ظاهرة احجز لي

ظاهرة الحجز وحدة من اكتر الظواهر المنتشرة مو بس بالجامعة لك حتى بالباصات؟؟؟؟؟؟؟؟؟؟؟؟؟؟؟؟؟؟؟؟

بالجامعة الطالب الفهمان بيحجز لالو وللعيلة ولعيلة العيلة شوبقلك أي ماحدا احسن من حدا.
6 او 7 طلاب كافيين ليحجزو مدرج فما بالكن قاعة الاثار العظيمة شغلة تانية بيحجز مقاعد زيادة وبيتحكم بيللي بدن يقعدو وبشفلك واحد من شي 13 قرن مو شايفو وبيقلو تفضل قعود حتى لو اجا جلالتو مع الدكتور وكتير عالم اجت قبلو ومابيصرلو حتى حرف الشباك يقعد عليه على اعتبار انو الشباك يعتبر مقعد في كليتنا الموقرة ( تخيلو انو الطلاب صارت عم تحجز من قبل بيوم وفي طلاب بتقلك اوكة فينك تقعد هالمحاضرة بس بدك ترجع المحل محاضرة الجاية على اعتبار انو المقعد لللي خلفو )اما عن ظاهرة الحجز بالباصات فهادا حديث اخر بيطلع واحد قبل رفقاتو وبيبلش يصفصف كتب على مقاعد الباص بس القصة بدا شوية وقاحة متل ما بعمل انا : بشيل الكتاب وبقعد وكان شيئا لم يكن بلييييييييييييييييز بدنا حل
ظاهرة احجز لي كتييييييييييييييييييير قاهرتني لانو مافي مرة بطلع عالجامعة يابتخانق مع حدا او بسمع حدا عم يخانق حدا برايكن شو الحل؟؟؟؟؟؟؟؟؟؟؟ظ او عالقليلة عطي رايك

حطست أيدك عالجرح

أنا بالنسبة لألي بكون بدوام عالساعة 7 بيكون في مقاعد لسا

والحل برأيي اول شي الجامعة لازم تكون قد الحمل وتستوعب عدد الطلاب

وتاني شي الشغلة بدها احترام وذوق لانو كل واحد مسؤول عن وقتو ولي بيوصل ابكر لازم يقعد

بالمحل الفاضي

وما بتقصر لما بتشيل الدفتر وبتقعد

معك حق فافو

بس هالوضع الو اسمين:

1. متل ما سميته "احجزلي" إذا كان شب عم يحجز لشب

2. ظاهرة "تبييض الوجه" إذا كان شب عم يحجز لبنت يعني مشان يبين انه شهم وقبضاي واحيانا ممكن يحجز للبنت ولرفقاتها

أكيد هي ظاهرة مرفوضة بس المسؤول الرئيسي عنها هو إدارة الكلية لأنها ملزمة بتأمين أماكن لكل الطلاب وبدنا ماننسى انو في كتير طلاب ما عم يحضروا ومع هيك الوضع بهل سوء بقى كيف لو حضروا كل طلاب السنة الرابعة شو كان صار بالدني.
واكيد لو كانوا هالطلاب ضامنين انو رح يصرلن مقعد ما كان حدا رح يحجز لحدا لهيك الحق عالإدارة

أنا ما بحضر حتى لو صرلي محل أو حدا حجزلي ما رح احضر لأنو من شبه المستحيل اقدر افهم واستوعب بهل ظروف

أخيرا برأيي الوضع باق متل ماهو وما رح يتغير لهيك اللي بدو يحضر لازم يشوف شي حدا يحجزلو يا أما بلاه هالدوام من اساسو
أو إذا بدو في هدول الكراسي الصغار اللي بينضبو تبع السيران فينو يجيبهم معو

تحياتي

طيب شو رأيك انو هالظاهرة منتشرة بكورنيش التجارة
مسخرة ياشريك ؛-)

اي بعرف دبدوب شفتها،
أنا الأحد نازل عالجامعة احجزلي عالكورنيش ورح جبلك معي ببساية وجيتانة هههه ‎ ‎‎;‎-‎)‎

عيني ربك شو بتفهم بضرب الدماغ
بس خيو في حل تاني
بطلع بكرا وببخ graffiti
كلمة محجوووووووز
على الحرف
كيفك فيا

هو في شي زيادة بهاد الموضوع بعني متل ما ذكرتي فافو ان ممكون عدد صغير بيحجز مدرج ولا يا عيني إذا كان الحجز من شب مشان تجي صبية هي عدم المؤخذة بتزعج بزيادة مع الشكر

كلام سليم

يعني متل ما قال سيرجي ادارة الجامعة بشكل عام تتحمل المسؤولية , يعني كتيييييير اشكالات و مشاحنات بتصير بين الطلاب و غيرن سببها النظام الاداري العاجز كليا بسد الاحتياجات , يعني لو فيه قاعات كبيرة ما بتصير هالمشكلة , بالنسبة للمدرج بعتقد الامور تمام حتى لو صار فيه حجز مسبق لانو بيساع عدد كبير .

الحل : ما في حل غير ( احجز لي ) او الواحد يدفش هالكتب (اللي عأساس هدول بطاقة الحجز ) عهديك الجهة و يقعد و خلي اللي بدو يفقع يفقع اذا ما كان فيه مكان طبعا

انا من رأي نضالو
هيدي أحسن طريقه...و لو إنها ممكن تخلق مشاكل و خناقات
بس نحنا المفروض بقاعة محاضرات(الله يجعلها قاعه)مو بباص

بس شو بيفيد كل هالكلام
فالج....لا تعالج

شكرا كتير لتفاعلكن مع هالموضوع بس شو بدنا نساوي يالله كلا سنة ومنخلص بس العترة عللي جايين بعدنا بدن يتحملو 4 سنين عالقليلة بهالكلية الموقرة ومتل مو بعضكن قالو فالج لا تعالج بس انشالله لوقتا بيكونو لاقو حل لهالمسخرة

و الله انا قلت من قبل انو هالظاهرة مو معقولة و مرفوضة تماما ... يعني الواحد بكون جاية من قبل بساعة ما بلاقي محل ..ليش ؟؟؟ قال و الله شو واحد حاجز لرفقاتو اللي ممكن يجو و ممكن لا ... ليش لحتى انا اجي قبل بساعة ما لاقي محل .. و اللي بيجي بعدي بساعة بكون محلو عم ينتظرو ؟؟؟ ليييييش ؟؟
هاد الحكي ما بجوز .. يعني المفروض كل واحد يحجز لحالو و بس ... مو شرط كل واحد يقعد جنب رفيقو يعني مانا ولاد صغار .. و هيك بتتنظم الامور كل واحد بيجي بكير بيقعد و اللي بيجي متأخر ..خلص ما الو محل .. انا برايي هاد الحل الوحيد كونوا ادارة الكلية عاجزة عن ايجاد الحل المناسب .. المفروض الطلاب يحلوها بين بعضون ...
و شكرا عالطرح فافو ..

بصراحة صارت زريبة و لازم حل سريع من رئيس القسم

ادارة الكلية ما الها علاقة بهالظاهرة برأيي
في كتير طلاب اذا ما كانوا بأول مقعد ما بيحضروا المحاضرة من اساسها
يعني اذا الادارة شافت حل رح يكون حل وحيد مافي غيرو ياللي هو بهالنكتة
(الحماصنة عملوا باص بالعرض ليش؟؟؟
مشان الكل يقعد قدام....طبعا مع احترامي لكل الحماصنة الموجودين)
يعني هاد الموجود والوضع ما بيتغير الا اذا غيرنا تفكيرنا

شكرا كتير عالموضوع...حلو

هالظاهرة بتفقع
هداك اليوم فتت بكل بساطة على قاعة 30 فرنسي لأحضر محاضرة الترجمة واذ بحضرة شب طليفحي حاجز 3مقاعد من الاول وكل مقعد بيساع 4زلم قال شو لرفقاتو
قلتلو ما حزرت وقعدت بواحد من هالمقاعد
ويا ريت لو انو هاللي عم يحجزوا اول شي بيكون بدهون يفهموا بس العترة علينا نحنا اللي بدنا نفهم ونشارك بالمحاضرة
شكرا على طرح الموضوع لأنو هزلت يعني

برأيي وبكل بساطه الافضليه لمن يصل اولا

بس ياحزركم شو اللي بفقع أكتر وأكتر عالاقل انتو عالم ناس بتحجز نحنا عنا بيحجزوا بالاقلام والمفاتيح ويمكن بالمحارم فتصور يا رعاك الله

عدا طلاب بكونوا مابدهم المحاضره الاولى بدهم التانية بس بيحجزوا من الاولى