ظاهرة تمزيق نتائج الامتحان

سلاااااام للجميع

اليوم نزلت عالجامعة للاستفسار عن بعض الاشياء , و بطريقي مريت عنتائج الانكليزي و تفاجأت صراحة بعدد من أوراق النتائج الممزقة و اللي طالت اسماء عدد كبير من الطلاب

طيب شو ذنب الطلاب يلي راحت اسماؤهم بالغلط , و ليش هالتصرف الأرعن و اللامسؤول من البعض

اللي بدو يخبي نتيجتو بامكانو يشطب اسمو و قامت خلصت

بس كيف بدهن يبرهنو على الاستهتار و الحسد من الناجحين يعني عنجد عيب

و اللي مزعوج من نتيجتو كل هالقد يروح يمزق اوراق مخو القديمة و يبدأ من جديد

و الله هادا الكان ناقص كل واحد بيرسب بمادة بيروح ممزق نتائج الناس و لا رقيب يقللو شو عم تسوي

دمتم بخير

اي بشرفي معك حق يا نضالوو
و انا اليوم كنت بالجامعة و غب على قلبي لما شفت الاوراق المشروطة بالسنة الاولى
لانو كانت بدي شوف علامات وحدة رفيقتي كتيير ملهوفة علين
و لك ما مخلايين شي بحرف الميم بس الله ستر و طلع ما نازل مواد
و الا كان التعن نفسي من موظفين الامتحانات
و الله عيب و مية عيب
يعني هي تصرفات طلاب جامعة
الواحد ما بيعرف شو بدو يحكي
و الف الف شكر عاهتمامك نضالو بالرغم من انك فرنسي مو انكليزي
و هالشي بدل عمحبتك و قلبك الكبير

عنجد موضوعك اخي نضالو اجى بوقتو وفشلي شوي من خلقي
نهار الاربعاء طلعنا لنشوف نتائجي للسنة الاولى انكليزي وكان طالع ثلاث مواد من حوالي الخمس ايام
وتفاجأت بصراحة من المنظر اوراق مشروطة وأسمي ما مبين الا بمادة وحدة
وكنت طالع حوالي الساعة اربعة العصر يعني كانو شعبة الامتحانات مسكرة
واليوم ما قدرت اطلع وراحت معي ليوم الاحد
والله يسامح اللي كان السبب

هلأ انا ماشفت النتائج عندكم لأني ساكن بالشام بس نفس المشكلة يلي عم تصير عندكم عم تصير ببعض الكليات هون متل كلية الأقتصاد في واحد رفيقي ما شاف ولا نتيجة من من نتائجه معلقه لانه في عندهن طلاب اول ما تتعلق النتائج بشقوهن الطلاب وصدق انه رفيقي طالع كل مواده بالفصل الأول والتاني عن طريق الهيئه الاداريه
ومتل هيك مشكلة المسؤول الأول عنها هو ادارة الجامعة لانه لازم يراقبو النتائج وكل واحد بشق ورقه بياخدو لعند امن الجامعة وهيك ما حدا بصير يسترجي يشق الورق
ومن بعد اذنك في شغلة بره الموضوع هي النتائج للسنة الاولى بالأنكليزي اذا في مجال زميل اسامه او اي حدا اله نزله عالجامعه يجبلي نتيجتي معه وبكون ممنونه كتير لأنه ولله صعبه النزله من الشام عاللاذقيه واله عندي احلى حلوان وبتعرفو اتنو قديش الواحد بكون مستني نتيجته وبدو يعرفها وخصوصي اذا كان بدو ينقل متل حكايتي
اسمي محسن محمد معين الخلوف
وشكرا كتييير سلفا
بعتذر مرة تانية نضال لأني طلعت بره الموضوع

تكرم عينك اخي محسن
انا ان شاء الله الاحد نازل على الاكيد على الجامعة وبجبلك نتائجك ان شاء الله
واي حديه تاني مسافر او ما قادر ينزل على الجامعة يقلي وان شاء الله بشفلو نتائجو بطريقي

darkhector
و الله يا غالي هدول الناس لا يمتو بصلة لطلاب الجامعة يعني طلاب بالاسم فقط و صحي انا فرنسي بس الله وكيلك هي كليتنا كلنا و لما بيصير اي شي بأي قسم هادا بيخص الكل لأنو ممكن يصير عنا كمان اذا ما وقفنا هالشي عند حدو

osama
الله يكون بعونك عتحمل موظفين قصدي ( وزراء) شعبة الامتحانات و مشكووور مرورك حبيب القلب


Lucifer6606
و الله انا معك بأنو ادارة الكلية لازم تتخذ اجراءات لتمنع هيك ظاهرة غبية متل اصحابهاو بس واحد يتعاقب من هالموضوع رح تشوف كيف كل يلي بيفكرو هيك بيصيرو متل النعاج البريئة

و منشان الخروج عن الموضوع ولا يهمك لحسابك المنتدى كلو و خروجك للفائدة و انا رح ساعدك اذا ما قدر اسامة


مشكور اسامة عمساعدتك و عنجد يلي متلك بينرفع الراس فيهن

شكرا لتواجدكم الكريم يا غوالي

بصراحة كل واحد بيعمل هيك شي فهو
وعذراً منكم (( حيوان ))
وحرام يدخل جامعة أصلاً

برأي الحق مانو على الطلاب
لأنو طول عمرن الطلاب هيك و ادارة الجامعة بيعرفو هالشي
والحل بسييييييييييييييييييييط كتير
بتعرفو شو هو
يعملو متل كل جامعات العالم
يكون في حاجز زجاجي قدام النتائج فيك تشوف بس ما فيك تلمس
يعني شو هالاختراع الكبير يا لطيف
الله يساعدن

هلق هيد ا الظاهرة انفعالية أكيد وهي ان جاز التعبير غلط وخصوصا على الطلاب يلي عبسفروا مشان يعرفوا النتائج بقى ما بالك عبيقطعوا مسافات كبيرة مشان يشوفوا ان الورق ممزقة

مشكورين شباب

بعتقد القادر الأكبر على منع هيك شي هيي ادارة الكلية الموقرة

شعب إذا ضرب الحذاء برأسه.......صاح الحذاء بأي ذنب أضرب
ويل بجنن موقع الجامعة يعنيي للأسف((مسخرة))

حمشو

و الله معكون حق ..يعني عنجد ظاهرة معيبة ..بس كمان متل ما قلتوا مو كل الحق عالطلاب ..يعني وين المسؤولين .. ..لو في عقاب حقيقي ما عاد حدا بيسترجي يعمل هيك تصرفات " .... "

على كل شكرا نضالو على اهتمامك ..

رورو
قالولو لفرعون : يا فرعون مين فرعنك قام حزري شو قلن , قلن و الله ما لاقيت حدا يردني

و عنجد لو في عقوبة لهيك شي ما كان حدا استرجا يمزق ورقة بس خطي ادارة الكلية مو فاضية لهيك شغلات عندها شغلات أهم

اة لكن لأنو كل شي عندن اهم من مصلحة الطلاب و مشاكلون ..

لاء و اذا واحد اظهر عجزهم و اخطاؤهم قال بيعصبو و بيبهدلو و ابعرف شو

الله يفرجيني فيين يوم بس

شكرا عالمتابعة رورو

لك تصور يوم الخميس نزللنا مواد ..اختي مو حاطين علامتا ..رحت لقلون .. بتعرف شو قالولي ..اة خلص تعي يوم الاحد اعتبريها ما طلعت اليوم ..شو هالحكي قال الواحد بكون متحرقص و قاعد على نار ..بس ما حليت عنون لجبت العلامة ..
يعني مغزى الحكي انو فعلا اخر همون الطلاب و بس ما تزعجون و تخليون يشتغلوا .. مع انو الخطأبكون خطأون ..
لهيك فعلا الله يفرجينا فيون يوم ..

و الله برافو عليكي يلي ضليتي فوق راسن و عنجد قمة المهزلة قال اعتبريها ما طلعت اليوم قال عنجد هادا الشي بيدل على انهن مستهترين ولك انا يلي بدي افهمو الواحد فيهن اذا ما بحب الشغل و التعب ليش ليتوظف يترك الوظيفة للناس يلي بتستاهلها

عم احكي هيك لأنو قال شو بيتحججو انو نفسياتهن تعبانة هالكم يوم لأنو عليهن ضغط شغل كتير و ما بيتحكو و تقول هادا الشي مبرر

ليعلم كل موظفين هذه الكلية : أنتم موجودين لخدمة الطلاب و تسيير أمورهم و غير مقبول ابدا الطريقة التي تعاملون الناس بها , و من لا يعجبه الأمر يستقيل و الله مع دواليبو

شكراً نضال
والله وانا بعيدة عن الجامعة
راحو رفقاتي ليشوفولي علاماتي طلعت الورقة مقطوعة
والموظفة رفضت تعطي علاماتي
قال شو لازم اجي بذات نفسي
وبعدين بعتت بطاقتي لشرفت وعطت
بس ضليت اسبوووووووووووووع عم استنى
يمكن تكون سمعان فيا موظفة لطلاب عربي سنة اولى

لا و الله مانا سمعانين اية .. بس ما في داعي نسال لأنو كلون متل بعضون ..

آية
و الله مو سمعان فيها بس اتأكدي انو كلن متل بعضن عنا بالفرنسي هيك و الانكليزي كمان
يعني شكلن لما بيتوظفو بيقسمو على انو تضل مناخيرهن مرفوعة و يضللو معقدين من شي اسمو طالب

ما بعرف شو بدي أحكي .......................

سبحان الله كليتنا مميزة بكل شي