اللهجة اللادقانية

اللهجة اللادآنية من أحلى اللهجات اللي ممكن يسمعا الواحد، ومشان تفهمو كيف طريقة اللفظ رح أشرح القواعد بطريقة مبسّطة كتير، بعدين رح ننتقل لمعجم الكلمات ورح شكّل كل كلمة مشان تنعرف كيف لازم تنلفظ

قواعد اللهجة اللادقانية:

-1في اللهجة اللاذقانية يحذف دائما اخر حرف في الجملة او الكلمة المفردة

2- في اللهجة اللاذقانية تمد الكلمة دائما ثلاث حركات مد لازم

3- في اللهجة الللاذقانية تشدد دائما الكلمات في اوسطها

4- في اللهجة اللاذقانية الافعال الضعيفة تضاف اليها ( نهنه ) في مؤخرتها مثل (اخدوهنه) (اتلوهنه) (دبحوهنه) (ابوهنه) مع كسر الهاء.

5- كافّة الكلمات التي تحوي حرف الألف تقلب إلى واو عريضة

6-الكلمات التي فيها ياء وبعدها هاء عائدة الى مذكر غائب تقلب الياء والهاء الى ألف مثل (فيه) تصبح (فا) أو (تلائيه) تصبح (تلائا) وهكذا

معجم الكلمات:

أهم كلمة في اللهجة اللاذقانية هي كلمة عيّن (وتعني انظر) ، حتى انو اللادقاني بينعرف من هالكلمة، لدرجة انو مرة كان شب بإنكلترا طالع بعثة من الجامعة، فكان بدّو يسأل واحد عربي عن شغلة، فقللو: عيّن!! فسألو الزلمة العربي: إنت من اللادقية ما هيك؟

أما باقي الكلمات فهي: (ولا تنسو تمطوا الكلمة 3 حركات على الأقل ومن زاد فذلك خير)

زتـّا - اشْلفا = ارميها

ازْركو - احْشكو = حاصره

خـَيسو = اضربه بالسكين

لمّط - لم = شيل

قـبّوع = كيس و تقال أحياناً للشخص الغبي بغيابو

غريم = كريم اللذي يستعمل للدهن مثل كريم الوجه (تلفظ الكاف متل الجيم المصرية)

تتشيّع = هادا الفعل حالة خاصّة جداّ ، لأنو يستعمل بدل أي فعل، طبعاً وتشتقّ عنو الشايعة والشايع ولكن طبيعة هالفعل بتنقال في حالة الإشمئزاز من شي أو الانزعاج من شيء معيّن

مسكليتة = (بسكليتة) الدراجة

ريحة = بارفان

جاكيّة = جاكيت

باكيّة = باكيت

خفّافة = بوط رياضة

عليا طول = على طول ولكن نادراً ما تسمع هذه لكلمة

السيبا = السلـّم

العمىىىىى = تقال في حالة الصدمة و غالباً من شي ما كويّس

كتّ = عبّي-املئ

إبّا = ارفعها

جلموء = مصلحجي

معلاء = بيتدخل بكل شي

اسْكمْبري = نوع من السمك

اشْكمو= اخذلوا

يبأبــِش - يلخْبــِص= يلعب بأصابعه

بالورب = بالمايل - على جنب

آآآ ( مد لازم 12 حركة مع فتح الفاه ) = للتعجب و الإستفهام

اعْركا = حكّا

شْـفاتير = شفايف

كلاكيش = غراض

مأنتن = وسخ

صفدعة = ضفدعة

ملنـّص = واصل على قمة ( توب )

ضبع = طنط

إيّاعااا - إيّا عزّةةة - شَحّاري - شحميطي = للتعجب الكتير

مكن = قوي

عكّيد = أبضاي

عَمْشة = وسخة

سأرأ = علبة معدنية

دَرْبَكو - دَعْتـَرو = اوقعه ارضا

زنزوءة - مرجوحة - شئليبة = قلّيبة

مْأنشِح = وسخ

ألشين = جرابات

ألْشِت = زحطت

لـْبيسة = تياب داخلية

أشأ = الطريق الغير معبد

طـَرْوَشو = صرعه بكثرة الحديث

زْلاعيم = لوزات

خروء = ضعيف

اكْعَرو - اصْغـَرو = اطرده

زَمَأ = مر

بَحَت = مات

طـَشّة = أهبل

إيش ياه - شو ياه = شو لأخبار-ماذا يحدث- Wassup

مَجـَـنة = موتور (الكاف هون متل حرف الجيم بالمصري)

مشْنِص = حظو حلو

دشّـو = تركو

أهتر = أهبل

جيعان = جوعان

هبّور = شرشوح

معتـّر = مسكين - ضريب سكاكين

تليانة = مليانة

صحفة = نفاضة سواكير

بتـّو = ابنته

أخوّي = أخي

زاوة = زاوية

كبّينة = مرحاض

هردبشت = هبور

يا بو = للمناداة

لألوء = الذي يتنقل من مكان الى آخر و يلي بيلزق عليك

عليّ ما عليّ (مع تسكين الياء) = للحلفان

مَـش = دليل على اللاشيء

إتـّة = أنت

فـَهْنه = يوجد

آي = نعم

بردلي = أنا بردان

بربيش = خرطوم

فا = يوجد

إسّا = لسّا

يحمّك = دعوة بالشر و الحمى

فلوكا = مركب الصيد المتوسط الطول

لنش = مركب الصيد الطويل و الكبير

بَبّور = سفينة

رَيسي = معلمي

ما عن طـَيبي = ام أقصد ذلك

يلعن سلسفيلك = يلعن اجدادك

لزّ - زيح = ابتعد

خمخوم = الذي يحشر انفه في كل مكان

شو دحشك = ليس لك علاقة بالموضوع

أتـّورة - نـَتـّوسه - أتـّوسه = مقدار قليل

فط = نط

خر بر = مثقب وهو أداة كهربائية للنجّاريين و الكهربجيّة

كـَحَشو = طردو

دَرمِل - احليء = انقلع من هنا

ليش عم تزاور = ليش عم تتطلع

مسأسئ - متشتش = مليء بالمياه

شنتيانة = سيف طويل طري جدا

علئة = مشكلة

حبْكت - كمْشت - لـَنـْصِت = وصلت للذروة

يو عين = يا عين

بلعِط - لوص = تحرك بسرعة أو احتار لحالك وهي مشتقة من بلعوط و هو ابن الضفدع

أرؤوعة - مهرهرة = مهترئة- بالية

سيبو = اتركه

طلع صوب برا = ذهب إلى دورة المياه

كل يوم تعا = يا ميت اهلا و سهلا بس لا بآ تعيدا

شكيلة = وهي كلمة سيئة للفتاة الرخيصة جداً

ولا خَي = يا أخي (تقال تحبّباً أو إذا كنت آخد وش عالشخص اللي عم تحكي معو)

طـَوَشو - خـَيَـلو = قاده الى الجنون

الصرضعون = وهو السلطعون (حيوان بحري يمشي على جنب)

طيك العوفة = يعطيك العافية

لأ ولو (مع التشديد على الهمزة في الـ لأ) = للإندهاش الشديد

بسّة = قطة

مريّة = مراّة

وع راسيييي احلى لادئية

اقتباس :: تتشيّع = هادا الفعل حالة خاصّة جداّ ، لأنو يستعمل بدل أي فعل، طبعاً وتشتقّ عنو الشايعة والشايع ولكن طبيعة هالفعل بتنقال في حالة الإشمئزاز من شي أو الانزعاج من شيء معيّن

بربي ومن دون مجاملات احلى لهجة انا بشتغل بدولة خليجية وكانوا العرب الموجودين هونيك يتابعو ضيعة ضايعة ومن كتر ماحبو اللهجة صاروا ما يحكوا الا فيها وكتير منهن عبالن يجو عا اللادقية.......... مشكور