مصروف الشباب

بظن هالموضوع كلنا ممكن نعاني منه بشكل نسبي

وهو المصروف وخاصه انو نحنا طلاب وأكيد مصاريف الشب بتختلف عن البنت بس ممكن تتساوى

سؤالي كيف بتأمن مصروفك ككل سواء الجامعه او التسلية أو احتياجاتك

و بتفكر تقتصد وممكن يتأثر مصروفك بمدى نجاحك ؟

يعني ممكن الطالب اللي بأدي واجبه وبينجح بالدرس بيصرف وما بأنبه ضميره

متل الطالب اللي بعاني بدراسته

وأكيد ما مننسى انو طلبات الجامعه كترانه هالاايام

خاصه انو الطلاب عم يشتروا كل شي جاهز من المكتبه

وما رأيك بالعمل أثناء الدرس ولماذه نجده بين الشباب أكتر من البنات


تحياتي لكم

هلأ لحنا كشباب يمكن عيب نطلب من أهلنا لهيك لازم نشتغل ونصرف على حالنا لو عطونا اهلنا أكيد ما لح يكفونا وبالنسبة لتأثير المصاري على الدراسة أكيد اذا ما معنا مصاري مالح نعطي الافضل بدراستنا
ومن ناحيتي انا ما باخد مصروف بعتمد عى حالي

الاعتماد ع النفس من ناحية المصروف كتيييير منيح بس ياهل ترى انو تاخد من اهلك وانتا بالجامعة عيب؟؟؟؟

ابداً مانو عيب لانو شغلة الدوام بالجامعة والشغل بعد الجامعة عاملة بلبلة كبيرة بالدول المتطورة في منن مع ومنن ضد هالشي

العيب انك تتخرج وتتسرح من الجيش وتاخد من اهلك

بالنسبة للطلاب اللي من خارج المحافظة الاقتصاد بالمصروف امر ضروري والا كل واحد بدو راتب موظفين 2 ليمشي حالو

كل الشكر وردة عالموضوع

cool boy

شكرا لتواجدك ورأيك حلو حبك الاعتماد عالذات

بس ماني مع معادلة انو المصروف يتناسب مع الدرس الناجح

في كتير طلاب بيطلعوا من الاوائل مع انو حالتهم ممكن تكون متردية

وطلاب ما ناقصهم شي ومع هاد بدوبلواااااا

روميو

أكيد مو عيب انك تطلب من أهلك بس لما بدك تطلب فما بتقدر تطلب الللي بتحتاجه وبتكون مخجول

أما لو بدك تاخد مصاري لشي كتاب جامعه فانت بتحكي بثقه بالنفس أكتر

وأكيد معك انو لازم الواحد يقتصد وخاصه اذا من مكان بعيد

وعالاغلب أهلوا عم يبدوه بس ليتعلم فلازم يقابلهم ويراعي ظروفهم أحييك أنا

بس بالنسبه للعمل مع الدرس أنا بحس انو شي حلو بشرط ما يتعارض مع الدرس أكيد


شكرا جزيلا لوجودكم

هلق مصروفي أبداً ما بيتأثر بالنجاح لأنو ضميري منيمو من زمااااااااااااااااااااااااااااااااااااااااااااااااااااااااااااان



2- محاضراتي بجيبن ببلاش من المكتية لأنو صحابي

3- العمل أثاء الدراسة شي حلو اكتير بس مو عيب الشب يطلب من أهلو مصاري لأنو لسى عم يدرس
والشب بيصرف اكتر من البنت لعدة أسباب :

1- في دخان للشب بس للبنت ما في قصدي انو الشب بدخن والبنت لأ


2- إذا الشب عزم بنت فهموة لازم يدفع



3- الشب بيصرف بدون ما يحسب


4- الشب بيحكي بالجوال أكتر من البنت
5- الشب مشاويرو أكتر من البنت لهيك مصروفو بيكون أكتر


6- الشب في عندو حلاقة بالأسبوع أقل شي مرة وحدة والبنت لأ
7- الشب ( بس مو كل الشباب ) إذا اجى على البيت بيجوز يجيب معو شي شغلة للبيت مشان ينبسطو أهلو



مشكووورة وردة

أهضم تعليق

بالأول نوم سعيد لضميرك ولو اني مو مصدقه

وتانيا شو هالدعم فيتامين ((و )) نيالك

وتالتا أكيد مو عيب

بس يعني مافيكم تتخلوا عن التمييز بين البنت والشب لأنو البنت ما بتشترلي تياب أكتر وفي بنات بيستخدموا

المكياج عدا عن مصاريف تظبيط الشعر

وكرمال الله حاج تمنونا انكم عم تدفعوا اذا مو قادر مين قلك تحب وتعشق وليش ما تخلي البنت تدفع ولا عيب ما بصير

وأنا بأكدلك انهم ما بجيبوا شي للبيت ههههههههههههه


هلا فيك

هلق اكيد المصرف بيأثر شوي عنفسية الطالب بس تأثير عادي يعني مو لدرجة يخليه يفشل او يرسب

و انا بحب اعتمد عنفسي بهالموضوع احسن مآخد الخرجية من أهلي " />

بس كمان في ناس ما بتقدر تدرس و تشتغل بنفس الوقت فبيصير موضوع الجامعة و الدراسة عذر لعدم الاعتماد عالنفس

نضال

هلا فيك وشكرا لرأيك

أيوووووش

انشالله ما بتحتاجي وشكرا الك

بصراحة مو خطأ الواحد اذا كان عم يدرس يشتغل خاصة اذا كان بفرع ما بدو دوام كتير بس ينتبه لايأثر على دراستو

مثلا أنا تجربتي رح انقلنكم اياها كنت ادرس من السنة الاولى بالجامعة وبالصيف اعمل عقود باي دائرة مثلا زراعة أو الموارد المائية أو أو ..... حسب وين كانت فرصتي وهيك

وبعدين اتمكنت وصرت أعمل دورات بالبيت تاسع وبكالوريا وأثبت قدرة على مساعدة الطلاب يلي كانو عندي

بس ليش ياحزركم ضغط حالي كل هالضغط لاني بالجامعة وتحديدا بقسم الجغرافيا عانيت كتير كتير وقفت سنتين ورسبت بالتالتة بس بعدين صار مبرر عندي اني عم اشتغل ومو بحاجة الشهادة يلي رح تطلع روحي لبين ما يطلعو موادي

وهلق شو النتيجة اني استنفزت بأخر فرصة للمستنفذين كانت بالصيف وما اقدرت التحق فيها بسبب سفري على ايران وبعدين بدو يضل شي ناقصني لو شو ما اشتغلت وكيف ماعشت لتجي دورة وللاسف احتمال ماتجي وتروح علي فرصة الدراسة بعد كل هالسنوات بالجامعة

لذلك يلي حابب يشتغل ويدرس أنا برأي يوفق بين دراستو وشغلو أو يخليه للصيف ولايحس حالو بشغلو بيقدر يستغني عن الجامعة رغم كل المعاناة بجامعاتنا
لان بشغلو وشهادتو بيقدر يحقق كتير بس الشغل لحالو مو ثابت

نصيحة من مجرب أختكم شام مع تمنياتي للكل بالنجاح والتوفيق يارب

بالأول نوم سعيد لضميرك ولو اني مو مصدقه

وتانيا شو هالدعم فيتامين ((و )) نيالك

وتالتا أكيد مو عيب

بس يعني مافيكم تتخلوا عن التمييز بين البنت والشب لأنو البنت ما بتشترلي تياب أكتر وفي بنات بيستخدموا

المكياج عدا عن مصاريف تظبيط الشعر

وكرمال الله حاج تمنونا انكم عم تدفعوا اذا مو قادر مين قلك تحب وتعشق وليش ما تخلي البنت تدفع ولا عيب ما بصير



لأ صدقي
وبعدين عم تحسديني على محاضرات وبعدين لا فيتامين (و) ولا شي

البنت صحي بتشتري اتياب اكتر بس كل حقن من أهلها
بس الشب إذا بيقلو لأبو بدي اشتري تياب بيسبو السبة المعهودة عند كل الآباء وهية ( يلعن أبو.....)
وبعد ذهذه السبة مع أخذ ورد بين الأبن وأباه بيقلو روح دبر حالك

وأنا من جهة الدفع عن البنت مو عندي أي مشكلة ولا ضارب حدا منية يعني مستحيل أقبل أنو بنت تدفع عني شو وين الرجولة بس أنا اذكرتها من باب مصاريف الشب مو من باب ضرب المنية
مشكورة وردة

بداية عجبني الموضوع كتيييير

بالنسبة للشباب بظن ما في أي عيب يطلبوا من أهلن بسنين الدراسة

بس أنا مع الشب اللي بيشتغل وبيطالع مصروفو لحالو وكتير بيعجبني الشب اللي بيعتمد ع حالو

وبيشتغل مع دراستو بالجامعة

حتى البنات اللي بيشتغلو الى جانب الدراسة بحترمن كتييييير

أنا مثلا بحب وبتمنى اني اشتغل مع دراستي ولو اني ساكنة بمدينة كنت حققت رغبتي

بس بالضيعة صعب هالشي خصوصا اذا كانت صغيرة متل ضيعتي ما في أي مجال اشتغل في

هالشي مو لأنو بحاجة الحمدلله أكيد أهل أي طالب ما بيقصروا وبيعملوا اللي بيقدروا عليه

بس الشغل بيكون حافز للنجاح أكتر وبيخلي الواحد يشعر أنو الو قيمة وعم يفيد مجتمعو بشي

بس آخر نقطة بالنسبة الي عموما ما عندي مصروف كتير كبير ودائما بحس أنو اللي عم آخدوا عم يزيد عن حاجتي

هاد رأيي شكرا وردة

جوى - علاء

مشكورين عالمرور


وعلى آرائكم المحترمه

وأنا حابه ركز على نقطه عند جوى انو الشغل مو ضروري للحاجه بجد اللي بيطالع مصرووفه غير

reem

الشكر الك

وحلو حماسك وقناعتك

وانشالله بتتخرجي وبتشتغلي والكل ياخد منك

موفقه يا رب