!% نقاشات حادة بين البنات والشباب..الرجاء الدخول %!%

والله ماحزرت
جد خليكن واقعيين يا فيلسوف ابو الريم

مين لي بيصير سند لامو وابوه بالاخير

لاتقول الرجال !!!!!!!!! اي الرجال بس يتزوج بينسى كل اهلو
والبنت هي لي بتضل حنونة عالاهل بس ضلع مكسور

بس المشكلة كلمتكن لازم تكون ماشية لانكن رجااااااااااال

اكيد الرجل والمرأة مابيصيرو بنفس المرتبة بس في اشيا كتير منيحة بالطرفين
وبنفس الوقت في اشيا مو منيحة بالطرفين

قال مابنغار قال
ليش لكان كل يوم داير على مواضيع ضد المرأة

انت والشباب

روح روح العب غيرها

الحقيقة أنا سؤالي للشباب هو
ليش بتخافو من المرأة المثقفة و الذكية و عند اختياركن لشريكة حياتكن بتدورو عالشكل دون المضمون
هل لأنكن بتخافو بذكائها تاخد منكن السيطرة ولا حسب المفهوم الشرقي انو يعني لازم الرجل يكون أذذكى و أقوى وووووووووووو.......الخ ؟

رايا
بالنسبة الي بفضل البنت الذكية

بس وحياتك متل ما قللك ابو الريم " />

ابو الريم و نضالو .. كيف يعني المرة بتضل مرة ؟؟؟ ما فهمتا هي ارجعوا فهموني ياها من الاول لشوف ؟؟

لاااااااااااااااااااااااااااااااااااا
رح تخليني احرقها لسيارة

وبعدين شبكن ليش ما بتناقشونا متل ماناقشناكن يعني بصراحة

بدنا جواب منطقي مو تهرب من السؤال

خيتو البنت دائما و ابدا قد ما كانت ذكية الا و ما بتطلع بشغلااااااات ياهم لالي بتنم عن قلة عقل عدم المؤاخذة يعني " />

يا عيني عليك ابو النضل
درر
و هني النسوان في منن اذكياء متل ما قالت راية
بس نسبتن للاسف كتيييير قليلة بالمقارنة معنا

خيو انا مابقى بدي رد عالموضوع

انا رأيي ما في داعي لكل هالحكي والخناقات المرأة حنونة يعني بتغلب عليها عاطفتا وهيدا يللي بميزها والرجل قوي وصامد وكتوم يعني قد ما كانت عواطفو قوية هو بيتحاشى انو يعبر عنها وهيدا يلي بميزو ولو تعمل المرأة العجايب ما فينا بلا الرجل وعنفوانو ولو بينطح الرجل الأرض ما فينو بلا المرأة وحنيتا وصدق اللي قال القط ما بحب إلا خناقو :!:

آية

ما انتي قلتي نحكي بصراحة

لوليتا
اي مظبوط انتو ما فينكن بلانا

شو قصدي ابو الريم ولو باين انك بتلقطها على الطاير يلا ما رح زعلك يعني المرأة مطلعة عين الرجل والرجل مطلع روح المرأة بس التنين مستحيييييييييييييييييييييييييييل يعيشو بلا بعض

الحقيقة يا شباااااااااااااااب
انو انتو بتخافو المرأة الذكية و الدليل انو ما كان في رد شافي منكن
و بعدين شو هي قلة عقل...........يا نضالو
دارك في نساء ذكيات و نسبة كبيرة لكن انتو علمتوهن انو لازم يتغابو حتى يعيشو
كونكن ما فيكن تتحملو ذكاء المرأة يتفوق ع ذكائكن
لوليتا بوافقك بكل كلمة يسلم تمك

انا بوافق رايا انو الرجل عنا ما بيتحمل انو تكون المرا اذكى منو وما بيقبل ياخد برأيها وبيخاف لما بيكون معها حق وبيصير يعيط ويبهدلها مشان يتهرب لأنو باعتبارو هي مرا بنص عقل والرجال قوامون على النساء بس بصراحة إذا كانو النسوان بنص عقل فالرجال بلا عقل بنوب لانو انتوا بتعرفو مين اللي بيطبخلو لأبو عقل ومين بينضفلو البيت لأبو عقل ومين بيحترملو ضيوفه اللي مجتمعين مشان يقرروا كيف رح يحررو فلسطين مو مشان شي مباراة وكمان مين اللي بيروقلو دمو لما مديرو بالشغل بيكونو سالخو بهدلة قياما وقعودا بس هو ما فتح تمو بحرف لأنو مانو قد المدير بس هو قد أم نص عقل بيرجع عالبيت بيتفشش فيها
أكيد هلق الشباب رح يقولو هاد سيرجيو خوان وناكر أصلو وما بعرف شو بس والله ما حلوي نقول عن البنات انهن بنص عقل بعد ماصرنا بالقرن مدري قديش وخاصة انو نحنا طلاب جامعة مو شوفيرية سرافيس والله يعيني عالبهادل اللي رح اكلها من الشباب ، والله يعين النسوان ببلاد العرب شو مظلومين.

ч $ΞЯGIO ЯΛ∑O$ ч كتب:

انا بوافق رايا انو الرجل عنا ما بيتحمل انو تكون المرا اذكى منو وما بيقبل ياخد برأيها وبيخاف لما بيكون معها حق وبيصير يعيط ويبهدلها مشان يتهرب لأنو باعتبارو هي مرا بنص عقل والرجال قوامون على النساء بس بصراحة إذا كانو النسوان بنص عقل فالرجال بلا عقل بنوب لانو انتوا بتعرفو مين اللي بيطبخلو لأبو عقل ومين بينضفلو البيت لأبو عقل ومين بيحترملو ضيوفه اللي مجتمعين مشان يقرروا كيف رح يحررو فلسطين مو مشان شي مباراة وكمان مين اللي بيروقلو دمو لما مديرو بالشغل بيكونو سالخو بهدلة قياما وقعودا بس هو ما فتح تمو بحرف لأنو مانو قد المدير بس هو قد أم نص عقل بيرجع عالبيت بيتفشش فيها
أكيد هلق الشباب رح يقولو هاد سيرجيو خوان وناكر أصلو وما بعرف شو بس والله ما حلوي نقول عن البنات انهن بنص عقل بعد ماصرنا بالقرن مدري قديش وخاصة انو نحنا طلاب جامعة مو شوفيرية سرافيس والله يعيني عالبهادل اللي رح اكلها من الشباب ، والله يعين النسوان ببلاد العرب شو مظلومين.

انا بالفعل زاد احترامي الك ياسيرجيو مو لأنك وقفت معنا

بس لأنك قدرت تتغلب ع عقدة الرجل الشرقي وتحكي يلي شايفو بكل صراحة

بالفعل بحييك سيرجيو

شبكن انبحتتو بفرد بحتة

هلق زعجكن كلامي انو البنت احيانا بتتصرف تصرف ينم عن قلة عقل

طيب

سيرجي : اولا انا ما قلت المرأة كل شي بتعملو بلا عقل و كلامي ما فيه انتقاص لانو في كتير رجال كمان بيتصرفو بنفس الطريقة

تانيا مين جاب سيرة الطبخ و النفخ و تنضيف البيت و ابعرف اذا هالشغلات هيي يلي بتقيم المرأة اذا عندها عقل اولا ؟؟؟؟؟؟؟؟؟؟؟؟؟؟

تالتا الرجل معروف ببرودتو و استيعابو لحل المشاكل و التعامل معها اكتر من المرأة بس أكيد في رجال مو هيك ابدا يعني الشغلة نسبية

بس انا لما بقول

اقتباس :

بتطلع بشغلااااااات ياهم لالي بتنم عن قلة عقل

هادا ما بيعني انو كل البنات قليلات عقل يعني في بنات ما عندهن ذكاء خارق متل غيرهن بس بيتعاملو مع اي مشكلة بتعترضهن بطريقة رائعة و خالية من الاخطاء

بس بتمنى لما بتقولو البنت الذكية تعرفو تمام شو معنى بنت ذكية لانو هالكلمة كتييير كبيرة و معناها كبير فبجوز في اختلاف لرؤيتنا و فهمنا لهالمصطلح

نجوى

لك الله يخليلنا ياك سيرجيو انت فخاااااااامة

جد لانو حكيو منطقي

انا مازعلت لا بس قلنا نحكي بمنطقية
هلا الله لي خلة كل شي يعني هو اعلم بكل شي وبيعرف
ليش خلق الشب قوي والمرأة ضعيفة
لانو لازم يكون في اختلاف بالموضوع لحتى يصير في انسجام
تصور بنت تكون بنفس مستوى الرجل
لكن ليش المرأة الرجولية مو محبوبة والرجل الحساس والحنون بيقولو عنو تشتوش
لانو كل واحد الو وظيفتو
وجمال المرأة بيكمن في حنانها وقلبها اللطيف والرجل بيكمن في قوته ورجوليتو
يعني المرأة تستخدم عاطفتها اكتر من عقلها وهاد شي رباني
والرجل بالعكس

يسلم اناملك ايوش هادا الكلام الزين

استاذ ابو الريم

هلا كان دورنا يعني صار دوركن

والله انك دهب يا سرجيو كمان ما لأنو بس وقفت معنا بس لأنك حكيت الواقع ومادام في ابن ادم بهالأيام بفكر بهي الطريقة فإذا الدنيا بخير وانبسطو يا بنات لأنو حياة الذل والحياة المعترة اللي نحنا منتوقع انو تكون لإلنا متل ما هي لأمهاتنا ذهبت مع الريح وصار عنا امل انو نعيش حياة كريمة مع شباب بيفهمونا وبراعونا عراسييييييييييييييييييييييي سرجيو

هلأ انا عندي سؤال بتمنى يكون بيحرز ومستاهل بدور ببالي كتير وما قدر شب يجاوبني ويقنعني.
ليش الشب بس البنت تبينلو انو هي معجبة في او تعبر عن مشاعرها بشوية صراحة بينأز منها حتى لو كان هو معجب فيها كتير بصير متل اللي كان مستأجر شي وعم يعمل جهدو لحتى يستملك هالشي وبس يستملك (يعني قلبها) بيتفرعن وبصير يشوف حالو وقتها بتبلش شوفة الحال والزبلة والإهمال وينقلب 180 درجة عن الشب اللي كان من قبل عم يشقف حالو لحتى ينال نظرة منها بس نظرة يعني ليش الشب بيتصرف هيك متل الخايف او الللي حس حالو علق بشي شغلة ومستحيل يطلع منها بعدين يا ريت تجاوبوني ويا ريت تكوني فهمتو وجهة نظري :?: :!: