أكثر ثلاث مسلسلات موضوعية في رمضان برأيك؟

انا برأيي أكبر سلبية للدراما السورية انو بجمعوهن كلن وبيعرضوهن دفعة وحدة برمضان
برأيي
ما ملكت أيمانكم مسلسل كتير واقعي و محتواه خطير جدا حتى انو اكبر من انو يكون مسلسل
بالإضافة لتخت شرقي كمان فيه عبرة رائعة
وأبو جانتي هاد مابدو وصف
شكرا غالي

يا سيدي سبقتني بطرح فكرة الآراء بالمسلسلات و ما في فرق بيناتنا

بالنسبة الي عم شوف هالسنة تراجع بقوة المسلسلات يعني في هادا تبع القعقاع كل شي فيه حلو ما عدا المبالغة بتصوير قوة القعقاع قال شي بيطر من عالفرس و بينط هيك و هيك متل ساسوكي

بس و الله عجبني كتييير مسلسل وراء الشمس يعني دور بدر اللي آخدو بسام كوسا عنجد ابدااااااااااااع لا يوصف و فكرة المسلسل على بعضها حلوة


و ابو جانتي لحد هلق شايفو مبتذل شوي و بعيد عن الواقع ببعض المواقف و فيه شوية افكار نقدية و صحيحة بس الصراحة سامر المصري رهيب بالتمثيل و لابقلو الدور تمام و حسيت رغم تصويرو انو هو انسان مبسوط و مكيف و بيشوف هادا و بيحكي مع هادا و بيغني بس بتحس كل هالمظهر غير حقيقي

تخت شرقي لسا ما حضرتو

كليوبترا عجبني كتيييير اخراج مع حوار مع تمثيل كلو حلو بشكل عام

بس ناطر هادا و ما ملكت ايمانكم لنجدت انزور لانو لسا ما حضرتو و صار عندي فضول احضرو نتيجة محاربة السيد البوطي لالو

باب الحارة : برأيي فقد العناصر المهمة لنجاحوو صار مسلسل عادي جدا بيحكي قصة

الدبور : متل باب الحارة بس يملك عناصر قوة و ذات اهمية كبيرة

هلق هدول هني لحد الآن و كل شي جديد منقول عنو نشالله

شكرا ابو الريم

أنا عم تابع أبو جانتي يعني مسلسل اجتماعي هزلي وفكرتو جديدة
كمان عم تابع بقعة ضوء و ضيعة ضايعة بس التنين شايفهم دون المستوى.
أكتر مسلسل عجبني هو لعنة الطين عم يحكي عن فترة نحنا ماعشناها بس أهلنا عاشوها
وعم يناقش الحياة الاجتماعية لأهل الريف والمدينة بالتمانينات
وأحلى شي فيه الإبداع الجماعي لكل ممثليه وتألقهم كل واحد بدوره

بالنسبة لباقي المسلسلات معنا 11 شهر نتابعهم فيها
شكرا أبو الريم

ماشاءالله يانضالوعندك ألمام بكل هالمسلسلات
شكلك ماعم تزيح من قدام التلفزيون ههههههههه
عم امزح
بس كلامك انت وسومر بمحلو وكمان كل المسلسلات الحلوة بتبلش بوقت واحد
شيلك عن انو صرنا عم نضيع بين القنوات
يعني لحد هلق ما انحفظ معي موعد ولا مسلسل ههههههه
يلا بكرا منشوفون بس يخلص رمضان
الله بيعينا ههههههه

ملك

برحب فيك بالمنتدى

و الله وكيلك من كل مسلسل شوي شوي و بتبين القصة كلها

و متل ما قلت السنة طويلة و جايي الايام

بالنسبة الي هالسنة في كم و نوع لا بأس به من المسلسلات السورية وفي تقدم أكبر من السنة الماضية على عدة أصعدة
الفكرة الغنية الواقعية و الجرأة بالطرح و كسر جدران الزجاج اللي كنا قبل كم سنة نتخبى وراها

أما بالنسبة لشو عم تابع فأول شي مسلسل ما ملكت أيمانكم لأنو عم يناقش موضوعات مهمة و واقعية اضافة لأنو أظهر

أهمية فكرة أنا جدا مؤمنة بها انو الدين بالقلب و مش بالمظاهر ع قولة ملك قلبي أبو وديع

إضافة لمسلسل تخت شرقي و للأسباب الآنف ذكرها

و أهم شي سكيتشات بقعة ضوء لنقدها البناء و الجريء لواقعنا الاجتماعي و السياسي المعاش

أما أبو جانتي و ضيعة ضايعة فهو مهرب من الواقع المعقد للبساطة المتجسدة بأبطال هالمسلسلين

بعتذر طولت عليكن

بالمناسبة أنا رايا بتمنى تقبلوني صديقة جديدة من أصدقائكن

اهلا رايا

شكراً كتير شباب كلكن زوق

موضوع حلو
انا كتير حبيت مسلسل وراء الشمس مسلسل رائع ومميز
وبقعة الضوء وشوي من ابو جانتي
وبرنامج ديني لدكتور عمرو خالد "رحلة للسعادة"
شكرا ابو الريم

الصراحة لسة مافيني أحكم لأن من 5 حلقات مافيك تحكم على عمل من 30 حلقة .
مع هيك رح قلك رأيي لحد الآن بالكوميديا أبوجانتي رائع وخاصة دورأيمن رضا أما بالتاريخي فالقعقاع مسلسل متعوب عليه وإخراجو رائع وأما الاجتماعي فتخت شرقي عجبني والبيئة الشامية الدبور قصتو مشوقة وشارتو خيالية وأهل الراية حلو كمان أماباب الحارة فاشل لحد الآن.
طبعا ماني متابع كل شي وبجوز في أحلى منن
مشكور أبوالريم

انا برايي يلي في عبر كتير مسلسل ما ملكت ايمانكم
وتخت شرقي واقعي و اجتماعي جدا واكيد وراء الشمس عمل فريد من نوعه
ابو جانتي اروع مسلسل وبروح الهم من القلب

الصراحة وراء الشمس كتير مسلسل ضروروي لان في كتير ناس لهلأ ما بتعرف شو يعني الاعاقة وقت بتكون جزء من البيت ( الله يبعدا عن الجميع)
وبقعة ضوء هو المسلسل اللي ما بيحلى رمضان الا بوجوده
ما ملكت ايمانكم اروع من رائع
هال3 لهلأ كتير موضوعيين
بس لقدام ما منعرف شو بيصير

أبو جانتي
بقعة ضوء
ضيعة ضايعة :*740*:

نجوى

انا متلك ما كنت عم اعرف توقيت و ما ملكت ايمانكم و مبارح حضرتو و المسلسل عم يشير لشغلاااااات يا لطييييييييييف و عجبني كتير

و عم يطلع ع سورية الفضائية و تلفزيون المستقبل الساعة 9 مساء و يعاد 2 صباحا