إذا كنت من مواليد 1980-1989 ادخل ع الموضوع ؟؟؟؟

إذا كنت من مواليد 1980-1989 اقرأ للآخر

1- إذا كنت من الناس اللي حضرو بالمرحلة الابتدائية مسلسل ماوكلي وبرنامج بريد الأطفال اللي كانت تقدمو ماما فاتنة الله يعدمنا ياها و الكابتن ماجد , أما بمرحلة الإعدادي مسلسل الرجل الآلي و أبو الهنا و جميل و هناء .

2- إذا تابعت كل الإعلانات الحلوة اللي كانت تطلع ع قناة البرنامج العام متل دعاية محارم ديمة و علكة منطاد و بطاطا لوكس و شوكولا سوارين الخ .....

3- إذا لحقت الدعايات اللي كانو يطلعو بعد نشرة أخبار الساعة 8.30 اللي بيطلعو بشاشة زرقا و فيا كتابة عم تطلع من تحت لفوق و كانو ع الأغلب يا مشان التطوع بالكلية الحربية يا لترشيد استخدام الكهرباء و الماء يا مشان تنبيه الأخوة المواطنين ع ضرورة التبرع بالدم .

4- إذا لحقت مقدمة الأخبار القديمة , و اللي كان يقدما مهران يوسف و ميساء سلوم و رائدة وقّاف و علاء الدين الأيوبي قبل ما يصير مندوب وزارة العدل للتلفزيون السوري.

5- إذا لحقت ولادة الإذاعة اللي كسرت الدنيا و بعد طول انتظار و اللي صرت تتباها فيا بوصول وطنك للتطور بأن صار عندو مساحة ع موجة الFM وقت طلعت إذاعة صوت الشباب بسنة ال 2000كما أذكر.

6- و ع سيرة سنة ال 2000 لا تقلي أنو ما فكرت (بينك و بين حالك) بالكلام اللي كنت تسمعو كتير عن المشاكل اللي رح تصير الساعة 12.00 بالليل يوم31/12/1999 و أنو أشفي أجهزة كهربائية و الكترونية عليها السلام

7- إذا كنت عاصرت غنية الحب الحقيقي لمحمد فؤاد قبل ما يصير دب قطبي و غنية علمتيني أحب الدنيا لراغب علامة و ما بقاش أنا لأصالة , و بالله يا سايق الهجن أمشي على هونك لشادي جميل و غنية ربا الجمال تبع أسأل روحك اللي كانت تطلع بحفلة ع القناة الأولى و غنية ديانا حداد (ساكن) و عودوني لعمر دياب و مصطفى قمر المعلاق و غنيته الليله دوووب و إذا كنت شهدت ولادة نجم عالمي جديد اسمو علي الحجار و اشتريت كاسيتات عمرو دياب و لبست نفس البلوزة اللي لبسا بفيديو كليب تملي معاك و حطيت 2كغ جيل ع شعرك و سئلتو لورا حتى صار يزحلط ع ئد مو زفر مشان تساوي متلو بكليب عودوني, و أيام ما تسجل على ورقة المنوعات اللي بدك تسجلا ع شريط كاسيت و ترو لعند المحل و تطلب تطبيق هالأغاني ع شريطMacxell حصراً لأنو أداؤه أحسن الشي هيك كنا مفكرين .

8- إذا وقفت العصريات بالصيف ع البلكون بعد ما تكبلك سطلين مي مشان الرطوبة و شعلت شريط كاظم الساهر تبع مدرسة الحب و وقفت بالشيال و بأيدك سلسال عم تلولح فيه و حاطط راست تحت المي و عم بتنفض بشعراتك و أنت عم تنوضر ع بنت الجيران .

9- إذا كنت عم تتابع برنامج ما يطلبه الجمهور و عم تقول لحالك عسى و لعلى يطلعك شي غنية عليها القيمة , بس وقت شفت الشريط اللي بيحطوا فيه الأغاني الموجودة لحلقة اليوم , انصدمت و حشكت و قلبت التلفزيون ع القناة التانية و كان طالع فلم أجنبي لليافعين موضوعه عن الأحصنة و تربيتون , أجباري رح تئبل فيه مو بكيفك .

10- إذا شعرت بقرحة مزمنة الساعة 4 بعد مارجعت من المدرسة و كان دوامك الضهر وخلصوا برامج الأطفال الله يجعلون برامج أطفال و بلشنا ئرح بئاااااااااااا , ع برامج القناة الأولى مع العمال , مع الحرفيين , مع الطلبة , مع المقاتلين , مجلة الأمل , مجلة الأسرة , أبناؤنا بالجولان.....

11- إذا قضيت يوم عيد الأم ربعو مع أم عمار(ماريا ديب وبرنامج ما يطلبه المشاهدون حلقة خاصة) و ربعه مع جهاد سعد (برنامج خبرني يا طير ) و نصه نقل مباشر من عين التينة بالجولان و شلون الاحتلال الغاشم عم يفرق بين الأمهات و الأولاد و شلون عم يقطع أوصار المحبة الأسروية , بس هالشي ما منع الشعب الحي من أنو يروح ع عين التينة و ياخد المكيرفون و يجوجئ من ضفة لضفة مع أنو بحطون برئبتي ما حدا فهمان ع حدا و ماحدا سمعان حدا .

12- إذا كنت من هواة بسكويت السحب اللي كان يربح هدايا حدث و لا حرج , ولا من هواة الستيكرز جمع ألبوات صور كبتن ماجد و كابتن رابح و البوكيمون ووووو الخ، أو من هواة جمع الصحون الطائرة اللي تعدد أشكالها وأنواعها، و مين فينا ما راح صرف خرجيتو و لطش خرجية حدا من أخواتو مشان يشتري علية مسكة كاملة عسى و لعلى بتطلعو بألبا صورة مختومنة , أصلاً ما اغتنت شركة خيري و كلاس إلا من ورا طشمنتنا .

13- إذا شفت التيشرتات اللي كانو يحطوا عليها صور نوال الزغبي و جورج وسوف ، ولا الكنزات تبع مونديال 98 اللي صار بفرنسا ... وقتا كنت شجع البرازيل وخسروا ... آآآآآآخ .

14- مين فينا ما طرئو عين لرفيئو بالمدرسة اللي أجا عم يئلو أنو ركبنا دش قطروا 9 متار و بيطالع 80 قناية و أخد عنو فكرة أنو رفيئوا أنو كذاب ، كيف لا خاصة و أنو كان الديش كان يكلف بين ال 60 و ال 100 ألف ليرة.

15- مين فينا ما كان مفكر أنو عندو ثروة ثقافية أو مجموعة بمجرد احتفاظو بشي 20أو 25 لغز من الألغاز تبع هدول المغامرين الخمسة (لوزة , و نوسة , و عاكف و وطوط ما بعرف شو ,,,,,)

16- مين فينا مالعب الميكانو لعبة مهندسي المستقبل ,وحلم يشتري طابة أوفيشال تبعيت مونديال ال 98 الأصلية .

17- مين فينا ما شجع نادي الجيش لما كان يربح كل المباريات .. أنا شخصياً ما بذكر أنو كان في غيرو !!.

18- مين فينا ما كان تيجي الرجفة وئت شي حدا من زملاء الدراسة الذين يمتهنون الكدب يكدب علينا و يئلنا أنو خال أمو عقيد مدري عميد بالمخابرات الجوية و شرطك يكون عم يحكي بصوت واطي .
19- مين فينا كان يحب مسلسل بطوط الضراب السخن (بطوط الشهير)

20- مين فينا ماكان يحلم ببسكليت 24 أبو الغيارات , و يحلم بالواكمان تبع الشريط ؟؟

21- مين فينا أيام ما كان صغير ما خوفوا أهلو من العتمة و من أم رعيدة اللي كانت أشهر من نانسي عجرم هلق .

22- مين فينا ما سمع الديو بين وائل كفوري و نوال الزغبي (مين حبيبي أنا ) و بين راغب علامة و أليسا (بتغيب بتروح).

23- مين فينا ما شاف رأفت الهجان و ما كان يفهم منو شي (بس عبتابعو لأنو أبو و أمو عم يشوفو) بس ساوا حجة مشان يسهر شوي زيادة.

24- مين فينا ما تابع المسلسلات اللي كانت تطلع ع القناة الأولى الساعة 9.30 بعد الأخبار و كان ينحر و يقتل من حرتو وئت يكون في عيد قومي أو وطني بشي دولة موقعين معا معاهدة صداقة فكانو يلغو المسلسل و يطالعو برنامج وثائقي عن هي الدولة .

25- مين فينا أيام الابتدائي ما كان يغلط بشي 500 كلمة و يئولا غلط بالنشيد السوري من أصل 503 كلمات.

26- مين فينا ما كاااااااااااااااان معلائو تئيل و غليظ أيام الاعدادي ., وقت كنا نفكر حالنا صرنا رجاااااااال صوتا تخين و خطوا شواربنا و خود ع بياخة ...

27- مين فينا ما كانو رفئاتو يصرخولو بكنيتو و هو يصرخ لرفئاتو كمان بالكنية أيام الاعدادي , وخصوصاً وقت كنا نلعب طابة .

28- مين فينا ما راح ع هاد اليوم العسكري اللي كان يصير يوم الجمعة الساعة 9 الصبح هلق أنا ساويت مناحة بالبيت لحتى رجت .. و ياريتني ما رحت .

29- مين فينا أيام الأعدادي ما كان يشيل الكتافيات و يقلب كمام البدلة بعدما يطلع من المدرسة , هاد إذا ماكان شاري نضارات شمس أم ال 25 و حطون هيك شغل ضوج .

30- مين فينا ما اتئلع و اتسكر الخط بوشو مليون مرة وئت كان يتصل برفيئو مشان يسألو من وين لوين داخل معنا بالمذاكرة و هو بيعرف شو داخل بس اتصل أصادن مشان يضيع وئت و يستعمل التليفون الجديد اللي ما عم يرن يا حسرتي.

31- مين فينا ماكان يموت من الرعبة ئبل ما يدخل ع البيت الساعة 9 المسا لأنو أبو و أموه بدون يشبحو ع القمر لأنو اتأخر ع البيت و موصينو أنو بعد الساعة 7 مافي دخلة ع البيت بس الله يلعن رفاق السوء .

32- مين فينا كان يحب المسلسلات المصرية اللي كانت تطلع ع التلفزيون الساعة 11.30 و اللي كانو المصاروة هنن ذاتون كابين هالمسلسلات الصعيدية اللي ضعيفة ع كل المستويات (لا قصة متل الخلق لا سيناريو لا حوار لا إخراج لا تمثيل لا حبكة لا تصوير لا إضاءة , لا تأثيرات ) و لك يا جماعة حتى وش حلو يوحد ربو ما كان فيه.

33- مين فينا ما تابع كسندرا و حب راندو من تحت لتحت شنو كانت المسلسلات المكسيكية متحررة كتير حسب فكرنا بهداك الوقت ، ومين ما اتأثر بالحب الكبيراللي كان يربطون و مين فينا صدق أنو معئول تكون المكسيك كل هاد صغيرة لحتى طلع راندو آخر الشي أخوا لكسندار و دورنديا أما برضاعة و الجد الكبير طلع اخوا , المهم أنو كان هالمسلسل كان فيو صدف فعلاً شي ........ غير شكل .

34- مين فينا ما تابع مسلسل عيلة 5 نجوم , 6 نجوم , 7 نجوم , و ما بعرف إذا كان فيه 8 نجوم تبع أبوك يالدسك و الواوية و الدست , و أبو كيروز ,,, يلعن أخت هالألفاظ شلون حفظناها , ليش كان فيه مسلسل لأندريه سكاف و حسام عيد و نحن بزمناتو كتير كنا نضحك عليه مع أنو كان سخيف جداً , و لسه عائلتي و أنا و المحكوم اللي مثل فيه جمال سليمان , و مسلسل الأخوة (زهير عبد الكريم و سلوم حداد و بسام كوسا و أمون منى واصف) , مسلسل يوميات مدير عام غني عن التعريف أكتر الشي بتذكر أنو ضحكت ع شخصية نبيه الحدق اللي لعبا أيمن زيدان ,

35- مين فينا كان بيعرف شو هي حصة الطلائع اللي كانو يحطولنا ياه يوم الثلاثاء سادس حصة ؟؟ و كانت الآنسة تطالع لبرة تحكي مع الآنسات و نحن عم نعفرت جوا , أنا لهلق ما عرفت شو معناتا هالحصة و ليش كانو حاطينا .

36- مين منا ما جمع صور مطربين و رياضين و مشاهير و لزقا هون وهون .

37- مين فينا ما كان يجعر و يبكي ما بدو ياخد دوا السعلة لأنو مر , بس كانت أمو أول الشي يالله حبيبي يا الله هاد دوا ما بيصير لازم تاخدو مشان تطيب و تضل عم تجي معنا بالأسلوب اللين و نحن نتمنع بعدين انما للصبر حدود ,,,,,, فتاح تمك ولاااك , و هون أنت متل الحباب رح تفتح تمك و تشربو فيا العافية .

38- مين فينا بيئدر ينسا اليجامات النفخ اللي كانوا يلبسوا الأكبر مننا هدول اللي أيدهون و أجريهون بيكونوا زم و ألوانون ياسلااااااااام , شي تريكواز شي زهري مأنشح شي أصفر مخنق .

39- مين فينا ما بيذكر بطاطا زقزوق و ميلان و طبوش .... الخ

40 قبل الأخيراً - طيب كازوز جلول و سينالكو و خزنة ؟؟؟

41 وأخيراً - مين فينا مابيحب هالشغلات الحلوة كلا فعلاً ,أنت محظوظ فعلاً لأنو حضرت هالئصص مين بيقدر ينكر أنو ماكان مبسوط وقت كان صغير , مو متل جيل هالأيام كلو عايش عالياي ..بس ما بعرف إذا قدرت ضحكك أو ذكرك بشي حلو كنت نسيانو .

مين منا بيعرف انو ابو الريم بدو قتلة على هالجريدة لي كاتبها
وانا صارلي ساعتين عم اقرا لوصل عالنتيجة
إذا كنت من مواليد 1980-1989 ادخل ع الموضوع ؟؟؟؟ 218305

إذا كنت من مواليد 1980-1989 ادخل ع الموضوع ؟؟؟؟ 218305

بس جد ذكرتني بكتير اشيا حلوة واحلى شي ماريا ديب
والاروع يوم الثلاثاء(اجتماع الطلائع)
لا واولاد اليوم هني لي صايرين بيدرسو الاساتذة
الله يعيننا عالتدريس بكرة
شكرا كتير ابو الريم على معلاقك الكبييييييييييييييييييييييير
إذا كنت من مواليد 1980-1989 ادخل ع الموضوع ؟؟؟؟ 803300

إذا كنت من مواليد 1980-1989 ادخل ع الموضوع ؟؟؟؟ 803300

لا جد الموضوع رائع رائع رائع

الله يرحم هديك الايام

شكرا من القلب ابو الريم

بسيطة يا آية والله مل بقا رد ع ولا موضوع بتنزليه

عم امزح ونورتي الموضوع يا غالية

أي والله الله يرحم هديك الأيام يا أبو النضل
فعلاً الماضي بيضل محفور بالقلب يا حبيب القلب

إذا كنت من مواليد 1980-1989 ادخل ع الموضوع ؟؟؟؟ 53910

ابو ال

إذا كنت من مواليد 1980-1989 ادخل ع الموضوع ؟؟؟؟ 563101

ريم

إذا كنت من مواليد 1980-1989 ادخل ع الموضوع ؟؟؟؟ 510247

اخ يا سلااااام على هالموضوع
لك بس بدي افهم شو هالذاكرة اللي عندك
بتعرف صرلي ساعة عم اقراه و كل شغلة قلتها الها ذكرى عندي
والله ضحكتني و زعلتني بنفس الوقت
شكرا على هالموضوع النادر ابو الريم الغالي
إذا كنت من مواليد 1980-1989 ادخل ع الموضوع ؟؟؟؟ 936282

إذا كنت من مواليد 1980-1989 ادخل ع الموضوع ؟؟؟؟ 936282

SOMAR كتب:: اخ يا سلااااام على هالموضوع
لك بس بدي افهم شو هالذاكرة اللي عندك
بتعرف صرلي ساعة عم اقراه و كل شغلة قلتها الها ذكرى عندي
والله ضحكتني و زعلتني بنفس الوقت
شكرا على هالموضوع النادر ابو الريم الغالي

الذاكرة عندي 8 غيغا وبتساع كتير

وشكرا ع مرورك يا غالي إذا كنت من مواليد 1980-1989 ادخل ع الموضوع ؟؟؟؟ 214802

آية حبابة انتي ما تزعلي عم امزح ولو

مادام الذاكرة 8 غيغا ليش رسبت إذا كنت من مواليد 1980-1989 ادخل ع الموضوع ؟؟؟؟ 905401

شكرا ياحباب
ابو الريم انت فخامة إذا كنت من مواليد 1980-1989 ادخل ع الموضوع ؟؟؟؟ 23647

إذا كنت من مواليد 1980-1989 ادخل ع الموضوع ؟؟؟؟ 370286

اي شو 8 غيغا!!!
عالبركه هارد محمول بحالو

مشكور ابو الريم الغالي
ذكرتنا بالايام الخوالي

ذاكرة الدراسة غير الذاكرة العادية
64 ميغا بس
وانتي أفخم أنسة آية

عصامو حبيبنا مشكور ع مرورك

شكرا ابو الريم ... فعلا ذكرتني بكتييييير شغلات كانت رايحة عن بالي .. الله يرحم هديك الايام عالقليلة ما كان في لاهم ولا غم .. إذا كنت من مواليد 1980-1989 ادخل ع الموضوع ؟؟؟؟ 53910

زائر

أنا بحب اتذكر الطفولة
خصوصاً الشغلات اللي كانت تزعجني متل بريد الأطفال :suspect:
لأني ارتحت منها هلا ههههههههههه

ذكرتني بكتير ئصص كانت رايحة عن بالي بس كلنت ايام حلوة كنا مفكرين حالنا شي شغلة مهمة
كتير شغلات ضحكتني وئت ئريتا حسيتك ابو الريم كنت معي وئتا جد موضوع حلو شكرا الك

موضوع: هي اول رد ألي الخميس أغسطس 19, 2010 3:50 am

والله أنا ألي مسجلة شي شهرين وكل يوم بفتح وبشوف المواضيع الجديدة و بشوف الردود بس ما بفكر نزل أو رد لأن بشتغل بغير موقع المهم هاد الموضوع ذكرني بكتير شغلات وانا بحب الذكريات لهيك عم رد وانشالله ع طول برد

اهلا وسهلا فيكي البنفسج و الموقع وصحابو على حسابك

lمينيرفا شكرا ع مرورك الحلو وعنجد الموضوع بيذكرنا بأيام الماضي

مشكورة البنفسج ع مرورك والمنتدى متل بيتك

عنجد شكراضحكتني من ئلبي وزكرتني بئصص كانو كنا بصف واحد بس نحنا كانت حصة الطلائع يوم الاربعاء

شكرا ع المرور susan والله بعد شوي رح ابكي ع الماضي

مشكور أبو الريم والله ذكرتني بشغلات حلوة كتير كانت رايحة من بالي أياااااااااام ,,,,, بس كانت أحلى بكتيييييييييير شكرا

إذا كنت من مواليد 1980-1989 ادخل ع الموضوع ؟؟؟؟ 343580

أهلين سويتي منورة وين هالغيبة

» حقائق لا تعرفونها عن مواليد كل برج
» أشهر مواليد برج الأسد
» "محمد" الاسم الأوسع انتشاراً بين مواليد بريطانيا
» الموضوع جدي
» لماذا وما ملكت ايمانكم