هــل قوة الشخصية لدى الفتاة تفقدها انوثتها..

الثقه و قوة الشخصيه تزرع عامل قوي يساعد الإنسان في تأدية واجباته وإكمال باقي أموره ..

ولكن إذا كانت الجرعه زائده قد يكون ينقلب الأمرعلى صاحبهِ عكسياً ..
وتكون النتائج وخيمه .. لا تترك له فرصه في التراجع





جميلٌ من المرأه ان تكون ذات حسٍ مرهف .. رقيقه .. كلُ شيءٍ يجرحها ..
طبعاً هذا لا يعني انها لا تمتلك شخصيه قويه ..
ولكن بحيث ان لا تتغلب شخصيتها على انوثتها ..


فهل...

ترون ان المفروض ان تكون الإنثى قويه ؟.. أو انها تبقى انثى ضعيفه .؟

وإذا كنتم ترون ان المفروض انها تبقى بين الفئتين

كيف تستطيع ان توفق وأن لا تطغى القوه على الأنوثه ...؟

أنا بشوف انو المرأة لازم تكون قوية بس بدنا نوضح شو يعني قوة المرأة
قوة المرأة مرتبطة بمدى تأثيرها بمن حولها وخاصة بالرجل
يعني لحتى تكون شخصيتها قوية ما لازم تكون هي قوية وصوتها عالي
وبتقاتل وبتجادل متل الرجال وأكتر أحياناً ؟؟؟؟
بالعكس قوة المرأة وتأثيرها هو بذكائها و حنكتها وحتى بدلالها أحياناً
اللي بخلوها تحصل على كل شي بدها ياه وتقنع اللي حواليها
وهنن عم يضحكوا ويلعبوا !!! (( هنن: يعني نحنا الرجال ))

موضوع حلو آية ... مشكوووووورة

يعطيكي العافيه
آيه
وانا عن نفسي بشوف انو قوة الشخصيه للبنت ابدا ما بتلغي انوثتها ولا بتأثر عليها بأي شكل من الأشكال
بالعكس قوة الشخصيه بتعطي البنت قدره تقنع اللي حوليها وبطريقتها
ومتل ماقال اسماعيل حتى وهي بتتغنج
كـــل الشكر

شكراً سوسن واسماعيل
احلى مداخلة من احلى عضوين
وانا معكن مية مية

انا برايي انو اذا البنت بيطلع صوتا وبيتفرجو عليها الناس ما بتكون شخصيتا قوية
لازم البنت تكون شخصيتا قوية بفرض احتراما عالناس مو بوقاحتها
شكرا آية المحترمة

الشكر الك علوش
وهاد من زوءك
واكيد معك حق

و الله قوة الشخصية بالمرة حلوة كتير
بس ما تصير مسترجلة و تصير هيي الرجال
لانو في كتير نسوان هيك و العياذ بالله

شكرا كتير

اكيد معك حق
الله يبعد عنك المسترجلات
شكرا احلى هكتور

حلو تكون شخصية البنت قويه وقد حالها
بس مو لدرجة الضرب طبعا
يعني في رجال بياكلو قتل من نسوانهن

مشكوره كتير عالموضوع

اوف اكيد مو لهالدرجة (تصور)
هاد مو قوة شخصية هاد مرض وجنان
و
شكراً كتير ليوسيفر تداخل رائع

هلق الأنثى إذا كانت شخصيتها قوية بالعكس احسن لان تأثيرها على الاولاد " يعني اولادها " بكون أقوى من تأثير الرجل عليهم وهيك بيطلعوا الاولاد شخصيتهم قوية بس بنفس الوقت لازم تكون الانثى رقيقة وناعمة على كل الاحوال مشكورة اية

درر ياطايش
وشكراً كتير على رأيك ومداخلتك
المميزة والحلوة