الفتاة العربية والعنوسة

نعم ان العنوسة هو مرض العصر ..وخاصة بالنسية للفتاة.. التي ما ان تبلغ السادسة عشر من عمرها الا وبدأت تراودها افكار شتى عن الزواج والشباب ولبس خاتم الخطوبة وتاتي افكار وردية عن لبسها للبذلة البضاء وركوب سيارة العرس يوم الخميس..وكل هذه الافكار تاتيها بخجل وحياء..ومع وصولها الى العشرين من عمرها ومشاهدتها لبعض زميلاتها وقد لبسن الخاتم يبدأ شعورها يتأجج بالحاجة الي شاب يخطبها..لم لا ..اولسيت هي فتاة جميلة..ولماذا لم تلفت انتباه احد الى الان..فاذا شعر الاهل بذلك بدأوا يعطونها المواعظ والارشادات على ضرورة متابعة الدراسة اولا ..البكالوريا ثم الجامعة ..فالحصول على وظيفة محترمة في القطاع العام لتؤمن مستقبلها..ثم يأتي الخطوبة والزواج..بل قد يأتي الازواج زرافات ووحدانا يطلبون يدها..لانها اصبحت متعلمة وموظفة..وهذا منطق مقبول غالبا وواقعي..وتدخل الفتاة الجامعة وتخالط المجتمع الجامعي ويتفتح امامها سبل العيش والحياة والعلم والسعادة والشباب احيانا..فاذا كانت مثابرة ومجتهدة وحصلت على الشهادة الجامعية.. تحاول الحصول على وظيفة عند الدولة بالقطاع العام..وهذا حلم الجميع تقريبا..وهكذا تبلغ الفتاة الخامسة والعشرين من عمرها..وقد ياتي بعض الخطابة- العرسان يطلبون يدها..ولكن تبدأ بالتدلل...فهذا ليس بمستواها العلمي..وهذا من عائلة غير مرموقة..وذاك ليس من بيئتها الاجتماعية..وهذا فقير ليس عنده مسكن وسيارة..واما اذا كانت صيدلانية او طبيبة او مهندسة..فتكون المصيبة اكبر..حيث لا يعجبها العجب ولا الصيام برجب كما يقولون..وهي تريد كفؤا لها علميا واجتماعيا وماليا..وانا اعرف بعض الجامعيات قد بلغن الاربعين عاما او الخامسة والاربعين عاما.ولا زلن ينتظرن فارس الاحلام حسب مواصفات موجودة في رؤوسهن..وسمعت من صديق بدمشق ان عنده ابنتان طبيبتان باختصاص جيد وعندهن كل شيى العيادة والسيارة والمنزل والعمل الوفير ولكن لم يجدن الزوج المناسب الى الان..
والفتاة العانس الموظفة قد تجد في وظيفتها بعض العزاء والسلوان..فهي مستقلة اقتصاديا..وتخرج وتدخل كما يقولون..ولكن الفتاة العانس غير المتعلمة او غير الموظفة تكون حياتها غالبا جحيما لا يطاق..والقلق او الاكتئاب قد يسيطران عليها ان لم تجد يد العون من الاهل وبشكل جدي
واظن ان على الاهل تقع بعض المسؤولية في مساعدة الفتاة على اتخاذ القرار المناسب بقبول الخاطب المناسب عندما ياتي..او بالبحث عنه بشكل غير مباشر بين المعارف والاصدقاء..وقيل ان البعض يخطب لابنته كما يخطب لابنه..وارى ان على الفتاة ان تكون صاحبة القرار الحاسم في الوقت المناسب..والفرص الجيدة قد لا تتكرر..وعندئذ ما على الاهل الا ان يوافقوا على قرار الفتاة واحترام خياراتها بعد تقديم النصج لها ان تطلب الامر ذلك..النصح وليس الاجبار..
وبعض الفتيات اخترن الزواج المبكر بما تيسر او بافضل الموجود- مع متابعة الدراسة مع الزواج ..خوفا من فوات القطار..وهذا رأي وهو جدير الدراسة والاحترام..
وبعض الفتيات اخترن. ان يكن زوجة ثانية بالسر او زوجة مؤقتة بالمتعة او خليلة او زوجة مسيار او مؤانسة او خليلة او صاحبة مع او بدو ن زواج عرفي شفهي او مكتوب..وانا هنا اصف واقعا موجودا في كثير من الدول العربية .. كسوريا والسعودية ومصر ودول الخليج ولبنان ووغيرها وبنسب متفاوتة..
والسؤال المطروح بعد هذه العجالة : ما اسباب العنوسة وما علاجها وما هو تاثيرها على المرأة العربية يا ترى

و الله يا معلم

انا عم شوف انو بشكل دائم الأمور عم تتجه لنمط الحياة الغربية

يعني البنت لما عم تكمل تعليمها و توصل لمستوى عالي عم يرتفع معها معيار الشريك المناسب و بأغلب الاحيان متل ما حكيت عم يوصلو لعمر 45 و لسا عم يدورو

وطبعا هالشي حلو انو البنت يلي عندها تحصيل علمي عالي تدور عشريك مناسب بنفس المستوى و افضل لأنو هالشي بيساهم اكيد برقي المجتمع من خلال الابناء يلي رح يجو بعدين بس هون تكمن المشكلة انو هدول اللي عم نحكي عنهم يلاقو بعض .

و برأيي هالمشكلة بيأثر عليها عدة عوامل , متل مجتمع القال و القيل , و المظاهر يلي عم تفتك فينا فتك و تنسينا شو نحنا , و الاعلام الغربي و نمط الحياة الاوروبية يلي كتير مننا و منهن انا معجبين بهيك نمط بس للأسف صعب تطبيقو عنا .

و الحل عند الأغلبية بيكون الزواج المبكر , و احيانا عم بيكون الحل متل زيادة الطين بلة لما بنت بتوصل لعمر معين و بيجيها عريس بعد طول انتظار , بتروح بتقبل فيه لمجرد فكرة التخلص من العنوسة .

مشكوووور طلال

ابو النضل انا مع كلامك مية بالمية
هلأ البنت حلو أنو يكون عندها مواصفات للزوج المستقبلي بس كمان ما لازم تكون أحلام وردية بعدين البنت بس تحس أنو بلشت تكبر بالعمر لازم تحاول تتنازل عن بعض المواصفات بس مو الأساسية منها يعني المكملات ما أكتر يعني بلاها الفيلا والشالي والسيارة اللي حقها مدري كام مليون وشهر العسل اللي رح يلفو في العالم وبلاها المظاهر والمنفخة قدام العالم بس المشكلة أنو مافي قناعة بالموجود وكل واحد بحاول يتطلع لفوق كتير رح تنكسر رقبتو
وشكرا عالموضوع الحلو

شكرا عهالموضوع المهم وحبيت اكتب شوي عنو

من خلال تجربتي وبعض تجارب الاصدقاء شفنا انو في نسبة كبيرة من البنات بيكون هني سبب عنوستن بنفسن وهدا بيرجع لعوامل كتيرة

1- ضعف في توعية الاهل للبنت بأن تكون اولياتها باتجاه الاخلاق والسمعة اكتر ما تكون عاساس المادة

2 - مبدأ المقارنة الي البنت بتحب تاخد في يعني دايما بتحب تتميز عن رفقاتا

3- الانفتاح التكنولوجي فيما يتعلق بالديجيتال والنت وغيرو وصار للبنت من خلال اطلاعا عهالوسائل هي اولويات مختلفة عن ايام زمان ، بالاضافة لتوفر السيارات في بلدنا حديثا ف ادخلت البنت بناءا على ذلك السيارة كأحد متطلبات الزواج البديهية

4 - غياب ثقافة الزواج المبكر ودايما بتحب البنت تقول لنفسا انو بكير وبيصرلي احسن ، وغاب عن ذهنا انو في اماما شب بمتوسط الامور سواء المادية او الشكلية ، وانو بعدين بس تكبر فرص الزواج بتصير اقل وباقل مستوى من ايام زمان

5- محاولة البنت انو تفكر بالحب اكتر ما تفكر بالقناعة ، يعني ما في احلا انو البنت تحب وتتزوح الي بتحبو بس كمان ما لازم تنسى انو في حالات ل متزوجين كانو يحبو بعض وانفصلو وكمان حالات زواج ما كانو يحبو بعض قبل الزواج وبعدين حبو بعض واستمر زواجن


عموما كتابتي كانت لبعض البنات الي بنشوفن بمجتمعنا وهني نسبة لا بأس فيا


لكن مالازم نعمم ونقول عن كل البنات هيك ، وفي اسباب كمان للعنوسة وهي اسباب اجتماعية كبيرة من من جهة الشب وخاصة المشكلة المادية

ومشان ما نظلم البنت كمان ، في شباب كتير اولويتن بالاختيار فيا ظلم للبنت

طريقة طرحك للموضوع غاية في الأبداع

بأعتقادي أن هناك عوامل ساعدت على العنوسة وهي عوامل خارجية ليس لها علاقة بالطبيعة الأنسانية

منها كثرة أعداد الإناث مقابل أعداد الذكور

وأتجاه أعداد كبيرة من الذكور للتغرب بحثاً عن العمل

وأيضاً قلة الوعي من طرف الجنسين لأختيار شريك الحياة

الثقافة التي تقارب العدم لمفهوم الزواج من فبل الطرفين

كل هذه الأسباب بالأضافة الى ما ذكر من قبل الأعضاء المشاركين في أعتقادي هي المسبب لهذه الظاهرة

تقبل مروري....


مودتي وأحترامي....

أنا ضد البنت لي بدها رجل من مستواها او اعلى منها

الزواج بكل الاحوال ((قسمة ونصيب ))

لكن على حد علم هالعالم الشب او البنت لي مو متعلمة فرص الزواج بالنسبة الها نادر

وخصوصا عم نلاقي الشهادات والثقافات كلمالها عم تطور وتزداد

اما انو اذا تزوج المثقف او صاحب الشهادة العالية من نفس المستوى رح يبنو جيل احسن

هاد مو شرط ابدا

انا من جهتي اذا الزوج كان حالتو ميسورة وفيه يأمن لللزوجة والعائلة المتطلبات والحاجات

مافي داعي الزوجة تتوظف ةتشتغل

انا بقول المرأة اول شي لازم تكون مثقفة وواعية بحياتها الزوجية ومع اولادها وبيتها

انو اي تحصل عالشهادة بس اذا مو بحاجة للمال تترك الفرصة لغيرها

لانو بيكون في عالم بحاجة للمال اكتر منها

والمرأة الي بتحط ببالها صفات معينة اكيد رح تضل عالاغلب عانسة لانو الكمال لله

وخاصا الي بتدور عالمال والمراكز

معليش اية هالمرة انا مو معك ابدا .. كيف يعني اذا الزوج معو يعيشها تترك الوظيفة ؟؟

هلق ما رح حكيكي بامور استقلالية المراة وواجب الرجل و ما بعرف شو ..

رح اجي معك ..افترضي انو هالرجل قادر انو يعيش مرتو ملكة .. بس كانت اخلاقو ما بتسوى .. او اختلفو .. او قرروا انون يتطلقوا لأي سبب من الاسباب .. هي شو بتعمل بحالها .. و غالبا عم يكون في اولاد و عم يتم التخلي عنهون من قبل الاب ..هيك هي شو بتكون عملت ؟؟ روحت على حالها فرصة عمل .. صح ؟؟ و خدي بقا لبين ما تدور على شغل وتأمن حالها .. بكون صار فيها العجايب ..
طيب كمان رح اجي معك اكتر من هيك .. افترضي انو هالزوج كان ما في احسن منو .. ملاك و نازل عالارض .. و مثلا توفى .. عم نسمع كتير شباب عم يتوفوا وفجأة .. كمان هي شو بتكون عملت بحالها واولادها ..؟؟
انا برايي بهيك حالة مانها بحاجة المصاري هلق .. اوكي تتوظف وتخليهون لغدر الزمن .. ما بقولوا خبي قرشك الابيض ليومك الاسود ..

هاد من ناحية .. اما من ناحية تانية .. انا برايي انو لازم يكون في توافق بكل شي بين الرجل و المراة .. يعني توافق اجتماعي - مادي - فكري - و حتى بدرجة التعليم .. لأنو هاد كلوا بيخلق مشاكل بعدين .. يعني بعد الزواج ..

اما بالنسبة لموضوع العنوسة .. انا بشوف انو الاسباب كتيرة .. اهمها الوضع المادي .. وخصوصا انو الشب لما بكون بعمر الزواج بكون لسه يادوب متخرج و ملاقي شغل .. ومتطلبات الزواج و مصاريفو كتيرة ..

اما بالنسبة لمتطلبات البنات الكتيرة و البيت و السيارة و المكتب و مهر مدري اديش وما بعرف شو .. انا بشوف انو هاد الحكي مانوا مظبوط ابدا .. و فئة قليلة جدا من البنات هنن اللي بحطوا هيك شروط .. بس الصراحة انا بشوف انو شرط البيت اساسي .. و الباقي ما مهم ..ولا كمان مو من حقنا نطلب بيت .. منصير متطلبين ؟؟

بالنهاية اسفة عالاطالة .. وشكرا تلال ايسا عالموضوع و الطرح الحلو ..

انا ماعم قول انها تترك دراستها بقول خليها تحمل الشهادة

ولا سمح الله اذا صار لي بتقولي عنو فيها تستغل عاشهادتها وترجع تتوظف

شكرا رورو

وكل الشكر اخ طلال

مرحبا جميعا
شكرا (تلال ايسا) ع هاد الموضوع
بحب قول شي
البنت لما تريد حدا من مستواها بتقصد يكون في تفاهم اكتر. بغض النظر عن البنات الي بيطلبو طلبات تعجيزية...
وشكرا

اهلا و سهلا روز شرفتينا

شكرا nedalo