شو رأيكن بهاد الشخص؟؟؟؟

مرحبا شباب وبنات
حابة اطرح موضوع للنقاش

طبعا كلنا منعرف أنو المسلسلات التركية مسيطرة نوعا ما من فترة زمنية لا بأس فيها وإلها مشاهدين من سوريا والوطين العربي ككل

شخصيات كتير برزت وعرفناها من خلال الدراما التركية بس الشخصية الأهم كان مهند اللي كان بيوم من الأيام وما يزال فارس أحلام بنات كتير

بدي أعرف شو رأي شباب وبنات المنتدى بمهند؟؟؟هالشخصية اللي جننت العالم كلها؟؟؟

بالفعل داء المسلسلات التركية اصاب الوطن العربي بطريقة ما صارت بالمسلسلات المكسيكية

هلق اوكي في كم مسلسل حلوين متل هادا مدري شو اسمو يحيى و لميس اي حلو و وادي الذئاب كتييييييييييير حلو

بس مهند جد ما عرفت ليش البنات بيحبوه ولك ما فيه جنس الرجولة

انا ما بطيقووووووووووو

هلأ معلش مافي داعي للف والدوران
هو الشب مو حلو بجنن

انا شخصيا ما بحبو

بس هو حلو

وما حدا بيقدر يقول انو بشع

الشب حلو بس جمالو بناتي يعني ما فيه رجولة ومايع والصراحة كتير غليظ وفارس الأحلام بيكون بالعادة مرسوم بتفكير البنت انو يكون رجل بكل معنى الكلمة مو بناتي متل مهند

تقبلو مروري

هلق أنا بعمري ما تابعت ولا حلقة من ولا مسلسل تركي
بس بيجوز البنات حبوه لأن شكلو مختلف عالنمط المتعودين يشوفوه والإعجاب اللي نالو محصور بشكله الخارجي يعني ما حدا حب قدراته التمثيلية أو شجاعتو أو مرؤته بس شكلو وشعراتو

وبعتقد السبب اللي خلى البنات يحبوه هو نفس السبب اللي بيخلينا نحنا الشباب نحب هيفا مع انو صراحة ما خرجا تغني

ببساطة شب حلو وبس ...
ومتلو متايل وعنا أحلى منو كتير
وبالتالي بشوفو أسخف من أنو نعمل عليه حوار ومناقشة
وبتحفظ ع تعبير " شخصية جننت العالم كلها "
بصراحة ما شفت حدا ما شي بالطريق وعم يهلوس فيه
إلا إذا عم تحكي ع بعض أهل الخليج اللي ما عندن شي
يشغلن إلا التصويت بستار أكاديمي وال sms
وأي شغلة أو شخص تافه بثير اهتمامن
بتمنى صراحتي ما تكون مزعجة
بس أنتو طلبتو رأينا ...

هو حلو
بس لا يطاق
وأنا بشكل عام ضد الهوس بشخصية تلفزيونية
لأنو أغلبن بكونو بالحقيقة وسخة
الشباب نسونجية وعاملين السبعة وذمتها منشوفن بمسلسل بلقطة مؤثرة منقول يالطيف هاد شوحنون
مثال من أرض الواقع:
وائل شرف اللي كلنا منحبو (معتز بباب الحارة)
هاد اكتر انسان نسونجي خلقيتو الشام
شفت هالشي بعيني
ومثال هيفا كمان حلوة
بس كلنا منعرف شو هيي
وأنا ضد هالهوس اللي مالو طعمة هدول ناس نحنا أحسن منن
بس ما منشوف من مواقفن غير عالشاشة

شكرا لمرور الجميع

وانا كمان ما بطيقووووووووو

هدفي من طرح الموضوع انو اتعرف على رأيكن كشباب وبنات

تصوروا في بنات وصلوا لدرجة الجنون فيه خلاهون يفسخوا خطوباتهن او يطلقوا :*418*: :*418*:

إي معلش يعني الله بدو يريحن وينقذن لهالشباب اللي خاطبين
هيك بنات بلا عقل وبلا مخ ؟؟؟؟؟

انا معك مية بالمية

شكرا لمرورك

أكيد مهند كشب حلو بس لايمتد نحن راح نضل نحكم عالاشخاص من خلال اشكالن يعني لايمتد راح نبقى سطحين ولا والكلمة يلي بتزعجني اكتر الشي هي مثلا وحدة من رفاقتي بتجي بتقلي مهند شكله بيريح كتير اسمعت هالكلمة بس استغربت كتير منها معقول اشخاص إذا ريح يشوفه مسلسل مشان شكل لريحن ولا شو مشششششششششششششششششششششككككككككككككككككوووووووووووووووررررررررررررررةة

سارة الحلوة

هلق مهند شب مانو حلو .. اساسا ما في اي شي رجولي .. و انا عنجد ما بطيقو .. بحسو مايع .. بعدين سمعت عنو شغلات خلتني اكرهو بزيادة .. :*687*:
بس في بنات مجانين .. ما بعرف كيف بفكرو .. يعني اذا تركت خطيبها .. رح يخطبها مهند ؟؟

بجوز ليش لأأأأأأأ

أنا ماطقتو لا بشكلو ولا بأخلاقو ولا حضرت المسلسل

بس لهلا مافهمت مين كان الرجل ومين المرة

لانو ماكنت عم شوف مهند الا وعم يبكي وبيعتذر
ونور بالشغل او بتبهدل وبتتأمر وبتحرد

جمال الرجل في خشونتو وشخصيتو القوية وعقلو

شكراnoir lune وموفقة يارب

شكرا لمرور الجميع

عجبني رأيك آية الله محييك

ومعك حق بكلامك