اتحاد الكرة يفرض عقوبات قاسية على تشرين

سارع اتحاد كرة القدم إلى فرض عقوبات على نادي تشرين بعد أحداث الشغب التي رافقت لقاء أمية وتشرين في إدلب، حيث قام الجمهور الضيف بتكسير مرفقات الملعب. وعليه قرر الاتحاد ما يلي:

1 - فرض غرامة مالية مقدارها 500 ألف ليرة سورية على النادي لإصلاح الأضرار التي لحقت بالملعب.

2 - فرض غرامة /50 / ألف ليرة من اتحاد الكرة حسب نظام العقوبات.

3 - حرمان الحارس مصطفى شاكوش من اللعب مباراتين لاعتدائه على أحد رجال حفظ النظام.

4 - توجيه إنذار نهائي لنادي تشرين بفرض عقوبات أشد في حال تكرار ماجرى في ملعب إدلب.

يا اخي و الله ما حلوة هالتصرفات يعني اذا خسرنا شو يعني

المباراة الجايي منعوض

و الجمهور عنا بيروحو عالملعب بس لحتى يعملو شغب و مشاكل

طيب شو ذنب الملعب و الكراسي , يعني لو متضاربين هني و جمهور اميه نص مصيبة كان الواحد بيقول مشكلة و صارت بس هيك و بهالطريقة عنجد عيب

بيستاهلو لانو لازم يكون في توعية للجمهور

و عفكرة كل موسم هيك منعمل منبلشو بمشاكل و تكسير و ابعرف شو و بعدها قال بيصيرو يحطو دعايات عالطريق ( شجعو بروح رياضية )

يعني هلق هال 500 الف لو حسنو النادي فيها مكان احسن

يسلمو سروجة

شكرا إلك سيرجي
وأنا معك نضال..... هل تصرفات ما مقبولة بالمرة ... وأنا ما بحب إحضر
مباريات بالملعب... و بشكل خاص لما بتكون المباراة بين تشرين وحطين
يعني بيطلع الواحد من الملعب هيك

علاء

هي اذا قدر يطلع قبل القتلة

بس اذا طلع بيطلع هيك

اي شباب انتوا انتبهوا انو لما بتقعدوا تحت الساعة الجمهور اللي بيكون على يمينكم هدول معروفين انهم تبعين المشاكل ورايحين خصوصي منشانها واذا ما لاقوا حدا يعلقوا فيه بتشوفوهم علقوا ببعض طبعا ما رح قول مين هو هالجمهور....انا اخر مباراة حضرتها كانت الموسم الماضي ضد الوثبة الله وكيلكن كانت متل كإذا حرب عصابات بشيكاغو ويا حرام واحد مسكين اكل قتلة بعصاية العلم ودفشوه شي تلت اربع مدرجات لتحت .... ليش كل هاد الله اعلم
ما بعرف نحنا ليش هيك بكل دول العالم تعتبر الروحة لمباراة كرة القدم متل السيران الواحد بيروح لينبسط إلا عنا انا بحس الروحة عالملعب متل الرايح عالحرب

والله كلامكن تام يا شباب ...أحسن شي نحضر مباريات على التلفزيون
والله بعينا على إياد ناصر وجوزيف بشور .. وملحقاتن من المعلقين
وعقولت إياد ناصر (الحمد لله مرت بسلام)

اي علاء هو كل هالبلاوي اللي عنا من ورا القلة المندسة يعني كل فرق الدوري السوري عندها قلات مندسة هدفها دائما تخريب شغل الادارة وهالشي النا منسمعو شي عشر سنين وهالقلة المندسة ما كانت تستحي على حالها أو تذوق على دمها ابدا

اقتباس :

قلات مندسة هدفها دائما تخريب شغل الادارة وهالشي النا منسمعو شي عشر سنين وهالقلة المندسة ما كانت تستحي على حالها أو تذوق على دمها ابدا

اي بزمتي قال قلة مندسة قال