من منكم بيقدر يجاوب ؟؟

من منكم بيقدر يجاوب ؟؟

1- شو جمع حليب ؟؟ :?: :!:

2- شو جمع أخطبوط ؟؟ :?: :!:

3- شو جمع وحيد القرن ؟؟ :?: :!:

4- شو جمع كلينكس ؟؟ :?: :!:

5- شو جمع بترول ؟؟ :?: :!:

6- شو جمع سفن آب ؟؟ :?: :!:

عجزت

وأنا كمان ...ههههه

ههههههه ... تسلميلي يا آية الذكية ههههه ...

:?:

كنت بدي حط نفس أجوبتك علاء
بس بدال قرون وحيدة منحط وحيدي قرون
ونحنا بحكينا بالعامية مافي شي الا و بينجمع معنا
مافي شي بيوئف بوشنا

والله يا سونا نحنا منجمع الجمع...لا مكان للمستحل

ههههه .. معكون حق علاء و سونا .. نحن بالعامية منجمع كل شي .. ما في شي مستحيل ..

ما منقول : طيبين هالشايات ؟؟ ههههه هاد اكبر دليل هههه

و شكرا لمروركن الظريف ...

اصلن سهلين

- شو جمع حليب ؟؟ : حلاليب

2- شو جمع أخطبوط ؟؟ : خبيطبيط

3- شو جمع وحيد القرن ؟؟ : مجموعة من وحيدي القرن

4- شو جمع كلينكس ؟؟ : كلينكسز

5- شو جمع بترول ؟؟ بتاريل

6- شو جمع سفن آب ؟؟ سفن ابز

انا عندي اجوبة
حليب:حلايب
اخطبوط:اخابيط
وحيد القرن:وحيدين القرون
كلينكس:محارم(لا تقوليلي غير شكل هي مو هيك رورو )
بترول:بتاريل (متل نضالو )
سفن آب:سفنات آبات
هي احسن اجوبة

نضال & نور .. اة شو هالابداع هااااد ... غير شكل ...

شكرا لمروركن الظريف ...

بلغتنا هناك كلمات شاذه لاتقبل الجمع

وقد يمكن جمعها وتكون بجمع التكسير

ومنها كلمات هي بالجمع أصلا

ومنها تجمع بالارقام فنقول هناك مجموعه من حيوان وحيد القرن هيك شي


معلوماتي باللغه كتير ضعيفه

بس هيك بتذكر

على فكره موضوعك كتير حلو

على فكرة مرورك احلى .. شكرا وردة ..

- شو جمع حليب ؟؟ ههههههههه يمكن يمكن حليبات

2- شو جمع أخطبوط ؟؟ اخطبوطات , مجموعة اخطبوط , اخطبوطتز بالانكلش هههههه

3- شو جمع وحيد القرن ؟؟ قطيع وحديد القرن ههههههه

4- شو جمع كلينكس ؟؟ كلينكسات ..

5- شو جمع بترول ؟؟ بتاريل , بترولات ,

6- شو جمع سفن آب ؟؟ هي انا متاكدة ما حدا عرفها متلي مستحيل ههههههه الجواب :اسطول اب هههههههههههه جمع سفينة يعني ههههههه

مع انهون مابينجمعو هههههههههههههههههههههههههه
بس انا قدرت اجمعهون ..
وهالحكي مثبت بكتاب تعلم الجمع في 7 ايام ..
المؤلفة انا

تؤبشي ئلبي يارورو على مواضيعك النهفة وروحك الاحلى ..
مودتي

لك تؤبشي قلبي انت ..كتير مهضومة ... شكرا لمرورك الظريف ..

أنا صح ما بفهم شي بالعربي بس رح جرب جاوب:
جمع حليب : بقره
جمع أخطبوط: حديقة حيوان ملياني أخطبوط
وحيد قرن: متعدد القرون
كلينكس: علبة محارم
بترول: بئر نفط
سفن آب: صندوق سفن آب(فيه 24 علبة)
بتمنى شوف شو أخدت علامات

من منكم بيقدر يجاوب ؟؟


1- شو جمع حليب ؟؟ بقرة



2- شو جمع أخطبوط ؟؟ عيلة اخطبوط



3- شو جمع وحيد القرن ؟؟ ثنائي القرن



4- شو جمع كلينكس ؟؟ محارم ديمة


5- شو جمع بترول ؟؟ الخليج العربي


6- شو جمع سفن آب ؟؟ بيبسي

سومر الحبيب شو كنت قاعد وراي حتى نقلت مني كم سؤال :suspect:
حبيب قلبي سومر

خلص مجد 12 من 6 منيح هيك ؟؟

و سومر كمان 12 من 6 ...

و روميو شكرا لمرورك ..

تسلمولي ..و الله ما كنت مفكرة انو في عنا ابداع هيك ..ههههه

شكرا رورو ياريت كل دكاترة الجامعة متلك وبكرمك

شايف مجد انا بقدر الابداع .. وما بلتزم بقوالب جامدة ... ههههههه

يعني باختصار صعب يلتقى متلي بالجامعة ههههههه

احلى مجد ..

ولووووو ضروري تفضحنا انو عم ننقل هههههههه
منيح اللي مارسبتنا رورو تشابه اوراق