هل الصراحة عيب

وجعي في الحياة صراحتي انا انسانة محبة للخير والناس اجتماعية بطبعي ولكن......عيبي في الحياة صراحتي فانا اقول رايي دائما كما يرد في ذهني بعيدا طبعا عن التجريح وسؤالي للنقاش هو لماذا يبتعد الناس عن الشخص الشفاف ولم لا يتقبلون النقد الا اذاكان مناسبا لتطلعاتهم الم يحن الوقت لكي نحترم الاختلاف بالراي وندع جانبا الموقف الشخصي من الطروح والنقاشات وناخذ عوضا عنه موقف الحياد الذي يدعم التعبير السليم عن الراي بدون نفاق علما انني اؤيد بالمطلق ان الراي الصريح يجب ان يبتعد عن الذم والحسابات والتاويلات الخاطئة

ياللاسف عزمن صار في الصراحة عيب كبير والكولكة واجب ولازم الكل يكون متقنو وعالاربعوعشرين يعني لازم نجاري الزمن وانت حضرتك ام يوسف اتفضلتي وقلتي عيبي بالحياة صراحتي ...........................................................

حكيك تمااااام فافو بس غشيتيني من الضحك انا مي يوسف وما عندي ابدا صبيان بس يالله يوسف فعليا هو اسم ابي ولا مانع انو صير ام يوسف بيوم من الايام

لا تواخذيني بس مخي ضارب عالاخر بعد الامتحان يمكن اذا بقلك انو انا سنة رابعة انكليزي بتفرطي من الضحك اكتر

ولا يهمك الحال من بعضو وبرايي اذا شي طالب بالجامعة لسة مخو ما ضرب بيكون من الدخلاء وعار على الجامعة

السلام عليكم ..
انو يا صديقتي .. ليس العيب بالصراحة ..
وليس هنالك عيب على الاطلاق ..
انا برايي وئت انتي بتجي وبتعطي رايك وبتنقدي ايا كان .. هاد الشخص بكون بهمك بالدرجة الاولى ..
انت بتنقديه وبتصارحيه بشغلات هو مو شايفها .. صح ؟؟
يعني برايي وئت بدك تكوني صريحة كوني بس مع العالم الي بهموكي وبتعرفيهون بيتقبلو رايك
لو شو ماكان ..
والاشخاص الي بيتحسسوا من صراحتك برايي لا تكولكي ولا شي ..
ولكن لاتئوليلون رايك ..
لانو الصراحة مستحيل انو تكون عيب الا اذا اتجهت نحو التجريح ..

هاد برايي ..

مشكورة ..

آية ورشروشة ومي بتجننوا تقبروا قلبي
وبحب قلك حبيبتي مي إني بشبهك بهي الصفة كتير
وأنا كتير كتير صريحة بس بحب حالي إني هيك
وأبدا مابعتبرها عيب
لكن المهم نختار الشخص الصحيح
وتسلميلي شو مهضومة ومواضيعك مميزة

انا براي انو الصراحة بعيدة عن التجريح فهي صح وسليمة ويلي ما بيتقبلها بيكون انسان اناني

لانو كلمة الحق بتنقال بوجه ملوك

حلوين كلماتكن يا صبايا وبصراحة شفيتولي قلبي لانو اكتر معارفي بيموتو عتمسيح الجوخ وانا مهضوم حقي لاني مو شاطرة بهالشغلة شكرا لكل وحدة منكن

الصراحة يقصد منها راحة النفس....لما بتعبر عن يلي بداخلك
بس أحيانا الصراحة ممكن تأذينا...وتأذي يلي منحبن

هلأ الصراحة أبداً مو عيب وانا كمان متل كتير من الناس صريح كتير بس بتبقا المفارقة الوحيدة بين التجريح والصراحة بالأسلوب

ازا كان الواحد فظ شوي بصراحتو وبفرضا عالاخر فهي صار اسمها تجريح حتى لو كان عم يحكي الصراحة

بحاول كون صريح وشفاف لأبعد الدرجات بس الصعوبة بتكون بالأسلوب...

هاد رأيي الشخصي.....تقبلي مروري....

تمام روميو حكي سليم مية بالمية واعتراضي بس عالناس اللي ما بيقبلو الصراحة بابسط اشكالا شكراااا