للتصويت "للذكور فقط"(شاهدت اختك بالطريق مع شاب ) كيف تتصرف؟؟؟

سلوكيات:

(شاهدت اختك بالطريق مع شاب ) كيف تتصرف

ممكن تكون اختك او بنتك او قرايبتك فكيف تتصرف مع الوضع طبعا هاد الموضوع يحصل كتير كتير مع البنات واهلهم او اخواتهم

هل تتجه نحوها وتضربها وتجرها للبيت تكمل عليها

ولا تتابع مشوارك وتنطرا بالبيت وتقيم الدنيا وتقعدا عليا وهات يا ضرب

ولا تفضل تستدرجا بالكلام بهدوء وتسمع منا من يكون

ولا تروح تقابلن وتطلب منا تعرفك عليه

لديك حل اخر او تصرف اخر اخبرنا به

بانتظاركم واتمنى يعجبكم الموضوع

كتيير حلو
هات لنشوف روميو
انت كيف بتتصرف بهي الحالة

اول الشي الشباب باينتن نايمين :?: :?: :?:

شكراً ع مروركن يا صبايا


بالنسبة الي صوتت للخيار التالت

والله ياروميو هيك أسئله وكتير غيرها بتمنى اسألها لشب

وسؤالك حلوووووو

مارح صوت لانو شهادتي مجروحه

رح علق

برأي الشب عنا لساتو على عقلية أنا اي وانتي لا أنا شب وانتي بنت

وبفكر حالو هو بس اللي بحب البنت بصدق

واي شب بحب بنت بتقربوا فهو أكيد عم يضحك عليها

وبقلك انا بفهم كيف بفكروا الشباب

بس بظن طلعنا من طريقة الجر عالبيت والفضايح بالشارع

لا نحنا تقدمنا


وصار عنا بعض الشباب المتفهمين والواعيين

أنا مع انو الشب يحاكي اختو بالموضوع بس مو من باب لوم وعتب

من باب النصيحه والرشد

شكرا روميو كومايات وأسفه كترت حكي

طبعا 3 لان ماعاد في شي بيجي بالاكراه .....وبالاخير الطرف الاخر الو خصوصيتو

أنا صوت كمان للخيار 3

هلا وردةةةةةةةة كلامك عالراس وانا كمان ناطر ردود الشباب

حمشو + علاء انا متلكن

انا غيركون يا شباب
انا اكيد بختار الخيار الرابع.. وبخلي هالشب يكون رفيقي أكيد ...
4

مشكور حبيب القلب مجد

هلا انا كمان اخترت الخيار التالت بس مو انو استدرجا بالحكي كأنو تحقيق

بس بالنهاية اكيد انا بنزعج اذا في شب بحياتا ما حكيانتلي عنو مثلا

غير هيك لأ ما رح اتصرف تصرف بسيء إلها بالنهاية سمعتها هي سمعتي

بس ما سألتني اذا شفتو لأخي مع وحدة شو بعمل هههههه عم امزح

شكرا روميو عالمواضيع المهمة

بس ممكن ضيف على كلام سومر

الشب بالاول لازم يكون قريب من اختو

بعدين بيعتب عليها اذا ما خبرتوا عنو

وشكرا سومر على تعليقك حول كلمة(( يستدرجا)) لان كنت بدي علق بس قلت

رح صير من بيت فستق

3

لازم بكل شي نعد للعشرة وبعدها نحكم عالموضوع

شكرا روميو الحبيب

شو مشان التصويت