!% نقاشات حادة بين البنات والشباب..الرجاء الدخول %!%

لوليتا سؤالك كتير واقعي وحلو
انا بقول كل شي الو حدود بس بيضل البنت متل الشب الها مشاعر واحساس

كيف بدو يعيش ويكبر هالحب اذا احد الطرفين تكبر او اهمل الاخر

وبهالحالة هاد مو اسمو حب هاد اسموإعجاب فقط او تسلاية واحراز عدد من المعجبين

الحب لازم يكون بالاساس مبني على التفاهم والاتفاق
بس متل ماقلت كل شي الو حدودو

يعني ممكن البنت تلمح لشب او تفهمو بس بطريقة لبقة ومحترمة

هاد رأيي

انا ما قصدي انو تبين بس وقت الشب بحس انو بلشت تتعلق في ما بعرف يمكن بخاف وببلش بستعمل طرقة الهروب والاهمال

يا جماعة طولوا بالكون شوي .. هلق بعطيكون نموذج عن المراة اللي عقلها كبير .. واللي هي و بكل تواضع انا .. :*740*: لأنو ما شاركت بالموضوع من الاساس

أنا برأيي أنو الشغلة شغلة مجتمع و شوارب يعني هو متربى أنو الشب بيحقلوو كل شي وأنو الشب لازم ما يبكي وأنو الشب لازم ياخد حقو بايدو وأنو فينو يأركل ويدخن ويتأخر برا البيت ويضرب اختو لأنها ماجابتلو كاسة ميي بقى كيف بدكن ياه يقبل انو المرأة تعترف بحبها الو. وطبعا شعاره الدائم هو اهم عبارة بالتاريخ العربي وهي (البنت مرجوعها لبيت جوزها).

انا ما بأمن بهل الشي لأنو الحب مو اختراع ذكوري والطرفين عندهم مشاعر متساوية بقى كيف طرف بيحقلو يعبر عن مشاعرو اما الطرف التاني ممنوع من هل الشي.
انا بأمن انو البنت بيحقلها تعمل كل شي بيحق للشب أنو يعملو لأنو هي مخلوق مكافىْ ومكمل الو مو ادنى منو.
أخوي أبو الريم اذا الشب رح يتحكم بالبنت لأنها اعترفت باعجابها الو فهو بصراحة مابيكون بيحبها حب صادق وكمان ما بيكون انسان شهم.

بمكن مافيها شي إزا بينتلو بس بحدود ووإزا كان واضح معها يعني ما إنو حب و خلاص أو بعدين منشوف لازم يكون في وضوح وتفكير بالإرتباط , و أكيد إزا بيحبها وصادق مابيتهرب أبداً العكس بيصير بدو يرتبط فيها شرعاً ما إنو بس علاقة حب و ما متل مابيقولوا بيتحججوا بعض الشباب إنو خلينا نفكر بالوضع الحالي ومانستبق الأمور والمهم نحن بنحب بعض , لأ هاد ما حكي ولازم الواحد يفكر بعقل واللي مابيفكر يرتبط ف هاد ما إسمو حب والشخص مانو صادق أبداً إزا هيك.. كمان في شباب بيتحججوا إنو هني مامكونين حالن وبدن لسة وقت طويل, طيب إزا هيك ليش بدو ياها تحبو وبيعلق البنت معو بمستقبل مجهول؟ ما حرام؟ مشان هيك أنا رأيي إنو لازم يكون في وضوح من الأول وتكون المعاملة مبنية عالصدق والإحترام والجدية بكلشي...

انا بقول من وجهة نظري ما لازم تعطيه وتبينلوا اني مهتمة او حتى بتحبه لانو الطبيعة الفطرية للرجال الماسكيولينيتي تفرض عليهم حب التملك اقرب مثل ازا الرجل اشترى سيارة بيفكر يشتري غيرها بعد فترة النو مل منها والموبايل ازا قديم بغيره العواطف لها حدود للمراة والرجل اهم شي ما توصل لدرجة الخضوع بين الطرفبن كل واحد عنده شخصية وعقل مالازم احد يتعدى على لاخر المعاملة والحترام والحب بيصمدواامام كل الظروف وحتى الانا عند الرجل

بتعرفو شي انا كل يوم عن يوم عم خاف انو حب بس منشان هالقصة على كلن يا رب بعتلي شب منيح

البنت انسانة متلها متل الشب بحقلها تعبر عن مشاعرهاو بحقلها تحس بوقع هي الكلمة ع الشب اللي بتحبو لكن اذا هالشب بدأ يحاول يتهرب بعد ما يحس بحبها فبكون الخطأ باختيارها من الأساس
سيرجيو فعلا انت أول شب قدر يطلع من عقدة الرجل الشرقي بهنيك من قلبي لأنو بوسط هيك مجتمع مريض و مفاهيم مغلوطة أفكارك تعتبر انجاز و فعلا زاد احترامي الك

شباب
يا شباب (((((صار دوركن بالسؤال)))
تفضلو نورونااااااااااااااااااااا :*332*:

ليش البنات بيكرهوا كرة القدم هلق إذا حدا منكن بيحبها هاد مو مقياس انا بدي اعرف ليش البنات بشكل عام يعني خارج المنتدى بيكرهوها؟؟؟؟

سيرجيو معك حق اهتمامات البنات بشكل عام بعيدة عن الرياضة لكن هلأ صايرين البنات بيهتمو و بيتابعوا و صدقني بيهتمو لأنو صار الاهتمام بأخباركرة القدم موضة و بس لحتى يحسو حالهن عم يشجعوا
باختصار لأنهن عم يقلدوا

والله بعرف لاء ونص البنات قال شو بشجعو ايطاليا لأنو لعيبتها حلوين وبنات عمي بيشجعو البرتغال وريال مدريد لأنو كريستيانو حلو وبنت عمي التانية بتشجع اسبانيا وريال مدريد مشان كاسياس لأنو كتير جنتل اما بنت خالي بتشجع كمان اسبانيا وريال مدريد بس مشان ألونسو ريتو يقبرها يارب.
شكرا على مداخلتك رايا

عأساس الشباب مابيهتموا بشكل اللاعبات ما؟ كل الشباب اللي بيتابعوا تنس للبنات بيشجعوون عأساس الشكل و هاي بتجنن وهاي جسما أحلى ومابعرف شو, صح ولا لأ؟

و بعدين مادخل , ما كل البنات بيشجعوا حسب الشكل. أنا بشجع ريال مدريد من زماااان و رح ضل بشجعوا حتى لو صاروا لاعبينو مخلوقات فضائية

هههههههههههههههههه
والله السؤال لزيز سيرجيو
هو مو كره بمعنى الكلمه بس مو شي بيستهوي البنات
اما بالنسبه للتشجيع
الملكي بيضل ملكي لو لا عبينو قرود
بس برضو الجانب البناتي بيندحش بالنص
يعني انا عن نفسي بتابع كأس العالم لشوف الحلوين
ولو الحلوين اكتر بالفريق التاني بحول
ههههههههههههههههههههههههههه
بس ريال شي تاني والله لو ملك جمال العالم بالفريق التاني مابكون غير مدريديه

انا رأيي الشكل ما كتير ألو علاقة هلأاي في من بتابعو حسب الشكل وفي منن لأ هلأ انا مدريدية للعضم مو منشان حدا ومو بس انا بتابع رياضة ورفقاتي كمان وبس تكون في لعبة حلوة منعمل شلة بنات ومنحضرها بشي بيت من رفقاتي ولا تفكرو ان ما منفهم بالرياضة يعني بس منتفرج لا منعرف قوانين اللعبة وخطط الهجوم والدفاع وغيرو وغيراتو وصدقا ما بس كرة القدم والتنس والسلة

موضوع رائع وكتير
البنات ما بيكرهوه كره بس المتزوجين بيكرهوه لانشغال الزوج عن كل شي
مشان المونديال
وحب البنات للمونديال كلو مظاهر وموضة
وكلامكن صح في منون لسبب جمال اللاعبين
انا بحب المانيا كتير بس ابدا ما فكرت بجمال اللاعبين
وفي شباب حلوين بغير فرق بنشوفون بس بنشجع فريقنا
وكتير من البنات بيشجعو الفرق لانو (الحبايب).بيشجعوها
هاد من حقون

اهئ اهئ أنا حبايبي بيشجعوا مانشستر مو الريال وبضل اتقاتل انا وياهن مشان هيك