شو قصة ال50 مع معظم الدكاترة؟؟؟؟؟؟؟؟؟

ظاهرة ال50 علامة بجد غريبة كتير بقسم الانكليزي يعني بيدخل الطالب ع االامتحان كاتب ب90 علامة بيتفاجأ بعلامة ال50 . وبالعكس.............. طبعا مع احترامي لكل االطاقم التدريسي لانو في كتير دكاترة بحطو للطالب متل ما يستحق بالضبط

انا معك مية بالمية وهالقصة صارت معي كتييييير . بحس كانو الدكتور ضاربني بالف منية انو منجحني ..... بس شو بدنا نساوي ....الحمدالله انا بس مادة وبتخرج وبخلص من كل هالقرف.... عن جد وبلا مبالغة صارت الدراسة بجامعاتنا شي شرشحة عالاخير من كل النواحي.....

ااااخ .. قال لا تشكيلي ببكيلك ..
اساسا هي السنة ما في شي خربلي معدلي غير هالخمسينات اللي عم يمننونا فيون هالدكاترة..شو بدنا نسوي .. لا وما بيقرهني الا عبارة "اة منيح اللي منجحك .." يعني بمنية كمان ..

يا جماعة طولو بالكن
ال50 أحسن من 49 أنا مرة حطتلي معيدة مو دكتورة 49 بالمادة واضطريت عيدها مشان هالعلامة مع اني كنت كاتبة كتير منيح بس أحياناً بيكون بدن نسبة معينة بالنجاح لذلك ما بينجحو اللي بيستاهل
يمكن يمسكو أول عشر ورقات ويصححو وينجحو وبعدين باقي الورق بيصححوها وبيرسبو الطلاب لأنو ما بقا فيهن ينجحو < في نسبة لازم يلتزمو فيها> يعني يا هيك الحق يا بلا
مرة دكتور عينك عينك وقالها بوجهنا انو بدو يحقق النسبة وبس

شكرا سوسو و رورو و روز....... نيالك سوسو انتي رح تتخرجي انا ترفعت عالرابعة يعني سنة من القرف لسا والمعدل يارورو شي ببكي الخمسينات دمرتو . أما بالنسبة ل 49 ياروز والله عيب ع دكتور يحطا لأن بحطوها قال ع أساس هنة مصلحين الورقة حرف حرف والعكس صحيح

والله يا شباب هل الدكاتره بلا قوا الخمسين أسهل عدد لأن شكلها دائري
لهيك بكتروا خمسين وخمسات وصفار