عادات عربيه نعتز بها !!!

عادات عربية نعتز بها000000

إذا صار عنا عرس00000منزمر
إذا نجحلنا حدا بالبكلوريا 0000منزمر
قبل ما تفتح الإشارة 0000منزمر
بعد ما تفتح الإشارة 0000كمان منزمر
على الدوار وعلى الجسر وعلى النزله وعلى الطلعة 0000منزمر
إذا طول علينا الشرطي وهو موقفنا مشان 25 0000منزمر
أما إذا حدا كسر علينا بالقصد ولا بالغلط0000أكيد منزمر
أما اللي بتوقف سيارته قدامنا عطلانة00مو مشكلتنا0000منزمر
إذا طالعين من شارع فرعي لرئيسي بالليل أو النهار0000منزمر
أما إذا طالعين من شارع رئيسي لفرعي بالليل أو النهار شو منساوي0000منزمر
وإذا عجبتنا بنت بالموغامبو\محل بيتزا\ أووووه0000منزمررر
وإذا شفنا أبو فلان بالشارع وحبينا نقلو مرحبا0000منزمر
ولو قرر واحد منا يخفف مشان يمرر أحد المشاة كل اللي وراه0000بيزمر
ويا حبيبي إذا فاز أحد المعجبين فيه أو فيها بالسوبر ستار أو ستار أكاديمي0000منطلع كلنا ومنزمر
وطبعا إذا فاز المنتخب\هي إذااا فاز\0000منزمر ويا سيدي إذا خسر منزمر كمان 0000مشان الروح الرياضية

لكن المفارقة هو أنه إذا ارتفعت الأسعار وإذا ارتفعت الضرائب
وإذا زادت رواتب أو حوافز الكبار وبقيت على حالها رواتب الصغار
وإذا زاد معدل البطالة ومكمل هذا المعدل كان البطالة المقنعه0000إذا حصل كل هاد وأكتر!!!!
العجيب أنو ما بيطلعلنا صوت ولا00000منزمر!!!!

(شو رأيكن00)

والله بايدك حق و بصراحة انو ما في شي من كل شي حكيتيه غلط
ومنشان فشة الخلق ما رح زمر//من باب التغيير//

BOSS*
برافو خطوة حلوة نحو التغيير

GITANES*
اي والله بيخجل بس شو فينا نعمل
علينا بحالنا
تكرم
منورين عالمرور الحلو

الله يريحنا من هل عادات