مسلسل حمدان و زهران

شخصيات المسلسل:
شهله:بنت اموورة وذكية ومسمسمة ومايعة وحلوة وكل شي
حمدان:شاب متكتك ولزيـــز والبنات بلفو وراه خريج جامعي وبيشتغل بالمدينة
زهران:اخو حمدان بس مش متكتك وعصبي وعقله نزق ومش شايف حدا قدامه ولا وراه واللي بيقرب بيلعن أبوه
ابو حمدان:مبينة بيكون ابووه لحمدان !!!!
ام حمدان:أكيد أمه لحمدان .. ولا شو يعني ؟ جارتهم ؟
صبحية:هاي صبحية شبه المزهرية .. وغيوورة وبتلف ورا حمدان الشاب المتكتك ... وبتموت في ربه
خيريه:صاحبة صبحية .. مبينة ما بدها ذكا .. خيرية أكيد بدها تكون صاحبة صبحية
الكونترول: كمان ما بدها ذكا .. هادا باص القرية المدينة وبالعكس
وضحة: مين وضحة ؟! هاي مش عنا بالمسلسل


---------------------------------------------------
-المشهد الأول: شهلة راجعه من الجامعه .. و زهران بيستناها عند اللفة



زهران: أخيرا ... أجت .. إيش يا حلو ؟! حن علينا بنظرة
شهله: عمى !!! تعرف انك واحد أليل الأدب .. شو هالعالم؟؟؟؟
زهران: امووت بدباديبك انا ... في مجال لعلاقة وبعدين نحب ؟
شهله: عن جد انك ما بتستحي !! يا عمي ما في وراك غيري !! حل عني يا ....(املأ الفراغ بالكلمة المناسبة) والله رح احكي للبابا خليه يموتك
زهران: أي بلا بابا بلا ماما .. أنا بحبك .. يعني عشان اني مش متعلم صرت ما بانفع ..
اي والله والله والله نص بنات الضيعة بحبوني .. ولا شو مفكرة أنا ماني قليل
--------------------------------------------------
فاصل دعائي:
محلات ابو العبد للخردة
اللي عنده غسالااااااااااااااااات .. ثلاجاااااااااااااااااااااات .. خلاطااااااااااااااااااااااااااااااات
خرررررررررررربانه للبييييييييييييييييييييييييييييييع
ملاحظة: على استعداد تام لتوصيل البضائع إلى المنازل
موبايل: 09999876543210
ارضي: 0419876543210
-------------------------------------------------

-المشهد الثاني:شهله رايحة على الجامعه الصبح بكير .. وحمدان مطقم ورايح على الشغل بالمدينة



شهلة: هاي .. مش انتا حمدان ابن جيراننا ؟
حمدان: اهلا .. اي انا حمدان .. مش انتي شهلة بنت جيراننا ؟
شهله: اي انا شهله.. (شهلة خدها صار أحمر)....شو هالصدفة الحلوة
حمدان: يا عالسنين كيف بمررو بسرعه .. مبارح كنتي عم تنطي بالحارة.... بس ماشاء الله صايرة اموورة والله يا شهلة وكبرتي واتلفلفتي فجأة
شهله: يي .. خجلتني يا حمدان .. بس والله انت شب ذكي و مرتب
الكونترول: يللللاه يللللاه تعا تعا تعا .. آخررررررررر راكب عالمدينة
حمدان: شهله انا بدي اقلك شي مهم .. بس بس بس بصراحة مستحي
شهله: لا لا عادي يا حمدان خد راحتك تيــك إت إيزي ..
حمدان: شهله انا بحبك
شهله: وانا كمان بحبك
حمدان : باقدر آجي واطلب ايدك ؟! ولا لأ؟
شهله: أكيد بتأدر
حمدان: يسعد الله ... أوكي هلف بارجع عالبيت وببلغ اهلي... يا كونترول .. وقف وقف وقف .. بدي انزل .. نزل نزل
الكونترول: طيب يا ابو الشباب على مهلك !! شوي شوي علينا .. وين أجارك ؟
حمدان: هاي أجاري وأجار البنت اللي قاعده ورا .. ودير بالك لا يقعد شب جنبها
-------------------------------------------


-المشهد الثالث: حمدان طاير من الفرحة .. وبدو يبلغ اهله انه قرر يخطب واخووه زهران قاعد ومعصب ومجهز المووووووس


حمدان: بابا انا بدي قلك شي مهم
ابو حمدان: قووول بابا .. اتفضل
حمدان: بابا انا قررت اخطب
ام حمدان: لولو لولو لولو ليــــــــــــــــش .. والله وكبروا ولادك يا ام حمدان
ابو حمدان: اخيرا يا بابا قررت .. هلق باقدر موت وانا مرتاح
ومين هاي سعيدة الحظ ؟
ام حمدان: هادي البنت أكيد أمها داعيتلها
حمدان: شهله بنت جيراننا
زهران: وقفففففففففففففففففففففففف لهون وبس .. أنا بحب شهله واللي بدو ياخدها مني بقطعه وبلعن أبوه حتى لو كنت انت يا حمدان
ابو حمدان: إخرس يا كلب.... الله يلعنك .. ولك انتا واحد قليل أدب .. ولك هيك بتحكي مع أخوك الكبير ؟! تفي عليك وعلى تربايتك
زهران: بس انا بحبها
حمدان: بس هي بتحبني انا
ابو حمدان: خلص بناخد منهم موعد وبنروح بنخطبها الك .. حط ايديك ورجليك بميه باردة يا حمدان
--------------------------------------------

-المشهد الرابع: كل القرية مجتمعين قدام دار ابو حمدان مشان يشاركو بالفرحة ولابسين أواعي العيد ... وزهران قاعد ومتخبي ورا الشجرة وبراقب الوضع


حمدان: معقول نحنا صرنا لبعض هلق يا شهله ؟! انا مش مصدق حالي أقرصيني يا روحي
شهله:عيب حبيبي ...هلأ بشوفونا ... متذكر لما كنا بالباص يا حمدان وانتا أمت على توول ودفعت الاجار وارجعت على الأرية؟
حمدان: هاهاها ذكرتيني والله .. يضرب الحب بس
ام حمدان: أوييييييييييييييييييييييييها وزوجنا حمدان لشهله
أويييييييييييييييييها وشو هالكسم يا شهله مثل النخله
أوييييييييييييييييييييها وحمدان بالقرية ما في مثله انســــــان
لولو لولو لولو لييييييييييييييييييييييييييييييييييييييييييييييييي ييييش
--------------------------------------------



-المشهد الخامس: صبحية وخيرية قاعدين بنموا على العروس شهلة وغيرانين منها-


صبحية: العمى .. هلق هادي مثل النخلة ؟! أي لو عطست رح يضرب راسها بالارض
خيرية: اي والله صادقة .. والله انتي احلى من أمها
صبحيه: لك انا يطنشني مشان هالقردة هاي؟
خيرية: اي والله شبه القردة تماما
صبحية: هلق هاي حلوة ؟
خيرية: شوفي اذا بدك الصحيح .. هي حلوة .. بس مش كتير .. انتي احلى
صبحية: أكيد انا أحلى .. ماأحلاكي وانتي قايله غير هيك

-----------------------------------------------

-المشهد السادس: زهران حامل مسدس وامبحلق عيونه وبدو ينتهز اي فرصة -


زهران(بيحكي مع حاله): ايواااااااا قرب قرب جاي .. والله لحط الرصاصة بين عيونك .. كيف تاخد حبيبتي مني؟
ايوا ايوا وقف عندك .. 1 2 2 طخ .. .. يسعد الله صبته .. خلليني أفل
شهله: حمدان حبيبي .. أتلوووك !!! لا لا لا مستحيل مستحيل حمدان .. انا بحبك يا حمدان لا تروح وتتركني هيك
حمدان( وهو قاعد بنازع) : شهله .. انا بحبك يا شهله ..إسمعي... زهران هو اللي قتلني .. روحوا دوروا عليه
ابو حمدان: انا لله وانا اليه راجعون
ام حمدان: ماما يا حبيبي يا حمدان .. يا زينة القرية انتا .. قتلوك؟



<النهاية>
-The End-



قبض على زهران متخبي عند المقبرة وحكم عليه بالسجن المؤبد
أبو حمدان اتزوج خيرية .. ضرة على أم حمدان
أم حمدان انتحرت عشان أبو حمدان اخد عليها ضرة
زهران طلع براءة
انتحرت صبحية قد ما كانت تحب حمدان


والعمر إلكوووووووووووو