسلة من الفضة محفور عليها اسمي واسمها هدية لعيد ميلادي واثناء عودتنا الى المنزل صدقوني الموت حق لكن اسأل نفسي الى الآن لماذا كانت قمر ؟
اثناء العودة خرج شاب على دراجة نارية مسرعا من امامي فحاولت الهروب منه لاخرج على الرصيف وكنت بصراحة مسرعا ولم اشعر بعدها ما حصل الا اني صحوت في المشفى لأسأل اول تفتيح عيناي اين قمر واخبرني الجميع انها في الغرفة المجاورة حاولت النهوض وعندما راى اهلي اني مصر اعلنوا علي الموت واخبروني ان الضربة على رأسها افقدتها الحياة
يا ليتني لم اعرف قمر وبقيت حية فأنا قتلتها بيداي
لكن صبرت وتحملت الموقف وبقيت على اتصال مع اهلها وعاهدت الله امام الجميع اني لن اترك اهل قمر نهائيا حتى تكون سعيدة قمر في قبرها واستمرت الايام والسنين لتكبر شهد اخت قمر وتصبح طالبة جامعية وهي الأن تريد ان تسجل سنة اولى في كلية الصيدلة ولا انكر ان لي فضل بعد الله بتففوقها من حيث الدراسة في المعاهد وكل ما تشتهيه وما عاملتها يوما الا بحنان الىخ الاكبر وكرمال قمر لأفاجئ باتصال هاتفي منها وبدون مقدمات تقول لي تعال للبيت امها مريضة جدا بالفعل ذهبت مسرعا لافاجئ ان امها بصحة جيدة لكن ارادت ان تعترف امام امها انها تحبني جدا وانها لا تحبني كاخ بل تحبني كزوج المستقبل وتريد ان تكمل مشوار قمر
هذا ما حدث معي عندما ظهرت نتائج الثانوية العامة من شهد منذ ايام
وانا بصراحة اذا نظرت الى وجهها ارى قمر لانها بصراحة صورة طبق الاصل
ماذا افعل ارجوكم هل اصد الفتاة فاكون مسببا لمأساة اخرى ام اقبل معها بالامر وبالتالي تبقى قمر ذكرى جميلة في حياتنا وتكون الام سعيدة لانها اطمانت على بنتها الوحيدة
ارجوكم ساعدوني فانا اتالم

أول شي الله يرحمها لقمر وان شالله بتكون من اهل الجنة
صديقي العشاق برايي قسمين الاول اذا عشق مو ممكن يعيش مع اي شخص تاني غير اللي عشقو مهما كان السبب حتى لو توفا بفضل يضل وحيد وما يكون مع اي شخص تاني
القسم التاني متل الاول بفرق انو اذا فرقن الموت ممكن يكمل حياة طبيعية مع شخص تاني بدون اي منغصات
فأنت بدك تحدد نفسك لاي قسم تابع لانو لو كنت من الاول فبرايي حرام تظلم البنت اللي رح تعيش معها لانك ما رح تعيش بشكل طبيعي معها ورح تعيش معها كجسد مو كانسانة
اما اذا كنت من النوع التاني وبتقدر تعيش بشكل طبيعي مع اختا لقمر بدون ما تسببلا اي اذى وتقدر تحبا فبرايي تجوزا ولا توقف قلتلك بشرط لا تظلما
بتمنا يكون رايي المتواضع لصالحك
وبتمنالك السعادة
شكرا

صديقي جار القمر اول شي الله يرحم قمر ويسكنها فسيح جناته

قصة مؤثرة كتييييييييير عنجد موقف صعب

تاني شي ازا بدك نصيحة أخ انا بشوف ازا ما عندك مشاعر حب تجاه اخت "قمر" فالافضل انك تبعد لانو هيك علاقة ما بشوف انها رح تستمر طبعاً هاد رأيي الشخصي

اما ازا في من ناحيتك وناحيتها مشاعر حب فليش لا بالعكس ولا احلى من هيك علاقة

تقبل مروري المتواضع يا غالي

أول شي بدي عزيك بوفاة قمر والله يرحمها
بس بالنسبة ل شهد فممكن كتير تكون تعلقت فيك بسبب تواجدك الدائم معها خلال الدراسة
واهتمامك فيها وبأمها
بس هون عندي نصيحة انو البنت لسه صغيرة وصدقني بس تدخل جامعة رح تتغير
يعني ممكن تكون حاسة انو بتحبك كزوج وحبيب بس بالحقيقة احساسها ممكن يكون غلط
لأنو بهالعمر صعب عليها تميز خاصة انو ما عندها أب أو أخ شب ؟؟؟ فهمت قصدي ؟؟؟
يعني هي بعمر محتاجة فيه لحنان الأب وعطف الأخ وانت جيت محلن وهيك بصير فيه شوية
اختلاط بالمشاعر عند شهد
لهيك بنصحك ما تستعجل وتاخد وقتك كلو لأنو كتير صعب بعدين
بس تدخل البنت عالجامعة وتتغير حياتها انو تجي تقلك أنا آسفة بس كنت غلطانة باحساسي
وانت متل أخي وبس ؟؟؟؟؟ وصدقني صايرة كتير بمجتمعنا .
أما بالنسبة لوضعك انت فكمان بخوف شوي يعني ممكن تكون شايف فيها قمر بس بالآخير هي شهد وليست قمر وكمان بدك تركز هون لأنو القصة مانها لعبة ؟؟؟
بتمنالك التوفيق والله يوجهك لكل خير

السلام عليكم
البقية بحياتك اخي العزيز
وإن شاء الله خاتمة الأحزان ماحدى بياخد غير نصيبو
أنا برأيي لو ترجع لحالك منيح وتنسى الماضي لأنك لازم تنسى الماضي
وتفكر بالموضوع منيح
هاد حياة مو لعب
يعني بكرة بدكن تضلو مع بعض للأبد
بس شوف اخي وهاي نقطة هامة:إنك بدأت معهن بالخير والمساعدة وغيرتلون حياتون للأفضل
فلا تكون بعد كل هالشي تجي وتهدم كل آمال العيلة فيك لسبب انك مابتقدر تنسى اختها....
هو بكل الأحوال سواء اخدت شهد او غيرها لازم ما تحسسهون بقمر
وانت طيوب وماشاء الله كتير منيح وبتعرف اكتر
بس انا بحس انك منجذب لشهد شوي ولولا انجذابك ما كنت فكرت حتى تفكير بالموضوع
ومتل ماقال الاخ اسماعيل اعطو لبعضكن فرصة اكبر
بحيث تتعود انت عليها وتتأكد من مشاعرها
وهاد شي اقل من عادي يعني اذا كنت بتحس بحرج فيه
واكيد مارح يلاقو احسن منك وانت بتعرفون منيح
واذا بتصليلك استخارة بيكون كتير منيح
والخيرة فيما اختاره الله والله يوفقك ويعوضك عن الماضي
بالتوفيق يارررررررررررررب

جار القمر
إن شاء الله بتلتقي بقمر بالجنه يارب
اللي خلاني رد ع الموضوع
تأثري بالقصه أولا
والسبب التاني
ان شهد بتكون تقريبا بنفس سني
انا مارح الغي شعور الحب اللي هي عم تحسه اتجاهك
لأن لما الشخص يلقى انسان يكون له الأخ والأب والرفيق
وحنانه عم يعوض عن كتير شغلات مو موجوده بحياته
فلا شعوريا بتعلق فيه
بيخاف يخسره
وبيحبه
احساس شهد فاهمته منيح
بس ما بظن في ولا وحده بالدنيا عندها القدره تتحمل ترتبط بشخص عم يشوف فيها انسانه تانيه
عم يحب الانسانه التانيه اللي عندها نفس الصفات
يمكن احتمال الموضوع لفتره مؤقته
بس مستحيل للأبد
حتى لو كانت اختها
لو قررت ترتبط بشهد في يوم من الأيام
ارتبط فيها مشان انت بدك شهد
مو مشان شهد بتزكرني بقمر
لان سدقني رح تقلب حياتها جحيم وما بتكون قدمتلها ولا شي

الله يرحمها لقمر
انا مرح طول بحكيي بس بدي قلك انو فعلا البنت صغيرة وتعودت ع وجودك متل ما قال اسماعيل بس يا ترى انت رح تقدر تعيش مع
اخت قمر يلي انا برأيي اخدت هيك قرار بس لانو تعودت عوجودك؟؟؟؟؟؟؟
والله خلق اخيين بس ما خلق طبعين يعني كتير ممكن ما تقدر تتفاهم معها مو موقفة القصة عند بس شبهها لقمر انا رايي تفكر بعقلك ومو بقلبك لانو هي حياة طويلة قدامك .......انشالله بالتوفيق والله يخترلك يلي فيه الخير.

هيك الحياة
ظالمة ياصديقي بتاخذمنا يلي منحبوا
اله يرحم قمر ويجعل مثواها الجنة
أنا بهنيك لانك عشت مع بنت صادقة
هاد أهم شي
صدقني

عموما انا مابنصح بالارتباط بشهد
لكي لايبقى ألمك صديقا
ألم التذكر لقمر الله يرحمها

الله يرحمها لقمر ويعينك على هذه المصيبة انا بدي قلك شي إذا انت حاسس انك ممكن ما يسببلك هالزواج من شهد ألم بدل من سعادة فلا تتردد وإذا موحابب تجرح البنت بعد ما تعلقت فيك فطلاع من حياها بطريقة متدرجة لانو بجوز إذا تم الزواج يذكرك بقمر بشكل مستمر ويدايقك. بس برد وبقلك إذا حاسس انو ممكن يسببلك سعادة هالزواج وتكون قمر مجرد ذكرى حلوة بس فلاتتردد

لازم تبعد عن كل العيلة من ناحية الزواج طبعاً
لأنو انت جربت حظك وأفضل لألك ولأختها انكون تبعدو لأنو قمر الله يرحم ترابها رح تضل جرحكون النازف
حتى لو كان في قلب بالموضوع العقل بقول لازم تبعدو
وأهم شي تبتعد عن التردد لأنو قاتل وسلاح ذو حدين

الله يرحمها لقمر وانشالله يجعل مثواها الجنة

انا برأيي أنو ما تقطع علاقتك بالعيلة كعيلة....بالعكس أنت لازم دائما تهتم فيهون معنويا وتسأل عنهون دائما
بس بالمقابل انت لازم تشيل من ذهنك فكرة الارتباط بشهد أخت قمر لأنو-متل ما قال أغلب الاعضاء-ما رح تقدر تعيش معها لشهد كشهد، انت رح تضل شايف قمر امامك وهاد شي صعب رح يخليك تعيش بعذاب طول حياتك انت وقمر
وانا مع اسماعيل برأيو عن مشاعر شهد اتجاهك لأنها مشاعر بنت فقدت فجأة حنان الأب وشافت فيك انسان حنون حل محل أبوها ويمكن خلال سنة او سنتين تتغير مشاعرها اتجاهك
كمل حياتك العاطفية مع انسانة تانية تحبها وتحبك وحاول انك تنسى الماضي المؤلم
تقبل مروري يا صديقي