كيف بتعرف انو المسلسل يلي عم تشوفه من إخراج يوسف رزق

كيف بتعرف انو المسلسل يلي عم تشوفه من إخراج يوسف رزق

كيف بتعرف انو المسلسل يلي عم تشوفه من إخراج يوسف رزق مخرج مسلسل حاجز الصمت وأسياد المال وحديثاً الخط الأحمر وغيرهم
1 بكون المسلسل من تأليف هاني السعدي
2 وتكون كلمات الشارة والموسيقا التصويرية لإيهاب مرادي
3 وكمان يكون مغني الشارة جان خليل
4 ويكونو الأغناي يلي بيطلعو خلال الحلقة فيهن تاري وناري
5 تكون الموسيقا التصويرية من مسلسلات سابق
6 يكون في ظعويط صراخ وسلخ كفوف وقواص بالروسيات أثناء الشارة وكلمة خراس وتفو عليك كتير ضرورية
7 استخدام الجيمي جيب (نوع من أنواع الكاميرات شكلها بيشبه الرافعة)في كل لقطة من المسلسل ويفوت المخرج المصور غصبن عنه من برنده ويطالعه من التانية ويدخل من بين رجلين هاد ليطلع من تحت باط هداك
8 تكرار الممثلين في كل المسلسلات يعني ميلاد يوسف وزوجة المخرج إمارات رزق قول هادا الشي عادي بس انو بحاجز الصمت يموت ليث المفتي (بدور رامي)بالإيدز ليرجع يعيش بالجزء التاني (بدور ربيع)وبإيدز مرة تانية هي ما فاتت بعقلي يا أخي الزلمة محكوم يموت بالإيدز بكل الأجزاء ولا عبد الفتاح مزين بكون جاسوس (أبو شفيق)بالجزء الاول وبينحبس وبالجزء التاني بيطلع من الحبس وبيصير كاظم وكمان بموت شتق التاني يعني قلة ممثلين بسوريا غير ليث وعبد
9 وجود النجم الطفل سليمان رزق هاد بإيدز بالخط الأحمر
10 وجود ألقاب للمثلين في الشارة بشكل كبيييييييير مثل الفنان الأنيق سليم كلاس و الفنان المشاكس قاسم ملحو
وأخيرا كل الأبطال بإيدزو وبيموتو حتى الباحثة الاجتماعية ومديرة المصج وما عد يصفى ولا شخصية عايشة بالمسلسل

يرجى المعذرة من الإستاذ يوسف رزق

هلا والله سيرجي

هههههههههه بس انا بيعجبني شغلو

حمشو شكرا ع مرورك

ابو الريم

شكرا وااا حبيب القلب

أهلين بالغالي نضال

ههههههههههههههههههههههههههههههههه
كلامك كلو صح
شكرا ابو الريم

بس الزلمة ناجح شو بدنا فيه

لأنوناجح حبيت احكي عنو وانا بحبو وبحب إمارات رزق كتيييييييييييييييييييييييييييير

العمة بعيونو لهالمخرج ما بطيقوا

احلى ابو الريم

له له يا دارك ليش؟

» كيف بتعرف الام عروس ابنها ؟؟؟
» من يستطيع إخراج الدجاجة من الزجاجة ؟؟؟
» إخراج شكسبير من قبره لدراسة سلوكه ...........
» إخراج تامر حسني من ميدان التحرير
» أحلام مستغانمي تستبعد نجدت أنزور من إخراج " ذاكرة الجسد 2" وتتفق مع حاتم علي