استفسار صغير

سلام....

استفسار صغير لو سمحتوا .... :!: :?:
شو قصة الاجتماع بين الطلاب و الدكاترة للمناقشة حول اسباب رسوب الطلاب؟؟؟

صار ولا لأ ؟؟

و اذا كان صار شو كانت النتيجة ؟؟؟

و اذا ما صار شو متوقعين النتائج مثلا؟؟؟

اذا اي حد بيعرف اي شي حول الموضوع ياريت ينورنا و شكرا

يا هلا رورو
اي اجتماع الطلاب والدكاترة صار نهار الخميس انا حضرتو
هو لطلاب السنه الرابعه
حضروه الدكاترة: لينا ابراهيم - سوزي غريب - يوسف شاهين - ناصر عبدالحميد - ومالك سلمان
كل دكتور حكا عن الماده يلي عطاها بالفصل الاول وحكى عن نتائج الطلاب
وشو كانت الاخطاء اللي تسببت بالرسوب
وعلقوا عاسلوب الاجابه عند كتير من الطلاب وانو احيانا الطالب ما عم يعرف شو المطلوب من السؤال واذا عرف عم يكون في كتير اخطاء قواعديه مميته
المهم انو بالاخر الدكاترة قالوا انو هنن عطول جاهزين لاي سؤال او مساعده عند الطالب خلال ساعات وجودون بمكاتبون0
بس احلى شي انو الماده يلي رحنا كرمال نناقش فيها دكتورها ماكان موجود
وهي كل القصة00

شكرا روز ..
بس الحقيقة ما كان في داعي يعذبوا حالون يعني من المعروف انو دائما الحق عالطالب و الطالب هو اللي ما بيفهم والطالب هو اللي بيغلط و الطالب هو و هو وهو ...

شو رح يقولوا يعني اسفين يا اعزائي الطلاب نحن ما عنا ضمير و ما عم نصلحلكون اوراقكون لهيك عم ترسبوا :suspect: اكيد لا

هلق ما بنكر انو بكلامون في شي من الصحة بس ما دائما هيدا الحكي مظبوط يعني احيانا بتحس الدكتور بيناقض حالو بحالو و لا تروحوا لبعيد انا مثلا .....
بالسنة التانية اول فصل اخدت بالانشاء 73 وتاني فصل اخدت 26رغم انو نفس الدكتور هلق معقول يعني نفس الطالبة يختلف مستوى كتابتها بين ليلة وضحاها و يصير الفرق بعلامتها اكتر من40علامة ضربة وحدة

على كل حال اللي شايف انو ما معي حق انا مستعدة للنقاش ..
وشكرا مرة تانية روز