أخ darkhector تفضل عالنقاش لو سمحت

اخ ابو خالد انا بفهم بديني كتير منيح
بعدين انا قلتلك في شي اسمه تعددية و تعايش
و الاهم من هيك انو في خطوط حمراء ما بجوز حدا يتخطاها و متل ما انا ما بسمح لحالي سيء
لمعتقدات حدا, ما بريد حدا يسيء لمعتقداتي و فهمك كفاية..
و لو ضليتا من هلا لسنة عم نتناقش و نتحاور فما حدا رح يقدر يغير معتقدات و لا اراء حدا
و المعتقد و المذهب خط احمر بتمنى يكون النقاش فيه بسياق المقبول و المسموح و بعيدا عن التجريح و محاولة فرض الراي او تغييره بالاكراه لاني هالشي مستحيل

أخي هيكتور
قلتلي أنو بتفهم بدينك منيح ، وهادا شي بيسعدني
بس بثير استغرابي الشديد
هلا إذا بتفهم بالدين كيف عمتحكي عن المذاهب ؟؟؟
وأنا بأكد أنو أي شخص بفرق المسلمين لمذاهب فهوي ما بيعرف الدين أبداً
بانتظار رأيك
بس ياريت تحل هالإشكال يلي طرحتو
وما تموت الموضوع بطريقة تقسيم الحقوق (يعني تعطي لكل طائفة حق)
لأنو التقسيم بيعني تغيير الدين والمسلمين دين واحد ما في مذاهب أو أقسام أو طوائف
كلامي يلي أنتى علقت عليه بهي الطريقة هوي كلام إسلامي وأنا برفض تأطرني بأي طائفة.
***
شباب هادا نقاش ديني
رجاء غير الأخوين المحترمين (إسماعيل ونضالو) أو أي شخص محترم بيفهم بالدين والتاريخ الإسلامي ما حدا يتدخل بطريقة عشوائية
رجاء ما حدا يشوش كلامي وموضوعي بطريقة شعبية (على قولة كلنا متل بعض ولا تعملوا مشاكل ...ومن هالحكي)
إذا في حدا بيفهم بالدين لازم يشوف أنو كلامي هوي الموحد بالحقيقة
وكلام الأخ هيكتور هوي التفرقة الحقيقة وترسيخ الانقسام
***
أخيراً بتمنى يكون الحوار بجو إيجابي

أول شي بدي أشكرك أبو خالد انو سمحتلي شارك معكن
بداية بدي قول انو أنا ما بعرف حدا فيكن يعني لا أبو خالد ولا هيكتور بس الله بيعلم اني بحبكم
وبدي أطلب منكم انو تتناقشوا متل ما بدكن وأصلاً هيدي هي الفائدة من المنتدى
بس بتمنى عليكم تعطوا صورة حلوة وحضارية عن الشباب السوريين عموماً وعن المسلمين خصوصاً وتستخدموا اللغة اللي بتحبوا تسمعوها من الآخر ... مع كل الشكر الكم
بالنسبة لرأيي أبو خالد الغالي:
متل ما قلت سابقاً مجرد ما أنا قول انو المقال الفلاني صح وانت تقول عن نفس المقال انو غلط
فنحنا تلقائياً ونحنا مسلمين انقسمنا لرأيين مختلفين وهيدي هي برأيي قصة المذاهب ببساطة شديدة
يعني عبارة عن اختلاف في الرأي حول عدد من المواضيع ولكن بالنهاية نحنا كلنا مسلمين
ونحنا لما منتناقش منتناقش بالمواضيع الخلافية فقط بس الأساس واحد
وهادا مانو شي غلط بل هو موجود في معظم الديانات.
وهون ما حدا بحط حدا بخانة معينة بس آراء ومعتقدات كل شخص فينا هي اللي بتحطو بمكان و بخانة معينة وهادا شي موجود أخوي أبو خالد وما فينا ننكره
يعني ما في داعي نتناقش اذا في مذاهب ولا لأ لأنو هيدي قصة منتهية
بس الأهم انو نركز على المساحة الكبيرة جداً من التقارب والتماثل بين المذاهب مقارنةً مع المساحة الخلافية اللي نسبتها قليلة ...
وكمان كيف نحاول نوجد أفضل صيغة لنتحاور بين بعضنا بشكل حضاري يوصل لنتيجة.

يعني عنجد اخ ابو خالد قصتك عجيبة غريبة
يعني على مين عم تضحك, علي و لا على حالك و لا على مين
اول جملة قلتها كنت عم تسب ما بس عم بتسيء لحدا كتير شريف
و بشرف الامة الاسلامية كلها
بعدين قلتلي انك ما بتؤمن بالطوائف ما هيك
و كلامي هو المثير للفرقة و الانقسام ما هيك
حلوة هالنكتة كتير
و على شو لنضل نتناقش اذا كنت بتسمي هالشي نقاش
يعني قاعد عمتسيء للاشخاص الاشراف اللي ذكرتن حضرتك
و عم تقلي انا ما بفهم بالدين و كأني انت صاحب الحقيقة المطلقة ما شاء الله
لك بعدين من اداب الحديث احترام اراء و مبادئ الغير و معتقداتن
و التعددية و التعايش موجودة سواء بدك تعترف فيها ولا لاء
و متل ما قال اسماعيل في نقاط اختلاف و في نقاط اتفاق
بس ليش حضرتك بتحب تركز عنقاط الاختلاف ما بعرف
و حاجتك صيد بالمي العكرة
و بالنسبة لموضوع الحوار
فكيف بدك ياني حاورك اذا انت عمتسيئ لالي
و عم تضل متحجر و متصلب باراءك
يعني ماني مستعد"اتناقش" او "اتحاور" معك لأنك متعصب

عذرا منكم كل واحد فيكم اخد فرصتو بالرد

بتمنى ما بقا حدا يرد عالتاني لأنو صراحة كل شي حكيناه انا واسماعيل ما حدا اخدو بعين الاعتبار

مشكورين عالمشاركة و نحنا منضل اخوة هون و ما بقا في داعي حدا يفتح هالموضوع لاني رح سكرو فورا

مغلق