لماذا وما ملكت ايمانكم

سمعت بعض اللغط اوالاعتراض على مسلسل وماملكت ايمانكم..فتعجبت من ذلك..لان صاحب هذا المسلسل اختار اسهل طريق للنجومية والعالمية - وهوحرباختياره - بل عرف جيدا كيف يصل الى جائزة للسلام.. وذلك بتعريضه باية كريمة من القرءان الكريم..مقتفيا ومقلدا لغيره من الادباء كؤلف ايات شيطانية او غيره ممن تهجموا على الاسلام تلميحا اوتصريحا فنالوا الرضى من لجنة نوبل للسلام والمسؤؤلين عنها.. فهنيئاومبروك سلفا..
وانا هنااعلق فقط على العنوان..والمكتوب يبان من عنوانه كمايقولون..ولله في خلقه شؤون..
ولكني اتسائل هل عجزت العبقرية والابداع عن ايجاد عنوان اخر غير ايةمن كتاب الله..
ويبقى ملك اليمين ايام زمان افضل من عشيقات وخليلات وصاحبات هذا العصر..ويبقى حقوق المراة في الاسلام افضل من حقوق المرأة حاليا..رغم انف الجميع..
فهل من معتبر..

انا ما بعرف شو قصدك وما كتير تابعت المسلسل بس سمعت انو جريئ وواقعي

أخ طلال

لا يوجد أي نص ديني، لا في القرآن الكريم ولا في الحديث الشريف، يمنع استخدام مفردة أو جملة وردت في القرآن الكريم عنوانا لكتاب أو مؤلف ما سواء كان مصورا أم مكتوبا

فلماذا نندد و نستنكر و ما الى هنالك ؟؟؟؟؟؟

تم النقل لقسم نقاشات هادئة

انا ما تابعت المسلسل
بس مابلاقي في شي اسمه
لأن في كتير شعراء من العصر الاموي والعباسي والاسلامي
كان شعرن في اقتباس من القرآن
واسم المسلسل نفس الطريقه
يعطيك العافيه
طلال
ع الطرح

بعد التحية.عندما نعلم ان موضوع وما ملكت ايمانكم هومن المواضيع التي عمز ولمز بها ومن خلالها كثير من المستشرقين والصليبيين من قناة الاسلام ..متهمين اياه بانه عبارة عن جواري وحريم وتعدد ازواج وماالى ذلك من الاكاذيب والترهات التي ما انزل الله بهامن سلطان.. وعندما نعلم ان الاسلام هو الذي حرر المرأة تحريرا حقيقيا وثبت لها حقوقها في التملك وابداء الراي وحرية العقيدة وحرية العمل ومواكبة الرجل في الجهاد والتدريس بل والافتاء وغيرها ..في وقت كان العالم فيه يعتبر المرأة رجس من عمل الشيطان..وووو عندها نعلم ان اقتباس اسم هذا المسلسل سوف يصب في خانة المستشرقين وسوف يرضي حتما لجنة نوبل للسلام..واعوانها..ومبروك ثانية لصاحب المسلسل هذا الانجاز العظيم..ومبروك عليه اثارته زوبعة في فنجان بدون اي مبرر على الاطلاق..ام اننا وحتى نرضي اميركا ونتخلص من عقدة الارهاب التي الصقت بنا ظلما وعدوانا يضطر بعضنا الى المداهنة وو.. ولكن كتاب الله تعالى واياته هو خط احمر..وحرية الرأي والابداع تتوقف هنا ..فانتبهوا يا اولى الالباب..وشكرا

شكرا لرأيك الصريح

بعد التحية..انا اود ان اضيف ملاحظة اخرى مفادها ان مضمون المسلسل -ما عرض منه لغايةتاريخه..وبغض النظر عن مواضيعه وتفاصيله التي اترك للنقاد التعليق عليها لاحقا..ولكن بالاجمال ما هي العلاقة بين ما ملكت ايمانكم وهذه التفاصيل..وهل هكذا كان ملك اليمين الذي كان شائعا في عصر الاسلام..انا ارى عدم وجود علاقة بينهما شكلا ولا موضوعا..بل ان التسمية فيها انتحال لشيء غير صحيح وتوصيف خاطىء واسقاطات غير سليمة ..ةفيها فقط غمز ولمز واتهام مبطن بل وصريح للاسلام في شهر رمضان ..قد يرضي اميركا ولجنة نوبل للسلام ..ولكن هذا لا يحقق النجومية الحقيقية ولا يمت الى الابداع الخلاق ابدا..

قلتها
و برجع بقولها
هاد نجدت أنزور عم يخبص

و ما حدا يقللي مناقشة واقع و تسليط الضوء و ما بعرف شو من هالحكي الفاضي
هاد عم يدور عالنجوميه بملامسة المحرمات و اللعب على ما يثير المجتمع و الانسان الشرقي بدون ادنى احترام لعقل المشاهد و خصوصية الناس

والشكر لكاتب الموضوع

كأنو الموضوع شط ومط زيادة عن اللزوم؟؟؟

معقول كل يوم موضوع عن المسلسل؟؟؟؟

ماعد في سيرة غيرو انا اعذروني بس مل قلبي من هيك موضوع

اخد ورد

اعذروني بس والله مو مستاهل

اذا انتقد احد ما المحرقة يلاحق دوليا واذا لم يعترف بيهودية اسرائيل سوف ينضم الى الارهابيين في نظر العالم المتحضر..وامااذا عرض هذا الكم من المعروضات والافكار والسلوكيات العجيبة تحت مسمى اية كريمة فهذا ابداع ..والله ان هذالشيء عجاب..وغدا قد يخرج علينا مبدع اخر ويسمى ابداعاته واقيموا الصلاة...ويقول انا حر..هذا ابداع..فهل يعقل هذا يا بشر..
ثم لماذا عرضه بين التاسعة والعاشرة مساء..اي وقت صلاة العشاء..والتراويح..
واكتفي بهذا القدر..فالكتابة هي مهنة المتاعب...وشكرا لهذا الموقع لسعة صدره...والسلام عليكم ورحمة الله وبركاته ودمتم

عصام

طيب فيك تقللي انو الأفكار يلي عم تنعرض بالمسلسل خاطئة و مانها موجودة ؟؟؟؟؟؟؟؟؟؟

لحتى الناس تعالج مشاكلها قبل وقوعها المفروض اظهار كل هالأمور لحتى الناس تعتبر

يعني مثلا :
المسلسل يطرح موضوع الشذوذ الجنسي عند المراهقين و هي مشكلة متفشية بمجتمعنا و الكل بيعرف بهالشي بس الكل ساكت و مغمض على اساس كلو تمام

و يطرح ايضا ملف الفساد المتشري عنا

و يطرح ملف الدعارة

و يطرح ملف التعصب و التطرف الديني

فوين التخبيص بالموضوع و انا مني عم دافع عن نجدة انزور و هو بالتأكيد يسعى لنجاح عملو و لكن فكرة المسلسل بشكل عام مفيدة

تحياتي لكم

ما زلت عند رأيي ... يا جماعة لا تستعجلوا وتحكموا عالمسلسل من هلق
وبالنهاية لكل واحد الحق يعلق متل ما بدو وكل واحد بشوف القضايا اللي
عم يطرحها المسلسل وطريقة طرحها من منظور مختلف لهيك
أنا بحترم كل الآراء وأنا قلت بموضوع سابق انو المسلسل مهم وجريء
بس ما رح دافع عنو ولا هاجمو لأنو بجوز بأي لحظة غير رأيي فيه
وهادا حسب مجريات المسلسل والحلقات اللي لسه ما انعرضت
بس أكيد بدافع عن انو في طرح جريء لمواضيع موجودة
وهادا شي ذكي من المخرج والمؤلفة ...
وان اختلفنا على معالجتها لتلك المواضيع ...
وبعتقد الحلقة 13 كانت من الحلقات الرائعة
واللي وصلت رسالتين قويتين لملايين الناس وخاصة المسلمين
الرسالة الأولى الهامة جداً:
وهي انو لا يحق لأي مسلم أن يتهم امرأة مسلمة في عرضها وشرفها وبأنها زانية
ولا أن يطالب بإقامة الحد عليها وهو 100 جلدة, إلا وفقط إلا إذا جاء ب 4 شهود
وهالأربع شهود يجب أن يقسموا على كتاب الله أنهم رأوا بأعينهم عملية الزنا
وأما إذا لم يكن هناك 4 شهود فيستحق من يتهم تلك المرأة بالزنا زوراً وبهتاناً
أن يطبق عليه الحد وهو 80 جلدة كما ورد في القرآن الكريم
والرسالة الثانية وهي الأهم :
أنه لا يحق لأحد تطبيق حكم الجلد على كيفو و وقت اللي بدو
يعني يا جماعة نحنا بالنهاية عايشين بسوريا وماننا عايشين بالسعودية ولا باكستان
يعني طالما هناك ولي أمر ويقصد به الحاكم أو الرئيس وطالما في قانون يجب احترامه
فلا يستطيع كل شخص يفتح محكمة على حسابو ويحاكم الناس متل ما بدو.
وعذراً على الاطالة بس الموضوع هام.

انا اختي عم تحضرو
وقالتلي انو المسلسل عم يورجي الفرق بين افئات اللي نتبعة التعصب بالدين ( واللي هو مرفوض بديننا الاسلام)
والفئات اللي متبعة الدين الصحيح

ليش لنهرب من وجود فئات متعصبة
موجودين بكل مجتمع
وهني فئات مرفوضة
ليش ما منشوف انو عم يورجي العالم انو الاسلام دين يسر


بالنهاية الضد لا يظهره الا الضد

نضالو
لما بتجمع كل هال (ملفات) بمسلسل واحد
هاد بيكون هوي التخبيص بعينو

هيك مواضيع خطيره و حساسه ما بتتعالج بهيك طريقه تجاريه
و الله العظيم أنا بحس لما بحضرو إنو المخرج عم يضحك عليي


وجهة نظري....مو أكتر

انا ما تابعت المسلسل
بس المسلسلات حاليا كتير عم تورجينا الواقع لدرجة بحس انو خطأ
مثلا في طرق لسرقة بيعلمو العالم عليها وبيفتحو عيونن على هالشي
ومن ناحية البنات
بيخلو الواحد يشك بحالو او اختو وهيي ببيتها
انا ما بشوف ولا توعية بالنسبة للمسلسلات بالعكس بحسها عكس
وبعدين بشكل عام بيعطو دور المحجبة والمحشومة دور الغبية والمتخلفة
اما الموضة والستايلات هدول عمالقة الادب والتطور
ونجدة انزور مخرج مو اخلاقي ابدا دائما مسلسلاتو فيها نقاط بايخة
ومو سائل غير على المصاري
ومو عجيب نشوف منو هيك شغلات
هاد رأيي

يا جماعة ويا طيبين ان الاعتراض الى الان منصب فقط على العنوان ..واما المضمون فله نصيب عندما ينتهي المسلسل ..فمسلسل وما ملكت ايمانكم ليس فيه ولا واحدة ينطبق عليها وصف ملك اليمين..ملك اليمين نظام اسلامي كان معمول به في فترة سابقة في صدر الاسلام ..يوم كانت المرأة مهانة مبتذلة وتوأد حية وتعمل الفجور بامر سيدها لكسب المال في كل العالم .. عندها جاءالاسلام وحررها ورفعها الى مقام الزوجة واعطاها حقوقها كانسانة..هذه فترة قد مرت..فما علاقة ذلك بالانحرافات والشذوذ والممارسات الخاطئة التي يرويها ويسردها المسلسل..
لا توحد اية علاقة الا لفت النظر والانضمام الى الحملة الشعواء على الاسلام والمسلمين الموجودة في بعض صحف اوربا وامريكا من ان الرسول سلى الله عليه وسلم هو ...او ان القران الكريم هو فقط نساء وحريم..هذا تزوير وافتراء ودس للسم بالدسم..واسهزاء باية من القرءان الكريم
لا يجوز السكوت عنها باي حال من الاحوال..وهذا ليس الا رضوخ لاعداء العرب والاسلام
واسترضاء لهم على جستب ديننا ..ولن يرضوا عنا مهما جلدنا انفسنا..فهل من معتبر..

آية

اقتباس :

الموضة والستايلات هدول عمالقة الادب والتطور

ما بعرف اذا شفتي شخصية رنا الأبيض بالمسلسل و هي غير محجبة و بتلبس عالموضة و بتشتغل بالدعارة

طيب ليش ما اعتبرنا هالشخصية اساءة للغير محجبات ؟؟؟؟؟؟؟؟؟

طلال
ملك اليمين في المسلسل تجد جوابه بالحلقة 13 من المسلسل يلي حكا عنها اسماعيل


تحياتي

وانما الامم الاخلاق مابقيت فان هم ذهبت اخلاقهم ذهبوا
والسؤال هل للاخلاق اية علاقه مع موضوع الدعارة المنزلية عن طريق الانترنت التي اصبحت احد مصادر الدخل في العالم العربي والاسلامي والمتوقع ان تصبح احد اهم مصادر الدخل خلال عشرسنوات قادمة.. وللتوضيح اقول فقد اصبح ميسر بواسطة أي جهاز كومبيوتر ووصلة انترنت علي أي شاب اوفتاة وعن طريق برامج مختلفة الولوج في هذاالعمل- البغاء – الذي هو اقدم مهنة في التاريخ الانساني والذي تطور الان واصبح ميسرا وسهلا بواسطة الانترنت..واذا علمنا ان الحروب والمعابد والقصور والاهرامات كانت على مر التاريخ ولألاف السنين تمول او تبنى من ريع البغاء المنظم على يد الكهنة اوالقياصرة اوالفراعنة وحكام تلك الدول والامبراطوريات وعلي مر العصور..حتى جاءالاسلام العظيم وحر م مهنة البغاء وحرر المرأة وكرمها ونظم شؤونها واعطاها حقوقها الانسانية التي تستحقها..
بعد هذه النبذة المختصرة جدا جدااقول : هل لموضوع البغاء -الدعارة المنزلية اية صلة بموضوع الاخلاق ام لا.. ام ان البغاءالمنزلي هو تقدم وتحرر وتطور علينا ان نباركه ا و ان نغض الطرف عنه علىالاقل..لانه يخص فاعليه فقط.. افيدوني افادكم الله..ولمن يظن انني ابالغ بالموضوع فما عليه الا ان يبحث عن موضوع البغاء اقدم مهنة في التاريخ وموضوع الدعارة المنزلية حاليا عبر الانترنت حتى يجد العجب العجاب
واذا بقينا على هذاالمنوال من المعالجة السطحية والجزئية لموضوع الدعارة ..وخاصة عن طريق الانترنت حيث اصبح الطريق معبدا امام اي فتاة او شاب ليمارس الدعارة ..وليبيع جسمه او جسمها بمبلغ مالي..يا قوم الموضوع جد خطير وما يطرح في المسلسل هو تبسيط للموضوع وتقزيم له والموضوع اخطر بكثير..وفهمكم كفاية

آية المخرج ما اساء لللمحجبة او لغير المحجبة هوي عم يحكي واقع وبشكل موضوعي وكتير واقعي.

نعم انها وجهات نظر مختلفة ..وانا احترم من له جهة نظر مخالفة لي واتمنى ان يكون هوعلى الصواب. فالمهم ان نحاول الوصول الى الحقيقة...والاهم ان نعلم جيدا ان الاختلاف لا يفقد للود قضية ..كما يقال. وشكرا.

هلأ انا ما تابعت المسلسل كلو بصراحة بس شفت كام حلقة انا شايفة وللأسف موضوع الرخص وقصة رخص اللحم والدعارة صار شي كتير عادي بمجتمعنا يعني اذا الواحد ما امتهن هي المهنة بشي (خلينا نفول)رسمي فهو مارسها كام مرة مع كام بنت رخيصة متل بمسلسل تخت شرقي يلي انا برأيي هو المسلسل الوقعي جدا انا بعارض حكيو لحمشو لأنو المسلسل مانو واقعي .بمجتمعنا في ناس دينين ومتحجبين كتار وهنن عايشين حياة عادية يعني ما متل ما عم يفرجونا يعني متل دور سلافة معمار ومصطفى الخاني وفي ناس عايشين حياة متحررة عادية كتير كمان ما متل ما عم يفرجونا يعني دور رنا ابيض انا برأيي المتواضع انو اذا بدهن يصورو الطبقة الدينة بمجتمعنا بصورو العالم المتطرفين بالدين واذا بصورو الطبقية المتحررة الا ما يتطرقو لموضوع الدعارة يعني صرنا متل المسلسلات المصرية يعني ما كل واحد دين وبخاف الله صار بدو ينتسب للأخوان ويخرب الدنيا
هاد رأيي الشخصي :?:

اكيد اكيد لوليتا

مو كل شخص متدين بيكون متل مصطفى الخاني بالدور

و المسلسل عم يناقش عدة محاور يعني ما عم يقول انو الواقع كلو هيك

بس عم يناقش مشاكل فئة معينة و يعرضها للعلن على غير العادة بمسلسلاتنا السورية و هادا الشي يلي ما تقبلو البعض

معك حق بس موضوع الدين موضوع حساس في اختلافات كتيرة بالرأي وبالنادر لحتى
تلاقي عدد كبير متفقين على نفس الشي يعني كيف نجدة انزور كان متوقع انو بكل
بساطة يجي ويطرح هيك موضوع حساس الى ابعد الحدود ويلاقي تأييد كبير
وبدون نقد.يمكن البعض بقولو انو هي شطارة منو أنو يطرح موضوع هلقد معقد
وحساس بس انا برأيي هيدي قمة السذاجة مع احترامي ألو كإنسان