للتصويت "لماذا توافق الفتاة العربية على الزواج من رجل لا تحبه؟؟؟؟؟"

انا برأيي الجواب التالت لأنو-متل ما قلت يا روميو- الوحدة لما شوي بتكبر بتخاف ما بقى حدا يتقدم لخطبتها مشان هيك بترضى بأي رجل حتى لو ما بتحبو وممكن يكون هالرجل أكبر منها بكتير بس المهم بيكون عندها ما تكون عانس
مشكور صديقي روميو عالموضوع المهم

انا برأيي الأول.. لأن في كتير بنات ما بفكرو بقلبون .. بفكرو بعقلون .. وبالتالي هي بتتزوج شب بكون فيه حد معقول من الصفات اللي بتطلبها..
هاد رأيي طبعا
شكرا روميو

و أنا رأي من رأي الاخ مجد بتفكر بعقلها فبتوافق على الشب يلي في المواصفات المعقولة ليكون زوج صالح


وممكن الحب يتشكل مع العشرة لان أغلب يلي بيتزوجو عن حب بتفشل هالعلاقة لانها مبنية على الظواهر بس دون الدخول في دوامة الحياة

طبعا مو الكل عم قول بعض

مشكور على الموضوع

يعطيك العافيه
روميووو
طرح مميز كما اعتدنا
هلأ بجد أنا لو رح اتزوج بيوم من الأيام رح اتزوج مشان كلمه بابا مره قالا
كانو عماتي مجتمعين ووقتا كان طالبني واحد ورفضت وقالت عمتي
انو انتو 6 بنات والشب منيح ومابو شي فخففي ع اهلك
وقتا بابا قال انا مو عجزان عيش كل وحده فيهم احلى حياه بس انا ان بتمنى يتجوزو بتمنى هالشي
لأن انا مو دايملن طول العمر واخوهن بدو مين يدير بالو عليه لانو اصغر منن
طبعا بعيد الشر عن بابا ويومنا قبل يومو يارب
بالنسبه للعنوسه ابدا ما بتعنيلي شي وما بخاف منا وما بعرف لمتى حيضل مجتمعنا يفكر بهالطريقه الشب اعزب لو شو ما صار عمره والبنت عانس !!!!
بالنسبه لفارس الأحلام كتير بنلقى هيك شي بس ما بيكون مكتوب النا وما بنكون مكتوبين الو
اما بالنسبه للهرب من مشكله عاطفيه فبالنسبه الي بعطيها 50% احتمال ارتبط لأنسى
و 50% تانيه انو لا شو زنب المخلوق روحلو وقلبي مو الو
مشان هيك رح صوت لأول وحده لأن هاي اللي مأكده منا هلأ
يعطيــــــــــــــــــــك العافيه مره تانيه
وسوري انا كتير حكيت

شكراً جميعاً للمرور ولأبداء ارائكم الصريحة



سوسنة بعيد الشر عن ابوكي ويمدو بطول العمر

انا ماصوتت لان قلتلك انو الموضوع موضوع قناعة

حموش لانو الموضوع موضوع قناعة بدنا نشوف قناعات الشعب

منور شريك

فــــــــــــــــكرت

وفــــــــــــــكرت

وكمان فــــــــكرت

وطلع معي أنو كل هالأحتمالات واردة بس بتختلف من بنت لبنت ومن مجتمع لمجتمع

وحسب الوضع الاجتماعي ودرجة الوعي والثقافة.........الخ

ويمكن في أسباب غير هبك بالنهاية بتختلف من بنت لبنت حسب الظروف

مشان هيك ما صوتت وتركتو متل ما هوي جميع الاحتمالات واردة

(أنو أنا ليش اليوم عم كتر حكي ع غير العادة )



شكرا كتيييييييييير روميو

جوى

آيــــــــــة

مدمنة الملكة

نورتو بتعليقاتكن وارائكن

55555555

لولي

وقبل ما انسى

مجودي فيك تعمل اختياري

بس كتبت موضوعك نزل لتحت مكتوب اضف تصويت وفي جنبو اشارة + ضغط عليا بيطلعلك عنوان التصويت وفراغ تحت بتحط الاختيارات وبترقمن وبتترك سطر فاضي بين كل اختيار

منور صديقي وخبرني شو بيصير معك