وداعاً أم لا ؟! .... من أحمد

بتمنى منك يا احمد ما تغلط متل ما غلط رفيقك كابتن ماجد
وبالنسبة للمواضيع الأخيرة ف موجود 35 موضوع بالقائمة انسى اللي ما بتحبن وركز على اللي بتحبن
وبالنسبة لقائمة الأعضاء
في تنافس بين اسماعيل و نضال وهالشي عاجبن والناس بتحب تشوف مين اكتر واحد مشارك بالمنتدى
وبيستاهل نحطلو اسمو عالرئيسية بتوقع
لهيك ما رح شيلها
اذا انت ما حابب تنافس على المركز الأول في ناس حابين
وكمان في ملاحظة ما بعرف ليش الناس فهمانة انو نحنا عم نترجى الناس لتشارك و ترد ومابعرف شو
هالموقع كلو على بعضو لمة حلوة
اللي بحب يشارك اهلا وسهلا واللي ما بحب على راحتو يتصفح بشكل طبيعي كلو مجاني وبلا حقوق محفوظة وقابل للنسخ و التحميل ببلاش والنقل على مواقع تانية بلا اذن وبلا دستور
مع انو صدمني هالموضوع وخاصة منك ما توقعتو
ولو اقترحت هالموضوع اقتراح عالخاص كان ممكن فكر
بس انت عم تخيرني وهالحركة ماحلوة منك
مع اني ما حابب اخسرك لأنك صرت صديق بالنسبة الي بغض النظر عن عضويتك
بتمنى تعيد حساباتك
سلام

كمان أنا بقول انو نحنا صرنا عيلة وما منحب نخسر حدا بالعكس انشالله منزيد وعم نزيد.
بالنسبة للردود يعني لما الواحد بنزل موضوع أكيد بدو يجي عليه ردود ولازم يرجع يرد عليها ويشكر الناس اللي مرت وعلقت وأضافت وهادا شي حلو . يعني ما حدا عم ينكش شي من الأدراج ويقعد يعلق عليه !!!
وكمان ما حدا طالب من حدا انو يعلق عالمواضيع اللي مانو حابها أو اللي بشوف انها ما بتعنيه.
بالنسبة للمنافسة فهي مشروعة وما مطلوب من اللي ما عاجبته يدخل فيها وخاصة انو في أعضاء مساهماتن ملفتة ومميزة والكل بشيد فيها وهنن يمكن بآخر الترتيب . يعني الأول والتاني بتدل على نشاط , أكتر ما بتدل على تميز وبيقدر كل واحد يتميز محل ما هو. . والقصة ما بس مساهمات القصة انو عم نحاول من وقت للتاني ننزل مواضيع للنقاش متل ((عن الخوف والعزلة)) لحتى تكون الردود ما بس شكر وثناء. وأنا هون بطلب من الكل انو ينزلوا مواضيع فيها نقاش من وقت للتاني .
كلمة أخيرة:
ما تستغرب يا أحمد أو حتى أي عضو تاني انو بيوم من الأيام ما تشوفوني بالمنتدى , يعني أحياناً بيخطرلي انو أنا بدي شوف المنتدى كبير وناجح وحط كل يوم عشرة وعشرين موضوع ونزل كل شي عندي ملفات مفيدة للطلاب الجدد وبعدين اترك وامشي بهدوء ومحبة للكل وبأسلوب راقي ما لأني ما عاد المنتدى عاجبني بس لأنو عملت اللي بدي اعملوا هون وهو ما اني وصل للمركز الأول ولا التاني ...لا لا هو اني شوف المنتدى ناجح
باختصار واالله بيعلم اني عم اشتغل بالمنتدى بس لحتى شوفو ناجح ومنتشر. يعني اذا أنا اليوم بالمرتبة الأولى فهو لأني بحب المنتدى بس وليس لأني الأميز أو الأفهم .؟؟؟؟ يعني عدد المساهمات ما بخولني كون الأول أو التاني بس محبتي للموقع اللي بتخليني كل يوم ادخل وشيل وحط وظبط فيه كأنو غرفتي اللي بدي ياها تضل حلوة ومرتبة هو اللي خلاني وصل لهون. ولا القصة وما فيها انو يا منصير الأول يا ما منشارك وما بيعجبنا المنتدى ؟؟؟؟؟
يعني ليش نضال ولا سومر ولا رورو ما زعلوا وتركوا المنتدى مثلاً ؟؟ الجواب لأنو بحبوه وين ما كانوا يكونوا ....
بالنسبة لبعض المواضيع متل لعبة الأغاني وغيرها فهي نوع من تغيير الجو لا أكتر ولا أقل .

ابو حميد

صندوق العشرة الاوائل موجود بكتييير منتديات و انت بتعرف بهالشي

و انا بالنسبة الي لاهمي اول و لا همي تاني و متل ما قللك اسماعيل و بجوز معك حق احيانا بيطلع الموضوع عن فكرتو الاساسية بس هادا الشي طبيعي نتيجة تفاعل الاعضاء و احساسهم بالارتياح لبعض

و ليك انا اول ما سجلت بالمنتدى كان مصفر و فاضي و كنت نزل مواضيع و ما حدا يرد لانو ما كان في حدا بس هالشي ما خلاني اترك ابدا

بتمنى منك تضل تشارك و تنزل مواضيع لانو نظرتك للموضوع برأيي فيها شوية غلط

تحياتي

ما كنت حابب ضيف شي ع الموضوع بس شفت انو لازم وضح كم نقطة :

سومر :
اسماعيل و نضال بيستاهلو متل ما قلت ، و بعتقد وجود أسماءهم أعلى الصفحة الرئيسية بيعطيهم حقهم
وجود الصندوق بكل المواضيع - على عكس باقي المنتديات - رح يضل يذكر بعدد و ترتيب كل واحد و بالتالي بيأثر على كمية المشاركات مو النوعية ...
و كمان بعتذرلك إذا أحرجتك هيك ، بس لو طالبتك ع الخاص كنت رح تتضايق أكتر بحالة رفضت طلبي و تركت المنتدى بلا ما يعرف الأعضاء
أو استجبت لطلبي و صار لازم تفسر للي ما عجبو التغيير

اسماعيل :
الواحد لما بيرد على موضوع ما رح يدخل عليه مرة تانية إذا رده كان مقتصر على الشكر أو إبداء الإعجاب أو هيك شي ... و هادا اللي قصدته
جملتي بهالموضوع كانت عامة ... يعني أنا مثلاً -متل أي حدا تاني- إذا حدا رد على موضوع إلي صرلو كم يوم و معظم الأعضاء بيعرفوه بحس حالي خسران رد إذا ما فتت و شكرته !
و نفس الشي بالنسبة للمواضيع اللي بشوفها ما بتعنيني أو ما حلوة . و هالكلام متل ما شايف منطبق ع الكل ...

نضال :
برأيي مو كل المناقشات بريئة ، كتير منها هدفها المشاركة فقط لا غير .

و ما عم قول هادا مو حقكم أو غلط ... اللي عم قوله انو هادا الصندوق الموجود بكل صفحة بالمنتدى رح يأثر ع الكل و يجبرهم على المشاركة بسباق الردود ...




و آخر شي بالنسبة للرابط
www.aadab.tk
ما رح الغيه ، بس إذا مر 90 يوم بعدد زيارات أقل من 30 رح ينلغى تلقائياً
وعلى فكرة هادا الرابط دخل على ترتيب اليكسا :
http://www.alexa.com/siteinfo/aadab.tk#

و هلا صار فينا نقول

وداعــــــــــــــــــاً
ٍسومر ، سوسن ، رورو ،دوفان ،جودي ، شذى ، روز ، ريمو ، لوليا الغايبة من فترة

و بالتوفيق الكم بالامتحانات

مشكور أحمد عالتوضيح وبالنهاية الخيار إلك ... موفق
كلمة أخيرة لأحمد وللكل وبكل محبة:
يا جماعة المتندى لحتى نستفاد ونتسلى كمان وما حدا يستقل بكلمة التسلية لأنو ما بسهولة عم نحصل عليها اليوم .....
رح قول كلمة عني ولآخر مرة: بتحطو صندوق بتشيلو صندوق مشاركاتي ما رح تتأثر لأنو آخر همي الأوسمة و الألقاب ... وأنا مع سومر بكل شي بشوفو مناسب.
(( الألقاب ليست سوى وسام للحمقى والرجال العظام ليسوا بحاجة لغير اسمهم ))
وهون لا أدعي اني عظيم أعوذ بالله بس بدي قول انو مشاركاتي ومشاركات زملائي بتكفي لتعبر ولتقول مين المميز ومين اللي عم يشتغل من قلب ورب بالمنتدى ...
في ناس بتفكر انو أنا ونضال قاعدين كل الوقت وما همنا الا نلحق نرد ع فلان وعلان ....
ويمكن معن حق وهنن أحرار يفكروا متل ما بدن , ما بلوم حدا ,
بس أنا عم اقضي وقت حلو و استمتع بالمنتدى وما همي أقنع حدا بنوايايي وبشو بفكر.
ملاحظة :
يمكن شفتوا بالفترة الأخيرة بعض المواضيع اللي يمكن ما تهمكن كطلاب انكليزي وفرنسي ((بس بالآخر أنا بدي نزل مواضيع شو ما كان وآخد نقاط كيف ما بعرف يعني يا جماعة ما عم نام الليل صراحة ))طبعاً عم امزح
الحقيقة انو نحنا لازم نشتغل بالموقع كلو ونجذب طلاب من باقي الفروع للمنتدى وهالشي عن طريق تنزيل مواضيع تهمن وهادا اللي عم نسويه وبدنا نشتغل عليه , وما مطلوب من حدا يعلق عهيك مواضيع ولا حتى يشكر ... الشكر واصل ...

الى المزعوجين مو بس احمد

ولك اااااااخ ااااخ

ولك يعني شو بدكن فينا فهموني لا حدا عم يغلط معكن ولا حدا عم يقرب صوبكن و لما عم تشاركو مشاركات ما بينرد عليها عم نرد و نشجع و نسلم و لك والله جننتوني يعني شو فيها اذا طلعنا عن كم موضوع بالردود و شو فيها اذا كترت الردود و شو فيها اذا واحد طلع الاول و لا التاني و لا التالت و لا الالف ما بالنهاية الكل عم يشارك و ينبسط و يستفاد لانو منتدانا فيه كل شي بدك تستفيد بتستفيد و بدك تتسلى بتتسلى و الله مستغرب فيكن بشرفي يعني من احمد لماجد لمبارح حمشو اللي مزعوج من تغيير الموضوع بالردود بموضوعو تبع liberte


ليكوحبيبي انت وياه وياه بالنسبة الي رح ضل متل ما انا رح نزل مواضيع من جميعو و نشالله ما يضل بالمنتدى عضو غيري رح ضل نزل لانو لما بشارك و بنزل موضوع ما بيكون همي اني سيطر و اطلع الاول بس متل ما قال اسماعيل و سومر وboss هالمنتدى صار بيتنا التاني و رح شارك ولو لحالي متل لما بلش المنتدى و كان فاضي و سومر بيعرف

و انا من جهتي رح ضل هيك و اللي ما بيعجبو لا يرد على مواضيعي ابدا و صلى الله و بارك

اسا كل ما شاركنا و حكينا بيطلع حدا مزعوج

احمد
نحنا انبسطنا بوجودك و مشاركاتك و بحترم رأيك و الله يوفقك

إي بسيييييييييييييييييييييييييييييييييييييييييييييييييييييييييطة ولو نضال شبك يا زلمة
هلق كل ما حدا انتقد بدك تولع و تعصب ...
برواق وما بدها هالقد نضالو الغالي
رد متل ما بدك بس برواق مشانك يعني
هههههههههههههههههههههه

ولك و الله تخنت ولك اسماعيل يعني منعمل خير و منكون كويسين مع الكل و ما منشوف غير الشي السيء

بعدين ماني معصب و لش اصلا اللي بيقدر يعصبني بدي اعطيه خمس ليرات

طيب رح جرب لشوف:
تضرب انت و ايطاليا وبرج أيفل وفرنسا كلها والأدب الفرنسي و وسام النشاط والتواجد

هات الخمس ليرات يلا لشوف ؟؟؟

اي ما عصبت و الله انت كويس كتير معللمي اسماعيلو

يمكن ظروف اختباراتي ما خلتني شوف الموضوع الا بوقت متأخر
أحمد
ليش عم ناخد موضوع المشاركات بشكل سلبي
وان كل واحد عم بيشارك ليزيدو عدد مشاركاته
انا عن نفسي بشارك بالشغلات اللي بشوفها وبحبها
لان معتبره انو اعضاء المنتدى اسرتي التانيه
متل ما بنادي البيت كلو ع شغله حبيتها
بحب انقلها لهون
ماعم يهون علي نخسر شخص تاني
الشخص الاول ماعرفته وماكنت اعرف شي عن سبب تركه
بس أحمــد؟؟؟؟؟؟؟؟؟
انا ماعم اتعامل مع الموضوع من ناحية انو نحنا منتدى وخلص اللي بيرضى يرضى واللي مابيرضى لا يرضى
انا عم اتعامل من ناحية انو صرنا اخوان
وممكن نعطي فرصه للموضوع ونلقاله حــل
سومر الا ما نلقى طريقه ترضي كل الأطراف
بس جد حرام نخسر فرد من العيله
فينا نحاول نحل الموضوع باي طريقه

لا تخافي سوسن الي بحب المنتدى ما رح يتركو
واللي ما بحبو الله يوفقو
بس مستغرب فيكن كيف ما لاحظتو شغلة
انا عندي مبين لأني بقدر شوف كل المعلومات
بس انتو غريبة كيف ما لاحظتو
يالله ما رح احكي احتراما فقط لا غير

على كل حال انسو الموضوع
والقرار بايد احمد

كيفكن يا جماعة...انا صراحة مبارح فتت بعد غياب وعم شوف المواضيع الجديدة ولفت انتباهي هاد الموضوع
وتفاجئت باسمي فيه...انا ما عصبت يا نضال بالعكس من مصلحتي انو الردود ع الموضوع تكتر وعدد مشاهداتو بس انا كان قصدي انو انا نزلت قصيدة وتفاجئت انو الردود تحولت انقاش عام33يعني انا كنت بفضل انو متل هيك نقاشات ما بتتعلق بالقصيدة يكون الا محل تاني مو اكتر

حمشو

انا معك و حقك الاحتفاظ بخصوصية موضوعك و نحنا متفقين على هالشي و الامور صارت تمام التمام و ما رح بقا يصير خروج عن المواضيع ابدا

و يمكن كان توقيت ردك مع موضوع احمد في خربطة شوي لهيك انفهم الموضوع غلط و حقك علينا حبيب القلب

ولا يهمك نحنا اخوة وبين الاخوة بيصير سوء تفاهم

طبعا حمشو الغالي طبعا نحنا كل فترة بدنا مشكلة منشان نجدد الروح ولووو

عم امزح اكيد

تحياتي

براااااااااااااااااااااااااااااااااااااااااااااااااااااااااااااااااااااااااااااااااااااافو شباب
أحلىىىىىىىىىىىىىىىىىىىىىىىىىىىىىىىى شباب
وخليكم على طوووووووووووووووووووول كووووووووووووووووووووول

اسماعيل هلق شو يعني هي very moody :?:

يعني مزاجي كتييييييييييييييييييييييييييييييييييييييير
فوق ما بتتصور نضالووووووووووووو

اااااااااااااااه مقوووووووول ليش انت هييييييك اااااااااااه

اي و هنا فيري جودي شو بس انت لكن

بس هلق سومر ...انا حشرية شو بدنا نلاحظ ؟؟؟
اسفة عالسؤال بس فعلا انا حشرية ..

أنا صراحة تفاجأت بقرارك أحمد وبتمنى ترجع عنو لأن كتير مشاركاتك رائعة.
والسبب اللي طرحتو غير مقنع وإذا مابدك ترد على موضوع معين أو نقاش جانبي فكل واحد حر بحالو وتحية إلك ودعوة للعودة وفتح صفحة جديدة يا أبوحميد الغالي.