ما بعرف شو عم يصير بالجامعة

مرحبا لكل الاصدقاء و الزملاء بالموقع انا سنة اولى من الشام مستجد عندكم و بس بدي اعرف اذا الدوام بلش متل العالم ولا لسا لانو انا ما عم اجي مشان السكن الجامعي لهلأ ما طلعت النتائج تبعو و اذا ممكن تتكرمو عليي و تقلولي شي اسم مكتبة ريح راسي معها مشان المحاضرات و نشالله يكون ما راح علينا كتير محاضرات و مشكورين كتير كتير .....

اهلين
انا رح احكيلك رأي شخصي بما اني مجربة هي المكتبة
مكتبة العمارة
كتير ارتحت بالتعامل معهن
والمحاضرات كويسة كتير صرلي من اول سنة بسجل فيها وانا هلأ سنة رابعة الحمدلله مارسبت ولا سنة
بس بسمع كمان رفقاتي مسجلين بمكتبات تانية متل العلوم او الاوكسفورد بيقولو انن مناح كمان
هاد شي بيرجعلك خود اكتر من رأي بكون افضل

ومن ناحية الدوام الاسبوع الجاي اكيد بكون كلشي بلش تمام مع انو بلشو من هالاسبوع بس عالخفيف

حبيب القلب
اهلا فيك
الدوام بلش هالاسبوع
لازم تحضر حلقات البحث
و فيه مكتبة العلوم
مكتبه ظريفه
بتروح عليها من باب الزراعه
و هنن بيقولولك شو عاوز و شو لازمك

طبعا اسعارن تشجيعيه...هههه

نورت يا حبيب.....الله يكون معك
و معنا
و السلااااااااااااااااااااااااااااااااااااااااااام

شكرا كتير ل الأعضاء دارك ليدي و عصام و نشالله بدي اطاع اول الأسبوع ع الادئية لانو ما بدي نام بالشوارع ههههه لا بس ما في عندي سكن هلأ و نشالله بدي سجل بالمكتبة وعنجد لازمني رفقة كتير هنيك لسا ما بعرف حدا يعني عم روح على الجامعة و فوت بستين حيط.....ههههههه

بس من اول ما شترك بهاد المنتدى يعني حسيت عم افهم الجامعة بفضل الأصدقاء يلي عم يساعدوني هون


و برد بشكركون مرة تانية

اي وسيم انا ياسمين من حلب ..
انا اشتركت بالمكتبة العمارة كتير منيحة وبحس انو صاحبها عم يعرف شو يشتغل
وهلق انا عم ادرس المحاضرات بالبيت وكلون واضحين ومفهومين
بس انا عندي سؤال كمان
ليش في حلقات بحث بالفصل الاول؟؟؟؟؟؟؟؟؟؟؟؟؟؟ انا سمعت انو مافي
ياريت تقلولي .

احلى عالم

انا مشتركة بالعمارة والعلوم التنين مناح وكويسين الله يوفقك