يعني معقول هيك ولا ما بعرف ؟؟؟؟

مرحبا كل الأصدقاء . أنا مستجد ادب انكليزي من الشام و كنت عم انتظر السكن الجامعي الي شي 20 يوم و ليوم تفاجئت لما اتصلت بأحد اصدقائي هناك و قال لي انو ما في سكن جامعي لكلية الأداب مشان هيك بترجاكم تستفسرو لي عن هاد الموضوع ضروري مشان اعرف شو بدو يصير معي استأجر او والله ما ماني عارف شو بدي ساوي .و انا بكرا الصبح طالع شوف شو صاير هنيك و اذا عنجد هيك صاير بكون عنجد ظلمونا يعني ليش يقبلوني بجامعة تشرين اذا ما رح يصحلي سكن فيها ...................@:

و السلام بس نشالله يكون رفيقي مو فهمان القصة منيح *12*

وسيم انا بظن انو هاد الحكي مو مظبوط.. لأنوبالسنة الاولى كان عندي رفيقة من الشام و كانت بالسكن ..و كمان وحدة من طرطوس و كمان كانت بالسكن ..بقا ما بظن الها علاقة الاداب او غيرها ..بكون في شي تاني ورفيقك مو فهمانو ..بعدين نحن عنا هون بالمنتدى في كذا حدا بالسكن و كلون بكلية الاداب.. ما هيك شباب و صبايا ؟؟

و بالتوفيق انشالله .. يعني معقول هيك ولا ما بعرف ؟؟؟؟ 964264

والله كنت على نار لحدا يرد علي و شكرااااا كتير رورو عنجد برد قلبي شوي هلأ .انا كنت عم قول مو معقول هيك يصير بس نشالله تطلع نتائج القبول وبخير وسلامة لانو انا شايف على حسب ما بقرا من مواضيع هون بالمنتدى يعني يمكن في ظلم كتير بجامعة تشرين

على كل حال انا لازم كون هنيك من الصبح بكرا

مشكورة رورو اغين...... شكرا

اذا بدك تستأجر حسوب حسابي وسيم
بس انا مستغرب منك ؟ يعني جايب 38 بالانكليزي شو بدك لتسجل بتشرين
كنت سجل موازي بالشام وبلاها هالشمططة . يعني معقول هيك ولا ما بعرف ؟؟؟؟ 142157

القصة مو هيك
بالعكس توزيع السكن بجامعة تشرين عادل بس المشكلة انو السنة الأولى في عدد كبير و لذلك
لابد من (واسطة ) لتأمين السكن
بس اكيد السنة التانية رح يطلعلك و عالمضون كمان ( إذا حبيت تبقى )
على فكرة انا كمان ما طلعلي بالسكن و لا الموازي بحلب و عم اضطر اتشنطط شوي
بس لتمضى هالسنة
الله يمضيها على خير معنا

الاداب بالعموم ما الو سكن لانو الاداب ما بدا دوام بس بوجود فيتامين ...و...كل شي بيصير
انا فرنسي وطالعلي سكن بس شفت نجوم الضهر لحتى مشي الحال

انا بشكور مروركم على موضوعي بس انا اسف لاني طولت حتى جاوبت عليكم بس كنت بالجامعة و مبارح رجعت على البيت بس ممكن اعرف من عماد شلون عرف انو انا جايب 38 باللغة
يعني انا ماني عرفان شلون و انا سجلت موازي بالشام كمان بس بدون علامة مجموع معها 152 و انا مجموعي مو كتير عالي يعني نقصني و مشان هيك على تشرين و نشالله منحسن ننقل بعد السنة الأولى بس في سؤال دائما عم يدور براسي انو كم مادة بدون تكون مرفع و كم مادة حامل و شكرا للكل مرة ثانية

لازم تكون مترفع يعني فيك تحمل4

اي بسيطة وسيم انت اسمك وسيم.... فعملية بحث بالاسم وطلعت كل النتائج !!
اناجايب 37 ومنشان علامة ما طلعلي بالشام
وكمان ماطلعلي سجل سكن لاني متزوج .....؟؟!!! يعني معقول هيك ولا ما بعرف ؟؟؟؟ 787754

السكن اليوم نزلت ومافي شي لهلاء

» ما بعرف شو عم يصير بالجامعة
» شي مش معقول
» معقول !!! هيدا ريد بول
» معقول ؟؟؟ لازم نجربها !!!!!
» معقول ما تحبوا ولا دكتور؟؟؟؟؟؟