لعبة الصراحة ؟؟؟؟؟؟

الوالدة

قديش مصروفك بالقهوة(محل ما بيروحو يشربو اركيلة و هيك شغلات متل الملكي مثلا ) شهريا ؟؟؟؟؟؟؟؟؟؟؟؟؟

والله انا صبية فإذا بدي اطلع بنطلع عائلة او رفقات
واذا الروحة عالسوق شي لي بحتاجو باخدو
بس بصرف كتير عالبوظة " />

-شو اكتر شي بيخليك تعصب بالدنيا

حدا يقلل من احترامي بطريقة غبية

كيف بتواجه شخص متقصدك بالشر ؟؟؟؟؟؟؟؟؟؟

والله صارت معي
بس انا قلت اذا بدي رد بشر متلها رح تكبر القصة اكتر
فعملت حالي مابعرف شي (طبعاً كنت حاطة حذري منها)
وكنت عم علملا عالموبايل (يعني انتي بالبال)
وبعتت رسالة تعبر عن مشاعري باتجاهها
وجد رجعت عن نيتها وصارت تترددلي
وتحسسني اني اكتر صديقة بتعزها
والله يهدينا جميعاً ويحفظنا
-هل بتثق بنفسك ؟ وشو هو الإثبات برأيك ؟

للأسف لا
و ما بعرف ليش و كتير بتزعجني القصه


شو أكتر شي ساويتو بحياتك و بتندم عليه؟؟

اكتر شي (هو في كتير اشيا بنساويها وبنندم عليها)
كتير بنخانق انا واخوي الصغير
بس يخلص المخانقة بيعذبني ضميري كتير
وجد دايما بقول هاد اخر مرة
بس هو كمان مشكلجي
-بتحب المغامرة؟ خبرنا اذا في مغامرة صارت معك ؟

لما كنت ساكن بالضيعة
مرة انا وصغير قررنا انا والشلة تبعنا انو نسرق رجال ختيار مجنون كان يجمع مصاري بكيس ويعلقو عالحيط
طبعا ما كذبنا خبر وسرقناه وكانت احلى ايام حياتي لأني اشتريت أطنان من البوظا و البطاطا و البسكويت
وبعدين انكشفنا و اكلنا قتلة هائلة
ومن وقتها لحد هلق
ما باخد من أهلي حتى خمس ليرات بلا ما اسألهن
تربيت ليوم يومي
سؤالي
بتحسد اللي احسن منك وبتغار منو ؟

و الله اكتر اكتر شي انو مرة حاولت افركا من البيت بدون رجعة عأساس
هالشي صار بالصف التاسع لأنو اهلي كانوا على وشك انو يعرفوا اني غبت 15 يوم
عن المدرسة و باقيلي يوم و بنفصل
فرحت انا و 2 من رفقاتي نلعب سوني بالزراعة بدل ما روح عالمدرسة
و ضليتا نلعب للساعة 4 لانو كان دوامنا الضهر
بعدين هني رجعوا عبيتن و انا صرت دور من محل لمحل لحتى صارت الساعة 11
فحاولت نام ببناية عالعضم بصف البنايات اللي بأول الزراعة بس ما قدرت لانو كان مليان
فيران و جرابيع
بعدين شفت هيكل سيارة صوب مدرسة عماد الدين قلت بنام فيها
بس كمان ما قدرت لاني كنت متلج من البرد و فوقها كان عم ينزل مطر
قلت احسن شي ارجع عالبيت بس ما استرجيت لحالي قمت صرت اتمشى
بشارع الجمهورية بلكي حدا بيشوفني
والله و شافني جوز خالتي بعد شي نص ساعة و سويت حالي دايخ
بس الحمد الله ما اكلت قتلة لأنو ستي الله يخليلي ياها نامت عنا لتحميني
بس والله كانت فصول حلوة

و سؤالي
الا ما يكون في شي استاذ او انسة تركوا بصمة اليمة بحياتك بسبب
شي فصل ساووا معك
شو هو هالفصل و اذا ممكن مين اللي ساوا؟

اي و الله .. مرة كنت بالصف التاني الابتدائي .. و كنا بحصة الرياضة .. و بتعرف بالرياضة بصفونا قاطرات و كل مرة بصفونا 3 قاطرات و انا كنت اول وحدة بالقاطرة ..فبلا طول سيرة ..مرة طلبت الانسة انو ننصف قاطرتين مو 3 .. وانا ما سمعتها وقت اللي قالت هيك ..قام وقفت محلي .. وفجأة عيطت علي .. و انا ما عرفت ليش عم تعيط علي .. قام قلتلها و انا و عم ابكي : انا واقفة بمحلي .. قام ما حسيتها الا اجت و سفقتني كف متل فراق الوالدين ..الله يكسرلها ايديها على هالكف ..لهلق بكرها و بزورها كل ما بشوفها ..

سؤالي : مين اكتر حدا بتحبو بالمنتدى ؟؟؟

خسرت حدا بحبو اي
بس بدون اسباب وماعم لاقي اسباب
والكبرياء يمكن هو اللي خلاني بطل دور عن اسباب واعذار لتصرفاته
وما عود اسئل

اللي بعدي احكيلي عن اول حب بحياتك؟

طيب يا سوسنة رح احكيلك عن اول حب بحياتي
اول حب هو الحب اللي عمعيشو حاليا انا بعتبر حالي عاشق بصدق بموت فيها بعشق الارض اللي بتمشي عليها اذا ما حكيت معها كل يوم اقل شي اربع ساعات بجن كل لحظة بتمر معها بتمناها تكون سنة وكمان هيي نفس الشي
هي حكيت باختصار لانو اذا بدي احكيلك كلشي بدي زمااااااااااااااااان
وان شالله قريبا بعزمكن على عرسي
اللي بعدي بتحس انك مظلوم بين اخواتك ويمكن اهلك بعاملوك بطريقة ادنى من اخواتك وهالشي بيقهرك

لا و الله وحيد يا غالي و شد الهمة بدنا ندبك بعرسك هااا

مين أكتر ممثل بتحسو تقيل دم و تمثيلو غليظ ؟؟؟؟؟؟

من بين الممثلين فراس ابراهيم سبحان الله ما اتقل دمو هالزلمة
اما بالنسبة للممثلات جمانا مراد غليظة بكل معناها للكلمة هي و صفاء رقماني.

اللي بعدي نفس السؤال

جمال سليمان يلي عندو نفس التعابير و نفس الانفعالات بكل الادوار يلي بيمثلها لاء و شو راح عمصر و صار يحكي صعيدي بس لابقلو هاااا

كيف بتواجه العميد او الدكتور تبع المادة اذا وقفت قدامو ( بتحكي بثقة و قوة و لا بالعكس ) ؟؟؟؟؟؟؟؟؟

صراحة ماجربت بس بشكل عام بحكي بثقة إلا إذا نسيتلي شي كلمة
سؤالي مين أكتر دكتور بالاداب بتكرهو وحاسس إلك تار معو؟؟؟

صديق غريب ( هيك سبحان الله يا جماعة ما بحبو بس مجرد مشاعر ها يعني شرحو للمادة كويس بس ما بحبو الو عند مراقي شيييي )

دفعت شي مرة حق مادة لتشيلها (هي لعبة الصراحة هااا ) ؟؟؟؟؟؟؟؟؟؟

لأ ولا مرة
بس
والله لأعرف اللي ببيعا
لأشري مو مادة كل المواد
واللي بيعرف بيقلي ...



لما بتحس/ي انو سكرت الدنيا بوجهك
بتفكر/ي بالانتحار

سؤااااااااااااااااااال فضيحه ريمو
حاليا لا
بس بمرحله من المراحل وقبل ما اوصل لمرحله من الوعي
وافهم انو هالشي تافه
جربت القصه
وعنجد كل ما اتزكر بحس اديش كنت تااااااااااااااااااااااااااااافهه وغبيه
اللي بعدي
لما تدايق شو بتعمل؟

بفش خلقي باللي متدايق منه مين ما كان يكون (يعني ماعندي خيار وفئوس) حتى لو بدها تكبر القصه كتييييييييييييير
اول ما تعرف انك حملت شي ماده شو بكون شعورك؟

احمل عنا يعني ارسب
ولهلأ ماجربت الشعور الحمد لله
وان شاء الله ما بجربه
اللي بعدي
نفس السؤال

اكيد بنزعج
وبقول لأهلي والله دراسة اللادقية صعبة ودكاترتها كتير....
والله ظلم
بس لما بكون متوقعة بقول اي كنت بعرف وبقعد لحالي بتذكر
لي نجحو ويلي رسبو وبقعد مع الضمير شوي

-اذا غلطت مع امك بتعتذر منها وبتبوسلها ايدا ؟
ولا بتخليها لتنسى وتصالحك من قلبها الطيب ! !

بعتذر أكيد معقولة خليها زعلانة ولووووو

كيف بتمشي بالشارع (مع تقنيصة - بلا تقنيصة - رافع الرأس - شامخ - مطأطأ الرأس - ذليل )؟؟؟؟؟؟؟؟