رنا الابيض بمسلسل "ما ملكت ايمانكم"

رنا الأبيض: الممثل السوري يفتقر لصناعة النجم وليس هناك تعريف للدور الجريء
شارك
رفضت الفنانة رنا الأبيض حساسية المشاهدين في سوريا من تناول الدراما لعالم المحجبات مؤكدة أنها تهدف من خلال قبولها أدوار الأغراء الدفاع عن صورة المرأة التي تظهر المرأة على أنها جانية في حين أنها ضحية للرجل

ونقل موقع mbc.net عن الأبيض رأيها في الممثل السوري بشكل عام بأنه يفتقد إلى ما يسمى بـ "صناعة النجم" مشيرة إلى أنه "لا يعرف كيف يصنع لنفسه (البرستيج) المطلوب أو الهالة الإعلامية المناسبة".



واعتبرت الأبيض أن السبب في ذلك هو أن "الممثلين في سوريا ما زالوا يعملون كالأهل مع بعضهم، ولم يصلوا إلى مرحلة المهنية في العمل".



ولفتت الأبيض إلى أن سر تألقها في دور قوادة النساء في المسلسل السوري "ما ملكت أيمانكم" هو رقة صوتها.



وقالت الأبيض إن سر نجاحها في تأدية دور شخصية (غرام) المتاجرة في الرقيق الأبيض وترويج النساء لكبار رجال الأعمال في مسلسل "ما ملكت أيمانكم" يرجع في الأساس إلى رقة الصوت ونظرتها الهادئة.



ووصفت الأبيض دور "غرام" بأنها فتاة تمثل الجسد ولا يعنيها العقل أو الروح، وبأنها اعتمدت في إيصال هذه الرسالة على هدوء النظرة ورقة الصوت.



ويذكر أن مسلسل ما ملكت أيمانكم دراما اجتماعية من إخراج نجدت أنزور وتأليف هالة دياب، ويعتمد كما تقول رنا على 3 أسس هي العقل والروح والجسد ويتطرق إلى قضايا التطرف الديني والمتاجرة بالرقيق الأبيض.



وعلى صعيد آخر قالت رنا الأبيض "ليس هناك تعريف محدد للدور الجريء، فكل شخص له معياره الخاص للأمور، فالبعض يرى أن الجرأة تكون بالكلام والبعض الآخر بالعري، وأحيانًا يكون بالحركات المبالغ بها".



وأضافت الأبيض "أخذت على عاتقي قبول الأدوار التي توصف بالجريئة أو الإغرائية أحياناً بسبب قناعتي المطلقة بأن المرأة مظلومة في مجتمعنا العربي، ولأني أشعر بالحزن على المرأة بكل حالاتها".



وأوضحت الأبيض أن "الأدوار الجريئة التي هي تجسيد لما يحدث في المجتمع تشوه صور المرأة وتظهرها على أنها شيطان، في حين أنها في الحقيقة ضحية للرجل ولاستغلاله لها، مشيرة إلى أنها تؤدي مثل هذه الأدوار دون عري أو خدش للحياء".



وفي سياق آخر رفضت الأبيض ما يسمى حساسية المشاهدين في سوريا من تناول الدراما لعالم المحجبات، "المشاهد السوري أصبح يتقبل كل شيء في الدراما، لكن بمجرد الاقتراب من موضوع الحجاب أو الفتاة المحجبة التي تعاني من كبت أو عقدة ما، هنا يكون الآمر كالقنبلة".



وأشارت الأبيض إلى أنه "يجب ألا نخاف على الفتاة المحجبة فقط، بل على كل فتيات المجتمع، وخاصة وأن هناك المحجبات مع الجينز الضيق والمكياج الكامل، وهذا من وجهة نظري ليس حجابا".



ويذكر أن رنا الأبيض ممثلة سورية ولدت في دمشق 1975 شاركت بالعديد من المسلسلات والأعمال الفنية في سوريا وعرفت عبر عدد من الأدوار، إضافة لمشاركتها في أعمال فنية عربية في الإمارات والكويت والأردن والبحرين وحصلت على الجائزة الذهبية كأفضل ممثلة في مهرجان القاهرة، عن دورها في فيلم (غراميات نجلاء)من إخراج نبيل المالح.



سيريانيوز


All rights reserved © Syria-news.com 2100
Powerd By:Syria news IT

اقتباس :

المشاهد السوري أصبح يتقبل كل شيء في الدراما، لكن بمجرد الاقتراب من موضوع الحجاب أو الفتاة المحجبة التي تعاني من كبت أو عقدة ما، هنا يكون الآمر كالقنبلة".

كلام صحيح و هذا ما يثير الاستغراب

انا حابة قول كام كلمة بس اذا حكيتن يمكن نضل كام سنة عم اتجادل معك
لهيك ما رح احكي

لول اذا عم تحكيني الي

فهادا انا يلي عاليمين

اااااااااااااااااااااه قصدك هيدا

لا قصدي هادا

او

او

له يا ابو النضل
يلاااااااااااااااااااا يتمون يا غالي

و الله انتي الغالية و لو ما بعرف انو قلبك ابيض ما بسترجي كون عاليمين

والله احلى نضالو بالعااااااااااااااااالم

:##: :##: :##:

تصبحو على خير رايحة نام وادعولي بكرا عندي مادة

وشكرا جوانا وآسفين حكينا كتير ما تعصبي مننا

و انتي من اهلو

و موفقة نشالله بمادة بكرا

والله فهمانة

ما عندي مشكلة بكل اللي قالتو رنا الأبيض وكلامها حلو
بس في تعليق بسيط يمكن ما ع كلامها بالتحديد بس ع فكرة هي قالتها وعلق نضالو عليها ...
انو الفتاة المحجبة برأيي هي متلها متل أي فتاة أخرى يعني قد يكون عندها عقد أو شيء من الكبت كما وقد يكون عندها أيضاً شيء من الحرية والانفتاح الذي لا تتمتع به فتاة أخرى غير محجبة ....
يعني هون ما في معيار محدد وما في تعميم ؟؟؟
بس المشكلة والقنبلة اللي حكيت عنها رنا هي ما بقصة التعرض للمحجبة أو ما تعانيه من كبت مفترض , وانما المشكلة تبدأ عندما يتم التصوير والإيحاء بأن تلك العقد وحالة الكبت هي نتيجة للحجاب ؟؟؟؟ ( سواء عن قصد أو غير قصد )
يعني أحياناً وبنية طيبة أو غير ذلك , يظهر لنا المسلسل المذكور, واللي أنا كنت أول من دعا لمشاهدتو وما زلت , بأنو لما المحجبة خلعت حجابها يا لطيف شو صار يعني أبواب الدنيا انفتحتلها و صارت تتنفس و صارت تفوت وتطلع وصارت Free وما بعرف شو ؟؟؟
وكأنو الحجاب هو المشكلة وهو العائق أو كأنو الحل بأن تخلعي الحجاب أيتها المحجبة لحتى تعيشي بسعادة وحرية ؟؟؟؟؟
و هون بضيع المشاهد عن الفكرة الأساسية وهي انو المشكلة كانت ب شخصية "توفيق" وطريقة معاملتو السيئة لأخته المحجبة وانو هو اللي كان كاتم على نفسها وليس حجابها ...
وانو لما عاشت سعيدة وشمت ريحة ربها متل ما بقولوا , كان لأنو تزوجت من شخص متفهم وحنون ومسلم حقيقي أكرمها وأعطاها حقوقها , وليس لأنها خلعت الحجاب ؟؟؟
ونقطة تانية سبق وحكيت عنها وهي انو شو الفائدة أو شو المغزى الاصلاحي والتوجيهي من انو نعرض شخصية متل "الآنسة هاجر" واللي عم تلعب دور أنسة دين (بغض النظر عن موقفي من أسلوبها وطريقتها ) انها سحاقية أو شاذة جنسياً ؟؟؟؟؟
يعني والله في 100 ألف اشارة استفهام حول هالنقطة وما حدا يقلي نموذج وموجود بالمجتمع , لأنو اذا كان موجود طيب قديش نسبته 1 % أو أقل , يعني حدا يقلي كام أنسة ديانة شاذة في سورية ؟؟؟؟؟؟؟؟؟؟؟؟؟؟؟؟؟؟؟؟؟؟؟ بعتقد الجواب واضح
وهون بعتقد المسلسل عمل جرعة جرأة مصطنعة وزايدة عن حدها ...
الخلاصة ولحتى أختم يا جماعة الخير ... انو أنا أكيد مع طرح كل حالة بتخص الفتاة المحجبة لأنو نسبة المحجبات بسوريا كبيرة وهون ما عم أحكي بس عن اللادقية عم أحكي بكل المحافظات وبالتالي لازم مشاكلن وآراءهم تنطرح بالدراما ,
ولكن للأسف أنو أغلب الأدوار اللي شفتها انطرحت للمحجبات كانت بتحكي يا إما عن وحدة مقهورة أو مقموعة أو معقدة أو ما مسموح الها تحكي وتعطي رأيها أو ست بيت عم تجلي وتمسح وتطبخ وبس ؟؟؟؟
يعني بعتقد في ظلم ومغالطة لما منصوّر المحجبات حصراً بهالأدوار.
ملاحظة
هادا مجرد رأيي الخاص ولا ألزم به أحد , وأحترم آراءكم جميعاً .
مع التحية والشكر لصاحبة الموضوع

اسماعيل

اقتباس :

بأنو لما المحجبة خلعت حجابها يا لطيف شو صار يعني أبواب الدنيا انفتحتلها و صارت تتنفس و صارت تفوت وتطلع وصارت Free وما بعرف شو ؟؟؟
وكأنو الحجاب هو المشكلة وهو العائق أو كأنو الحل بأن تخلعي الحجاب أيتها المحجبة لحتى تعيشي بسعادة وحرية ؟؟؟؟؟

تمام انك وضحت الفكرة الصحيحة بعد هالكلام و هي انو توفيق السبب و ليس الحجاب و هون بقا الفرق والاختلاف بالتفكير و فهم العمل من انسان الى آخر

اقتباس :

شو الفائدة أو شو المغزى الاصلاحي والتوجيهي من انو نعرض شخصية متل "الآنسة هاجر" واللي عم تلعب دور أنسة دين (بغض النظر عن موقفي من أسلوبها وطريقتها ) انها سحاقية أو شاذة جنسياً ؟؟؟؟؟

اسماعيل الآنسة هاجر ما كانت سحاقية ابدا و ما تصورت على هالاساس بل كان فيه تلميذة عندها حست بهيك احساس و الآنسة هاجر صدتها فورا

و الأمر الىخر هو انو الآنسة هاجر تمثل ما يعرف بالقبيسيات و سبق تناقشنا شوي بموضوعهن و بطرائقهن الخاطئة بتعليم الدين للفتيات و هي هيي الفكرة اظهار حقيقة هؤلاء

شكراً نضالو الغالي عالتعقيب بس أنا مصر ع قصة الآنسة هاجر
وإذا بتحضر الحلقتين 20 و 22 تحديداً بتلاحظ من نظرات وكلام الأنسة هاجر
الشي اللي عم قولو وخاصة لما بتسألها التلميذة انو حاسة عندك سر يا آنستي
قليلي وانا مستعدة أسمعلك ...... وهي في شي بنظراتها وحركاتها ما طبيعي
وطبعاً منيح اللي ما حاطين هالشي صراحةً وجهاراً ومخليانو مستتر نوعاً ما
وبالنهاية ممكن كون غلطان و عموماً المسلسل عم ينعرض والكل رح يحضرو 

لا لا اسماعيل الىنسة هاجر هيي يلي قالتلا لتلميذتها هيك و هديك قالت بصراحة انها هيكي و الىنسة هاجر بهدليتا

على كلن المسلسل حلو

اقتباس :

ولكن للأسف أنو أغلب الأدوار اللي شفتها انطرحت للمحجبات كانت بتحكي يا إما عن وحدة مقهورة أو مقموعة أو معقدة أو ما مسموح الها تحكي وتعطي رأيها أو ست بيت عم تجلي وتمسح وتطبخ وبس ؟؟؟؟

ينصر دينك
ريحتني من الحكي
بس نسيت شغلة انو بكل المسلسلات وقت بكون في وحدة محجبة اما بتكون لفاية أو فقيرة كتيييييييييييير او حيانا تعيسة كتيييييييييييييير يعني بولا مسلسل ما بتشوف مثلا انو في عيلة راقية غنية وهي بنفس الوقت فيها محجبات انا كتير بنتبه على هي القصة
وشكرا

لوليتا

اقتباس :

بولا مسلسل ما بتشوف مثلا انو في عيلة راقية غنية وهي بنفس الوقت فيها محجبات

مبلا في كتير

متل ؟؟؟؟؟؟

في كتير منهن مثلا , مسلسل الراقية المحجبة , و مسلسل المحجبة الغنية و و و و و و و و و و و و و اذا بدي عد ما بخلص لبكرا

كتير صار عندي فضول أحضر هالمسلسل بس حدا بيعرف وين عم ينعرض هلق إذا كان عم ينعرض؟؟ وشكرا عالموضوع

اي يارا عم ينعرض عأبو صبي قصدي ابو ظبي يمكن الساعة 9 بس مو متأكد من الوقت