هل تفضل المرأة الجميلة أم الذكية

سمعت نقاش بالاذاعةعجبني وحبيت قدمو لشباب المنتدى وللصبايا طبعا اذا حبو يشاركو
عادةاول ما يلفت نظر الشاب بالصبية هوي شكلها بس يا ترىشو بيفضل الشب تكون البنت
اللي ممكن يرتبط فيها جميلة بغض النظرعن مستوى ذكائها أم أن الذكاء يطغى على الجمال
شو هوي الجانب اللي ممكن يأثر أكتر بالارتباط
هل تتقبل الفتاة الذكية الخالية من الجمال
أم الجميلة الخالية من الذكاء

بعتقد كل الشباب رح يختاروا الذكية...بس الواقع شي تاني..ومشكورة جوى عالطرح الحلو

والله مابيعجبون العجب

يعني بالحالتين رح يضلو يبصبصو لبرا

الحلوة بيقولو عنها غشيمة وجدبة

والذكية بيقولو عنها شايفة حالها فيلسوفة وعلى شو مابعرف

والدليل موضوع لي كتبوه عن التشوه من شي فترة

شكرا جوى

أكيد يارا
معك حق آية خلين يبصبصو على كيفن ويتغنجو على كيفن وآخرتاااااااااااااا
مشكورين ع المرور

والله انا من ناحيتي بفضل الذكية بس بنفس الوقت اذا شفت وحدي حلوة يعني معلشي عزروني رح قول لحالي لومرتي كانت متلى شو كان رح يصير وتقبلو رأيي اذا بدكن وشكرا عالموضوع يا جوى

أنا رح اعتبر حالي ما شفت شو مكتوب ردود فوق.
من جهتي أنا بحب البنت الذكية لأنو ما بقدر اتحمل البنت اللي ما بتعرف تشتغل عالكومبيوتر والنت واللي ما بتعرف بموبايلها غير الزرين الأخضر والأحمر
الحمد الله أنا جماعتي عندهم الصفتين

انا بتخيل ينقو البنت الذكية لأني ماحدا فينو يتحمل البنت الغبية قد ما كانت حلوة

هلا ما في شي بيعوض شي تاني
بس بالنسبة الي الذكاء اولا مع شكل مقبول
شكرا جوى

هلق وبصراحةتااامة أنابنقي الجميلة لأنو موكل حلوة غبية ومابرتاح إذا كانت كتير ذكية لأنو بصراحةبتتعب الذكية كتير ونحنا شباب شرقيين بالنهاية يعني قدما ادعينا أنو منحب تكون البنت اللي منحبا أذكى منا بس بالواقع وبداخلنا مننقز
يعني حلوة وشوي ذكية تكون مو....

شو هالصراحة ياAboody
أنا برأيي كل الشباب بيفكروا متل ماقالAboodyوأكتر شوي بس ماحدا بيعلن هالشي حتى بينو وبين حالو
كلون الشكل أهم شي ومابيتمنوا تكون الصبية أذكى منن

انتو شفتوا حدا اخد بنت على عقلها .. بعدين السؤال شوي صعب هذا السؤال متل ما تقول " الطعام خير من الماء أم الماء خير من الطعام "

شكرا اصيل على رأيك الصريح بس وين المشكلة اذا كانت متلك

تتهنى سيرجيو بجماعتك
بس انت بتتقبل تكون أذكى منك يعني تكون منافسة الك
مشكور عرأيك

لوليتا -دارك هيكتور مشكورين عالمرور بس أنا مع عبودي برأيو يعني الشب ما بيتحمل تكون حبيبتو أفهم منو بيطق شكرا عبودي

شكرا فيوليت عالرأي
طيب ابو الريم صحيح الأخلاق أهم شي بس كمان يعني انت بتقبلها تكون خلوقة بس غبية و بشعة
أزاد يعني انت رح تاخدا على شكلها
مشكورين جميعا ع المرور

الذكاء هو نوع من انواع الجمال
والمراة التي تجمل نفسها باعتدال مراة ذكية
وانا بفضل الاعتدال بالذكاء وبالجمال

رأي سديد مشكور ع المرور
بس ليش حزين

اكيد الجميلة اي شو بدي سوي بذكاها يعني؟؟؟ بدي حرر القدس فيه ؟؟؟ بيعيني الله على الغبا اذا كان موجود بس الواحد لما بفيق الصبح بيتصبح بوجها مو بذكائها .

عجبتني مدين
تبقى بس تفيق الصبح وتتصبح بوجهها تذكر غبائها بسهرة مبارح كيف كانت مو فهمانة شي من شي

والله ضحكتيني من قلبي جوى ردك كتير حلو

بس شو بدا تفهم من من سهرة مبارح اي شو بدي كون عم اشرحلا درس كيمياء ؟؟ خخخ
يعني انت مو معي بالرأي ؟؟؟؟

هلأ الكل معو حق جوى مظبوط حكيك 100 ب100 هلأ معلش حيلا شب قد ما كان حلو بجنن بيسطل اذا كان غبي وطسمة مستحيل انا اتقبلو
مدين كمان معك حق يعني شو فائطة الذكاء من دون جمال
وطبعا ابو الريم كحيك بمحلو ما في حدا بشع هالايام الكل عم يهتم بحالو

يعني الخلاصة الواحد ما ضروري ياخد العبقرية البشعة ولا ياخد الملكة الجمال والطشة الغبية
اصلا ما في حدا بياخد هيك

الجمال و الذكاء

بس الذكاء اولا

الذكاء في المرتبه الأولى يليه الجمال

بس و الله كل شي بدو
ما بعرف

ال 2 سوا