ايها الطالب المحتار هل لديك ثقة أم شك بتصحيح الدكاترة الجامعيين ولماذا ؟

تكلّم واعط رأيك بصراحة

عندي شك بالتصحيح بس مو كل الدكاترة انا عندي مادة عم قدمها من الفصل الاول لهلق صراحة اول فصل ما كتبتها كويس بس الفصل التاني متاكدة من الي كتبته وطلعت نتيجتي 38 ورفيقي ما كاتب متلي ونجحان بالمادة وهلق بالدورة الاستثنائية كمان قدمتها وطبعتلها المحاضرة طبع لاني احترت معها ومستنية نتيجة المادة

انا شخصيا ما بعرف بس يلي بعرفو اني ما انظلمت ابدا من خلال الفصل الاول...بس منسمع سمعات بتشيب الراس

والله انا في مادة متأكدة انو مظلومة فيا هي الترجمة2 طلعت قلت هيدي مادة معدل وقت نزلت العلامات للكل علامتي مانزلت وبعد ما بلشت الدورة التكميلية وبلشو رفقاتي يقدمو لحتى نزلولي ايها لا وشو 22 يقى كانت الورقة ضايعة او التصحيح من قفى الايد ما بعرف!!!!!!!!!
بس بسمع شغلات كتييييييييييير من رفقاتي كيف انظلمو

منيح منك ما اجلطت بهيدي العلامات
يا لطييييييييييف عاللقم :*687*:

صراحة

ما صار و لا مرة اني انظلمت او اخدت علامة مو مستاهلها

بجوز نحنا احيانا منكبر الموضوع و بجوز نكون كاتبين صح بس عنا اخطاء املائية كتير و هالشي الدكاترة بيحاسبو عليه و انا شخصيا كون محللهم بحاسب عالخطأ الاملائي لأنو نحنا عأساس مخلصين شي اسمو لغة و عم ندرس أدب

في دكاترة بتصحح وبجيب فيها متل ماتوقعت تمام
يعني ممكن +أو_ علامة
والعكس صحيح
أنا مرة قدمت مادة بعرف حالي راسبة فيها
وكأني مارحت عالمادة
ولما طلعت المادة جبت فيها 60

و الله حسب مو كل الدكاترة بيظلموا او ما بصححوا متل احمد العيسى .. رغم اني ما شلت موادي عندو من اول مرة .. بس ما حسيت حالي مظلومة ابدا .. بينما ماهل السودة .. دائما 50 انشالله كون كاتبة بمية او بعشرين ..علامتي هي هي .. عداك عن اكل العلامات عند كذا دكتور ..اما ظلم بمعنى انو كان لازم شي مادة و ما شلتها هي الحمدلله ما صارت معي .. :*740*:

الحقيقه انا كمان عندي شك بس مو الكل
يعني حسب الدكاتره
ماهل السودا الكل بيعرف افلامو
و يوسف شاهن جنني قبل ما يترك

اكيد مو كل الدكاترة
بس جد كان عندي مادة سنة اولى قدمتها 4 مرات و2 و3 مرة كنت بكتبلو

ب 85 و80 بتفاجئ ب 23 او32

اخر مرة رحت وما فتحت المادة ابدا شفت الاسئلة كنت متذكرا كل شي كتبت
جبت 73
ومادة مكتبة الدكتور كتير ظالم رفيقتي راحت هيك وجابت 76
وانا مانمت غير ساعة وقدمتها 5 مرات بالاخير جبت 58
غير لي بيشترو المواد

انا ما عندي شك بتصحيح الدكاترة انا عندي يقين انو99% منن ما بيصلحو
وكذا مادة اثبتتلي هالشي
يعني هلأ صرت سنة رابعة ادب انكليزي شفت شي بكفي ليثبت انو مافي تصحيح الا نادرا

بالفعل معها حق دارك ليدي و انا بايدها بهالحكي و بشد على اياديها كمان الله يخلصنا من هالكلية على اهون سبب لنرتاح بقى

انا برايي الظلم موجود بس نادر وهادا الحكي مبرهن علي من خلال تجربتي الشخصية نحنا بالنهاية طلاب وما فينا نقيم نفسنا فعلى اي اساس انا مثلا بقول انو بجيب 80 او 85 اذا كنا عم ندرس لغة مانا لغتنا الاصلية هلا انا اذا طلبت من كل واحد يكتب مقالة بالعربي اللي هيي لغتنا الام وبجيب دكتور عربي يصححا اي يادوب ننجح تشحيط فهيدي لغتنا فما بالكن بلغة تانية بالمدارس ما علمونا عنا الا من الجمل ادنو يا شباب المعلومة بالنهاية مانا كلشي وانو ننسخ المحاضرة كمان مانو كلشي ............................... وتقبلو مروري التقيل الدم زمشكورين