شباب حدا منكم بيتذكرها ؟؟؟؟

مرحبا يا جماعة

حدا منكم بيتذكر القرعة اللي كانت تصير بصف الخامس الابتدائي مشان يحددولهم للطلاب إذا رح يدرسوا انكليزي أو فرنسي

والله شغلة بتضحك أنا بتذكر انو أمي حكت مع المديرة والآنسة مشان ادرس انكليزي ووقت القرعة خلوني اسحب من كيس كل الوراق اللي فيه مكتوب عليها E‏ يعني انكليزي، وفيه رفيقي وقت القرعة طلعلو فرنسي وصار يبكي بس تاني يوم اجت امو عالمدرسة وحكت مع المديرة وخلوه يدرس انكليزي

بتتذكروها؟؟؟؟

ما كان عنا هيك شي لزقولنا الانكليزي بخلقتنا من الاول

ما كان عنا هيك بس حسب مابعرف معظم المدارس كانت تعمل هيك

اي و الله انا كانت عدوري و قال لما طلعت فرنسي متل اذا الفرنسي للكسالى و حاولت اقنع الوالد لينقلني انكليزي بس ما رضي

هههه .. اة والله بتذكر وانا كمان لما سحبت بالقرعة طلعلي فرنسي .. بس كمان ماما حكت مع المديرة و قالتلها انو انا معلمة انكليزي معقولة بنتي تدرس فرنسي ؟؟
وقتها نقلتني لشعبة الانكليزي ..

نيالكن كلكن واصلين الا انا مواطن ما الو حدا

الله عليكن شو بتذكروني بشغلات اكل عليا الزمن وشرب كانت ايام كتييييير حلوة ايام الابتدائي انا كمان طلعلي فرنسي اول ماسحبت بس بعدين انتقلت لانو المديرة كانت فجعانة وكنا ناخدلا غراض وهدايا ولك حتى اكل ايييييييييييييييييييييه يا the woman ( يا زمن )

بتذكر هالشي بالصف الخامس والنكتة انو كل عيلتنا فرنسي الا انا طلعت خالف تعرف - انكليزي

هههه ما راحت غير عنضال
بس هالشي لمصلحتك انت فرصك بالحصول على عمل أقوى مننا لأنو نحنا كتار وبس يصير في وظيفة لخريج أدب انكليزي بيقدم عليها 4000 واحد

أكيد بتذكرها كمان طلعلي فرنسي بالاول وبعد ما تعلمت شوي من خالتي ماما وام رفيقتي حكوا وتبادلنا لانو رفيقتي كان بدها فرنسي وطلعلها انكليزي والبنت هلق بظن عم تدرس فرنسي

وبظن مام أيامها اضطرت تنام يوم بطرطوس بس مابعرف ليش؟

مشكوووووووووووور

انا كمان لزقوني بالاتكليزي لأن ما كان عنا فرنسي
يمكن ما كنت نقيت غير انكليزي

وردة تشرين - عصامو
شكرا لمروركما