سلام للجميع رح قدملكون مجموعة نكت انشالله تعجبكون :
واحد رايح يخطب وحدة فعم يحكي مع ابوها قالو الاب : طيب يا ابني انت شفت امها ؟ قلو : و الله يا عمي شفتها بس انا بفضَل البنت ....
واحد بدو ينتحر ... طلع عالطابق العاشر لقاه مسكر قام انتحر مرتين من الخامس.....
ولد عم يسال ابوه : بابا.. الحمار بيتجوز ؟؟ قام قلو الاب: ليش في غير الحمار بيتجوز ؟؟؟
بابا نويل راح عالصومال ..شاف الاطفال كلون نحاف ...قام سالون ليش هيك الاطفال نحاف كتير ؟؟؟؟ قاموا قلولو لأنو ما بياكلوا شي... قلون بابا نويل: شو...!!! ما بياكلو لكن ما الهون هدايا....
واحد محشش قاعد بتعزية سمع كل الناس عم تحكي انو الله يرحمو و كلنا على هالطريق قام هو حب يتفلسف و طلعت معو حكمة حلوة كتير قال : صحيح الانسان متل البني ادم اذا توفى مات ......
واحد نايم هو و مرتو فجأة سمعوا هرج ومرج بالساحة برا ...قام قلها لمرتوا خليك لشوف شو صاير ... طلع قام سمع كل العالم عم تحكي انو المي اللي بالخزانات مسمومة .... رجع عالبيت سالتو مرتو: شو شو القصة ؟ قلها ما في شي روحي شربي كرعة مي وتعي نامي....
واح محشش دخل على محل سيديات قلو لصاحب المحل : عندك جورج والسوف ؟؟؟
قلو صاحب المحل:اة عندي...قام قلو :اة خليه يطلع لأنو مسكر علي بالسيارة....
اتنين لبنانيات قاعدين مع بعضون قالت الاولى : شايفة هيدا اللي لابس ازرق ؟...هيدا زوجي ..و شايفة هيدا اللي لابس اخضر؟؟ هيدا صاحبي ..
قالتلها التانية : ييي يخرب زوقك انا بالعكس تمام ....
انشالله يكونوا عجبوكون
زميلتكم: ruru
