القبلات العلنية في"شوارع العشاق" تثير "حفيظة" السوريين

اعتاد العشاق وأصحاب الهوى من الشباب السوري على التلاقي في شوارع وأماكن محددة حملت أسماء عشقهم، من شارع "الستة إلا ربع" في دير الزور شمال شرق سوريا، إلى شوارع العشاق في حماة ودمشق (باب توما) ومدن سورية أخرى، يُضاف إليها حديثا "كورنيش" البحر في طرطوس الذي ندد نشطاء في الحقل العام بتحوله إلى مكان "للقبل والأحضان وافتراش الأرض"، معتبرين أنه يخل بالآداب العامة في مكان من أبرز المناطق السياحية السورية.

وبينما حذّر داعية إسلامي سوري من "شوارع العشاق" منددا بما يجري على كورنيش مدينة طرطوس الساحلية لأنه "أدنى درجات الزنا"، رأى كاتب وناشط سوري بارز أن شوارع العشاق ظاهرة صحية وقديمة في سوريا واعتبر أن قصص الحب لا تحتاج إلى شرطة آداب.

قبل وأحضان
وفي سياق قضية "شوارع العشاق" بسوريا، أثار تقرير نُشر في مدينة طرطوس السورية اهتماما واسعا من قبل السوريين، بين مؤيد ومعارض لما اعتبره التقرير "قبل وأحضان" على "كورنيش" طرطوس وقد تساءل واضعوه هل هي حرية أم انتهاك للآداب العامة؟
وجاء التقرير في شبكة إخبارية محلية على الانترنت بطرطوس، هي "النزاهة نيوز" النسخة الجديدة من موقع "النزاهة" المحجوب أصلا في سوريا.

وقال التقرير "بعد تجديد الكورنيش البحري لمدينة طرطوس، وافتتاح عدة كليات جامعية فيها، ووفود طلاب من مختلف المحافظات عليها، تحولت الأرصفة الحجرية الممتدة داخل البحر، إلى ملتقى للشباب والشابات حيث يتوزعون بشكل ثنائي ويمارسون طقوس الحب على مرأى الناظرين دون خجل أو وجل".

يضيف "في وسط المشهد، شاب يحتضن فتاته التي يبدو من لباسها المدرسي أنها لم تبلغ السن القانونية فهي على الأرجح في الصف الأول الثانوي، وعلى مقربة منهما ثنائي آخر يتبادلان القبل واللافت في هذا الثنائي هو الحجاب الذي كانت ترتديه الفتاة، وهناك على زاوية الرصيف وفي أبعد نقطة منه يوجد ثنائي آخر يبدو أن الأمور بينهما وصلت إلى نقطة اللاعودة".

ما لم ينشر !
وفي اتصال مع "العربية.نت"، أكد أحد المشرفين على الشبكة الإخبارية المحلية- وقد فضل عدم نشر اسمه- أنهم لم ينشروا كل الوقائع الساخنة التي وصلت إلى حد "افتراش الأرض".

وقال "أكثر ما يثير الاستغراب في التاسعة صباحا، وجود أعداد كبيرة، حيث يوجد أكثر من30 زوجا من العشاق على الأرصفة البحرية الجديدة في الكورنيش، وتحصل القبل واللمس والمناظر الجريئة".

وأضاف "الجديد في هذه القضية هو أنها ظاهرة علنية إضافة إلى الجرأة حيث يقومون بكل شيئ دون خجل وخوف".

ونصت المواد 517 و 518 من قانون العقوبات السوري على عقوبات صارمة على من يتعرض للآداب العامة بطريقة علنية، والعقوبات تتراوح بين الحبس من 3 اشهر إلى 3 سنوات اذا حصلت في محل عام أو مكان مباح للجمهور أو معرض للأنظار، وأما من ارتكب بقاصر لم يكمل 15 من عمره فعلا منافيا للحشمة أو حمله على ارتكابه عوقب بالاشغال الشاقة لتسع سنوات"....
وقال المحامي السوري "القانون تشدد مع هذه الأمور ومع ذلك نتفاجأ أن يحصل هذا"، مطالبا المدارس بالتشدد بموضوع تسرب الطالبات.

أدنى درجات الزنا
وفيما كان صدى هذه القضية يتردد في طرطوس الساحلية ومدن أخرى، خرج داعية من مدينة حلب محذرا من شارع العشاق فيها.

وقال الشيخ الشاب وأحد الدعاة في حلب عبد الجليل السعيد للعربية.نت: في حلب يوجد طريق العشاق في المنطقة الغربية أي المنطقة الراقية والمخملية، وفيه يجتمع بعض الجامعيين، كما يأتي إليه العشاق يوم الجمعة، وتصطف فيه السيارات على اليمين واليسار حيث يكون كل شخص مع صديقته".

وأكد أن هذا الشارع لا تحصل فيه أمور فاضحة بعد ولم تفح رائحته بعد- على حد تعبيره- إلا أنه حذر من أن يحصل فيه كما حصل في كورنيش طرطوس.

ورأى الشيخ (عبدا لجليل السعيد) إن القاسم المشترك بين شوارع العشاق المنتشرة في سوريا هو الإخلال بالآداب العامة وهو أمر مدان من السوريين
ووصف الشيخ (السعيد)- إمام جامع المغفرة بحلب- أن ما يحصل في طرطوس أنه "أدنى درجات الزنا لأن الرسول قال إن العين تزني وزناها النظر واليد تزني وزناها اللمس".

واعتبر أن ما يجري هو "مجاهرة بالمعاصي.. وهذا من علامات فشل الأمة أن يظهر المنكر ولا أحد يستغرب منه"، مرجعا ما يجري للبرامج الخلاعية في تلفزيون القواع وبعض الدراما السورية.

"ظاهرة صحية"
من جهته، انتقد الكاتب "بسام القاضي" مدير مرصد "نساء سوريا" غير الحكومي، الحديث عن كورنيش طرطوس بهذا الشكل، معتبرا أن ما يجري هو ظاهرة حب صحية.

وقال للعربية.نت "هناك شوارع في مختلف المدن السورية تحمل اسم العشاق، وفي مدينة ودير الزور شارع (الستة إلا ربع) أي موعد العشاق يبدأ في ذلك الوقت، وهي شوارع يجتمع فيها العشاق بدون أي لقاءات جسدية.

وأضاف "بسام القاضي":
"لقاءات العشاق قديمة ودائما يجدون المكان المناسب لهم بصرف النظر عن البيئة المحيطة، حتى في الريف السوري نجد (الدرب) حيث العشاق يحفرون اسماءهم ويرسمون القلوب".

ولم يخف ((بسام القاضي)) استغلال هذه اللقاءات الغرامية بشكل سيئ من قبل البعض في بعض الأحيان إلا أنه أمر هامشي، كما يقول:
"وما تبقى هو ظاهرة صحية حيث يلتقي الشباب للتعبير عن مشاعرهم بشكل عميق، وهذا أمر صحي إذ لا يمكن أن يحصل الارتباط دون معرفة كما يحصل في دول أخرى".

وقال "إذا كان القصد بموضوع الأحضان في كورنيش طرطوس هو وضع اليد على الكتف فأنا مع هذا الأمر"..
مشيرا إلى أن البنات اللواتي يتواجدن لسن فقط من المدارس وإنما من مختلف الفئات العمرية حيث يحتجن إلى مكان للقاء الحبيب.

وتابع:
"الساحل مكشوف لكل الناس لذلك هم لا يعملون شيئ خارج الإطار العام، وأعتقد أن الشرطة ليست حلا لهذه القصة لأنها تتعلق بعواطف البشر..."...

منقول ................

أؤيد فكرة الكاتب بسام القاضي طبعا دون الاخلال بالآداب العامة

و الموضوع مهم جدا

و مشكور gitanes

nedalo lol!

بصراحة الموضوع ساخن و حلو جدا .... بس المشكلة انو هالشعب مكبوت جنسيا متل ما كلنا منعرف لهك حقون يعملوا هك شي
بس بالمقابل هك شي ممكن اذا ما ترسم بحدود معينة يصير خارج عن نطاق السيطرة ويسوي مشاكل ما حدا حاسب الها حساب ولهك ما حقون يعملوا هك اشيا بهك محلات

ورأيي الشخصي انا ما كتير مهم بس حبيت علق و قول انو الوجهين غلط..

برأيي عيب كتير
والداعية الإسلامي موقفو أقرب للوضع الصحي
يعني صحيح كلمة( زنا) مبالغ فيا
بس العلاقة بين الشب والبنت مولازم توصل لهي الحدود
يعني بكفي يطلعو مشوار ويحكو
أما قبل بالشارع ؟
مصيبة
وبصراحة بس نتساهل بهيك شي ، كل شي تاني رح يصير عادي
مشكلتنا أنو بعيدين عن الدين

بمانو متل ما قال ابو خالد انو نحن صرنا بعاد عن الدين لهيك اجا دور القانون .. صحي القانون شديد ..بس تطبيق القانون هو اللي مانو شديد ..بقا شو استفدنا؟؟ القبلات العلنية في"شوارع العشاق" تثير "حفيظة" السوريين 508410

القبلات العلنية في"شوارع العشاق" تثير "حفيظة" السوريين 508410

وانا مع
boss

يعني ما صار الا و نكشتو الموضوع تاني مرة

خيو ابو خالد

خلينا نبعد عن الدين شوي و نتناقش
فكرة تحريم العلاقة الجنسية الغير شرعية بغض النظر عن حكم الدين عليها هي بالمنطق و العقل خاطئة يعني المجتمع يلي بتسود فيه هيك شغلات بيصير متل الغابة و ما بقا حدا بيعرف مين ابوه و بتنتشر الامراض الجسدية و النفسية و غيرا و غيراتا فلذلك برأيي لازم فكرة التحريم تنطرح بطريقة اخرى غير الطريقة يلي ربينا عليها الا و هي عدم التفكير و المناقشة في ما يراه الدين يعني كل شي بالدين لازم ينحفظ غيبا و بدون تفكير في الاسباب و النتائج لأي مشكلة و هادا غلط

و حضرتك عم تقول انو نحنا بعيدين عن الدين بس بحب قللك انو الدين و العقل متكاملان و اذا ماكان عند البعض اطلاع ديني فهي مشكلتو ولكن بامكانو تحكيم العقل بهيك امور و اذا ما كان قادر يحكم عن طريق العقل و وقف متل موقفك فهو حافظ دينو عن ظهر قلب بدون تفكير و كمان هالشي غلط

وطبعا كل هالحكي يلي عم قلك ياه بيأدي لشيء واحد الا وهو : ليس الدين هو اللي بيحكم بهالامر بل العقل فلهيك بامكانك تقول مشكلتنا انو ما بقا في تفكير سليم

lol!

ل لأسف يا خيي النضال
مندخل الدين بكل شي وانا معك100%

شكرا لتضامنك حمشو

سورية بلد الحريات .... لذلك كل واحد حر بحالو وبيعمل يلي بناسبو ومابصير أبدا نفرض رأينا عالغير.
وأحلى قبلة أخوية للجميع

مسا معطر بالورد و الحب
اولا مشكور اخي كتير عالموضوع و مشكور اكتر عموضوعيتك بالطرح و عرض كافة وجهات النظر
انا و عم اقرأ المقال كان في عندي حكي كتير بدي اكتبو بس لما لمست الكيبورد حسيت انو ما لازم اكتب غير شغلة وحدة
( الحرية كلمة واحدة مجردة غير قابلة للتجزئة ولا للنسبية )
و شكرا

nedalo كتب:: يعني ما صار الا و نكشتو الموضوع تاني مرة

خيو ابو خالد

خلينا نبعد عن الدين شوي و نتناقش
فكرة تحريم العلاقة الجنسية الغير شرعية بغض النظر عن حكم الدين عليها هي بالمنطق و العقل خاطئة يعني المجتمع يلي بتسود فيه هيك شغلات بيصير متل الغابة و ما بقا حدا بيعرف مين ابوه و بتنتشر الامراض الجسدية و النفسية و غيرا و غيراتا فلذلك برأيي لازم فكرة التحريم تنطرح بطريقة اخرى غير الطريقة يلي ربينا عليها الا و هي عدم التفكير و المناقشة في ما يراه الدين يعني كل شي بالدين لازم ينحفظ غيبا و بدون تفكير في الاسباب و النتائج لأي مشكلة و هادا غلط

و حضرتك عم تقول انو نحنا بعيدين عن الدين بس بحب قللك انو الدين و العقل متكاملان و اذا ماكان عند البعض اطلاع ديني فهي مشكلتو ولكن بامكانو تحكيم العقل بهيك امور و اذا ما كان قادر يحكم عن طريق العقل و وقف متل موقفك فهو حافظ دينو عن ظهر قلب بدون تفكير و كمان هالشي غلط

وطبعا كل هالحكي يلي عم قلك ياه بيأدي لشيء واحد الا وهو : ليس الدين هو اللي بيحكم بهالامر بل العقل فلهيك بامكانك تقول مشكلتنا انو ما بقا في تفكير سليم

طبعاً منتناقش نضالو
بس بصراحة اتهمتني بشي مانو صحيح
يعني أنا كتبت سطر واحد قلت في أنو نحنا (كمجتمع)بعيدين عن الدين ، رح قلتلي أنو أنا ضد العقل
كيف عمتحكم غيباً ؟

HMSHO كتب:: ل لأسف يا خيي النضال
مندخل الدين بكل شي وانا معك100%

حمشو
يا منكون مسلمين يا أما لأ
يعني ناخد نص الدين ونص أفكار أمريكية ما بتزبط
أنا مع تدخيل الدين بكل شي
الدين منزّل
بس بالأول بدنا ندرسو مزبوط ونفهمو
وهادا يلي عمقولو

ابو خالد

انا ما اتهمتك الك و لا قلت انك ضد العقل بس قلت عالناس يلي بتحفظ الدين بدون اي رجوع للعقل و انا ما قصدتك الك ابدا و لو بقصدك الك كنت حكيتك بصراحة اكبر

تحياتي lol!

صراحة شباب أنا ما شايف فصل بين انو نكون متدينين وبين انو نستخدم العقل
بالعكس الدين والله سبحانه وتعالى أمرنا بالتفكر والتأمل والتحليل .....
واذا في شغلة غلط من وجهة نظر الدين ومن وجهة نظر العقل سوا
ليش لحتى ما نقول انو الدين والعقل بيرفضوها .... وين المشكلة بذكر النقطتين ؟؟؟
وصراحة بعض عاداتنا وتقاليدنا وطريقتنا بتقليد آبائنا وأجدادنا بطريقة عمياء
بتعطي فكرة للبعض انو الدين هو شغلة بتقيد الانسان وبتكركبو و بتحصرو بشي محدد
والأديان عموماً وجدت لتخدم الانسان وليس العكس
فما في داعي انو نبالغ بعدم ذكرها بنقاشاتنا ولا نبالغ بأنو بدنا نحطها بكل شاردة و واردة
خلينا نكون وسطيين ومعتدلين بكل شي منرتاح ومنريح
وهادا رأي شخصي ... وكل التقدير لكل الآراء الأخرى.

ونعم الكلام اسماعيلووووو

انا بأيدك و هي الفكرة اللي كنت عم دور حواليها

طيب نضالو حاج تلف و تدور لكن ... دوختنا
القبلات العلنية في"شوارع العشاق" تثير "حفيظة" السوريين 10195

nedalo كتب:: ابو خالد

انا ما اتهمتك الك و لا قلت انك ضد العقل بس قلت عالناس يلي بتحفظ الدين بدون اي رجوع للعقل و انا ما قصدتك الك ابدا و لو بقصدك الك كنت حكيتك بصراحة اكبر

تحياتي

طيب هيك اتفقنا نضالو
بس يعني أنا شوكان دخلني فين لهدوك الناس
فهمت الكلام موجه إلي

Isma3el كتب:: صراحة شباب أنا ما شايف فصل بين انو نكون متدينين وبين انو نستخدم العقل
بالعكس الدين والله سبحانه وتعالى أمرنا بالتفكر والتأمل والتحليل .....
واذا في شغلة غلط من وجهة نظر الدين ومن وجهة نظر العقل سوا
ليش لحتى ما نقول انو الدين والعقل بيرفضوها .... وين المشكلة بذكر النقطتين ؟؟؟
وصراحة بعض عاداتنا وتقاليدنا وطريقتنا بتقليد آبائنا وأجدادنا بطريقة عمياء
بتعطي فكرة للبعض انو الدين هو شغلة بتقيد الانسان وبتكركبو و بتحصرو بشي محدد
والأديان عموماً وجدت لتخدم الانسان وليس العكس
فما في داعي انو نبالغ بعدم ذكرها بنقاشاتنا ولا نبالغ بأنو بدنا نحطها بكل شاردة و واردة
خلينا نكون وسطيين ومعتدلين بكل شي منرتاح ومنريح
وهادا رأي شخصي ... وكل التقدير لكل الآراء الأخرى.

مزبوط إسماعيل
كلامك حلو .يعني لما أنا عمأحكي عن الدين فأبداً ماني عمأحكي ضد العقل
بس لما قلت أنو مابدنا ندخل الدين بكل شاردة وواردة فهون عندي تحفظ أنو نحنا عمنحكي عن مفهوم غير الدين
الدين هوي 3شغلات وبس
وحي الله سبحانه - القرآن الكريم
سنة سيدنا محمد (ص)
سنة الأئمة الاثني عشر (ع)
فنحنا بدنا ندرسن قبل ما نحكم عطبيعة الدين
وساعتا رح نلاقي حل لكل مشاكلنا
يعني ما عمنعقد الحياة بالدين بس بدنا نصلح الأخطاء يلي عمنعيشا بالمجتمع .

ابو خالد
انا شرحت اللي شرحتو لتوصل الفكرة تبعي تمام التمام و بالنسبة لتعليقك عرد اسماعيل بقللك هيك انت على عيني و على راسي و أحلى تحية لعيونك لانو هيك انفهمت افكارنا تمام و بحييك lol!

تمام إن شاء الله انتو كمان بتفهوني بنفس النسبة
عراسي نضالو

ياشباب اذا هالموضوع رح ينتهي عند حكم الدين و العقل بهيك مواضيع فالامر ناقص لازم نناقش تطبيق القانون و حجية الحكم القانوني هل يحق للقانون التدخل بهذه المشكلة او بهذا النوع من العلاقات و ماهي ذريعة الشرطة التي سيتدخلون بموجبها للفصل في هكذا حكم يعني بالعامية يا شباب شو دخلن الشرطة لحتى يحكو مع القاعدين عم يعملو هيك شي و بالتالي شو التهمة اللي بدا تتوجه الهن و ما حدا يقلي الفعل الفاضح بمكان عام لانو الفعل الفاضح مانو قبلة اكيد معروف شو هوة الفعل الفاضح
و تحياتي

صح حكيك نيتشه بس كمان مو مقبول كمان انو يمارسوا القبل على مراى من الجميع ويكون فعل عادي , انت مثلا اذا مررت بشخصين يفعلان ذلك هل تنظر نظرة عابرة وتمشي ؟؟

اما موضوع السلطات فهون المشكلة

يعني مثلا السلطات تكبس على الكفتريات وتعتقل شاب وشابة لأنهما جالسين معا ؟؟ وبالتالي تترك اوكار مخصصة للدعارة ؟؟

وفي الحديقة مثلا مشموس والبنت خايفة حدا شوفها

وعلى الشاطئ متهم !!!!!!

وين لكن الواحد بدو يروح بحالو برأيكن ؟؟؟؟ القبلات العلنية في"شوارع العشاق" تثير "حفيظة" السوريين 10195

انا اول مره بقرا لموضوع
هلق تركتو سوريا كللها و اكتر الموضوع عن طرطوس
و الله عم نقرا باللادقيه و عم نشوف
و رحنا ع حلب
و طلعنا ع قاسيون
و
و
و

كل واحد يصطفل منو لربو
لحد الضمه و البوسه و بس
اكتر من هيك لازم القانون يتدخل
اذا كان الموضوع بالاماكن العامه قصدي

اخ مدين بالنسبة لسؤالك انو اذا بمر من جنبن ببساطة لا اكيد ما بمرق من جنبن ببساطة اول شغلة بنظر نظرة اعجاب و تاني شغلة بتمنالن دوام المحبة و يكونو فعلا بحبوة بعض و بيستاهلو بعض و ما يكون في واحد منن عم يكذب او يخدع التاني و انا ما جبت سيرة الفعل المنافي للحشمة انا عم احكي عن الضمة و البوسة هاي امور ما دخلا الشرطة فيا و لا في قانون بجرما و اذا صار فببساطة لانو الدورية بتكون فاضية لاشغلة ولا عملة و بدن يحترشو و يفرضو السلطة ركز معي السلطة وليس القانون و اللي بيحكم بهالموضوع العرف و ليس العسكريين اما بالنسبة للعرف فالعرف ببساطة المتعارف عليه بين الناس و السؤال هون ليش هالتنين اللي قاعدين مانن ناس لحتى ما يتاخد برأين و نحترم قناعاتن و افعالن اما لسيد عصام فعراسي طرطوس وانا بعز و بحترم اهل طرطوس من كل قلبي لدرجة انو خطيبتي من طرطوس بس الامر اللي عم نحكي فيه شامل مو مختص بطرطوس لانو هالامور بتصير بكل مكان و القانون موجود بكل مكان و الشرطة كمان نفس السلوكيات المتبعة بكل مكان
مشكورين عالاصغاء جميعا و تصبحو عخير

» بتوجيه من الرئيس الأسد .. معاملة أبناء السوريات المتزوجات من غير السوريين معاملة السوريين من حيث رسوم التسجيل في الجامعات
» تبادل القبلات يمنع الأمراض
» قرية بدون شوارع
» اغرب شوارع بالعالم
» بالاذن من العشاق