كيف تتصرف في مثل هكذا موقف؟؟؟؟؟؟؟؟؟؟؟؟؟؟

مرحبا ياشباب ويا صبايا اليوم حابة أطرح موضوع شو بتعمل إذا كنت بتحب بنت أو بتحبي شب بس الأهل مو راضين عن الموضوع

1- تسمع كلمة البابا وبتنسى القصة ؟

2- بتحاول تناقشهم بمنطقية ؟

3- بتعمل يلي براسك من دون ما تسأل على حدا ؟

4 - بتزوج بالسر ؟


5 - أو في اقتراحات وحلول تانية عندكم


نورنا بآراكم بكل صراحة

لأن الحقيقة هاي مشكلة من أحد المشاكل يلي عم نواجها بهاد العصر والمجتمع



بتمنى التفاعل

يعطيكي العافيه
شام
هلأ بالنسبه الي وبما اني صبيه قبل ما يسير شي رسمي انا مافيني احكي ولا كلمه
ولا فيني قول اني بحب فلان
لأنو كمجتمع شرقي هالشي مرفـــــــوض وهيك اهالينا تربو
بس لو حسيت انو ماما في امكانية تتقبل الموضوع قبل ما يسير شي رسمي بحكيلا
ولو مافي امكانية بس يسير شي رسمي وتكون نسبة الرفض اكبر هون اكيد رح احكي لماما
بس انا ابدا ما بتخيل حالي واقفه وعم بحكيها لبابا ابداااا
مو تخلي عن الشخص اللي بحبه بس هاد بابا
وبالنهايه اكيد انا مؤمنه بشغله لو كان هالشخص نصيبي والله لو كل الدنيا ما وافقت ع ارتباطنا رح يكون الي
ولو ماكان نصيبي لو كل الدنيا وافقت ع ارتباطنا مارح نرتبط

كــــــــــل الشكر

و الله انا كشب

بعمل اللي براسي و لا بسأل وافقو او لاء , شو هني اللي بدن يتجوزو و لا انا

و صح نحنا مجتمع شرقي بس ماني مستعد كون سجين و اسير هيك مجتمع , اعمل يلي بيفرضو عليي

دمتي بخير شام

بالنسبة الي شامو ..
مابخاف وبقول رايي .. صح كمجتمع شرقي وعنا عادات وتقاليد ..
بس انو البنت الهااااااا راي كمان ..
بناقش اهلي وبحاول انهون يكونو معي ..

ولكن اذا ضلو على موقفهون يعني اكيد مستحيل اتصرف من عندي ابدا ..
ولح التزم بالشي الي بدهون ياه ..

بس انا عندي مبدأ متى ما كان الشخص منيح .. واخلاقو منيحة ..
مستحيل اني انا او هن نبدي اي اعترااااااااض على ما اعتقد ..

ثانيا انا مستحيل اني اختار حدا مو مناسب ..

بحاول بجميع الطرق اني اكسب اهلي لصفي وازا ما مشي الحال بعمل البشوفو صح

شكراً شام عطرحك للموضوع الشيق

أنا بحاول اناقشهم بمنطقية ولو اني بعرف حالي عقلي صعب شكرا شام

لاحظتو كيف الفرق بين رأينا كبنات وبين رأي الأخوة الشباب يعني البنات يلي قالت قسمة ونصيب ويلي ما بتزعل أهلها ويلي بتحاول تناقشهم

أما الاخ نضال وروميو ما بيعملوا الا يلي براسهم

بس حابة أطرح شغلة طيب شو مو قف يلي بتحبها بالمستقبل لمى رح تتعمامل مع حدا هو سلف مو طايق وجودها بالبيت لاتقولولي صعبة


على كلن شكرا كتير لاراكم وان شاء الله ما بيصير الاماهو خير الكم ولصالحكم


نورتو نورتو

بالمختصر

اذا كنت متأكده انو قراري صح ومافي سبب مقنع للرفض فبضل وراهم حتى يقتنعوا

واذا في سبب مقنع بعيد التفكير بالموضوع

وبالنهايه الشغله نصيب وبس

واهلي بالاول وقبل الكل

شكرا الك

شو هالوردة مو بس وردة تشرين وردة كل الاشهر

شكرا لمرورك

شكرا ع الطرح من يومين كنت عم اتناقش مع صديق بهالموضوع وتوصلنا انو نحنا هلا بهالعمر مافينا ناخد قرار مصيري بهيك امر بس لقدام
بس شوف حالي قادر اني عيش مستقل عن اهلي واني قادر عيش البنت يلي بحبا متل مابدا
بناقش اهلي لاخر نفس وفي حال ماوصلنا لنتيجة انا بشوف انو
خلقنا رغما عنا وسنموت رغما عنا الايحق لنا ان نعيش كما نريد

أكيد أهلي وأهل البنت اللي بحبا عراسي كمان حتى لو كانو رافضيني..
بس اللي بعملو هو اني بالبداية بشوف أسباب الرفض من جهة أهلي وأهلها وبحاول زيل هالأسباب قدر الإمكان والأسباب اللي ما ممكن زيلها (وضع مادي , اجتماعي أو غيرها)فبحاول ناقشهم بالمنطق .. فإذا اقتنعو خير وإذا ما اقتنعو منضل منحاول لحتى يمشي الحال ولو وافقوا على مضض.. طبعا النقاش لازم يتم من جهتي ومن جهة البنت اللي بحبا.. يعني نحن التنين لازم نضغط على أهالينا...
وبفرض تم الزواج بموافقة الأهلين على مضض.. فأنا أكيد رح حاول قدر الإمكان ارفع من مكانة زوجتي قدام أهلي وأكيد رح حط أهل زوجتي عراسي لأن كرامتهون من كرامتي حتى لو كانو رافضيني.. بالنهاية بالحوار بتنحل كل الأمور بس الشغله بدها صبر وإيمان وشوية وقت وما بدها عجله..
أسف على الإطاله وبتمنى تكون وجهة نظري مفهومه وشكرا عزيزتي شام على موضوعك بس بدنا تعليق على ردي اذا سمحتي..

بالضغط على الاهل ممكن التم الموافقة بس ياترى لو ما وافقوا وكانوا مصرين على رايهم ياترى منزعل الناس يلي ربونا وكبرونا وتعبو كل هالسنوات علينا مشان يلي منحبو أنا وا بتوقع القصة منطقية لو وافقوا حتى لو على مضض متل ما قلت بس المهم وافقوا بالنهاية مشان لاقدر الله اذا صار شي بالمستقبل مانكون لحالنا نعمل خط رجعة بكلشي بجوز بالنسبة الكم كشباب أسهل بس نحنا كبنات بهيك مجتمع صعبة كتير

وللاسف الظواهر موجودة وكتيرة بين ما الوحدة تلجا لاهلها بمشاكلها بين ما توه ويمكن تنحرف لان ما عندها حدا تحكيلو ويوقف معها



كل التوفيق للجميع وهاد راي وبتمنى ما يكون كلامي ثقيل على أي أحد