انا برشلوني للدم بس بدي الكل يعلق

هادا الموضوع موجه للريالية وعلى وجه الخصوص دوفان و سيرجيو راموس:
اول شي دوفان حبيبي / الريال فريق الو اسمو والو مركزو والو تاريخو هاد شي ما حدا بيقدر يناقشك فيه ابدا ولــــــــــــكن نحن جميعا لازم نعرف كمان انو برشلونة هلا عم يصنع التاريخ و بجدارة وبدنا ما ننسى انو اللياقة البدنية تبع اللعيبة بهالايام ازدادت وصار اللعب اصعب من قبل و الفرق تبع الشامبيونز ليغ ما بقى 8 فرق صار 32 فريق...

هذا وانو البرشا هلا عن جديد كترو مشجعيه(جيل الجزيرة) متل ما الريال فجأة العالم ايام زيدان و رونالدو حبوهو زادو يعني نحن لا حول ولا قوة النا بموضوع المشجعين المرتزقة اللي بيفوتو عقهوة بعد الف سنة ولسا بيسألوك حط رونالدينيو جول "اذا البرشا عم يلعب".. ولكن اذا النقاد\ والمدربين واللاعبين حول العالم معظمن بيعترف بانو اللي عم يعملو البرشا شي فوق الطبيعي وما في داعي ذكرك بلقبنا "فريق البلاي ستيشن شو بيضل بقى شي بينحكى و بالنسبة للصورة ف حبيبي لا هيي ولا الريال ممكن ينخزو شي فيني ولا ممكن يأثرو حتى لانو اذا بدك تاريخ"يللي بتعرف التارخ" بزمانو الريال مر ووقف نفس الوقفة اللي واقفا برشلونة بصورتك بال سبعينات بس هادا موضوع ما بيعنيني لهك ما بهتم باني جيب هك صورة وقول للعالم انا برشلوني -مع انو فريقي بهالفترة بقمة عظمتو وهوي الاول باوروبا بس التبجح بالشي الغلط بينفر العالم من الفريق- ما متل الريال من 2004 ما اتأهل بعد دور ال 16 و عم يصرف الملايين بلا فايدة.. لا وبعدين اذا خسرانين 5 صفر انا بحترم انك تضل عم تشجع فريقك لانو بهك لحظات بيبين المشجع الحق.. بينما لما بتخسر خامس كلاسيكو عالتوالي وانت متوقع تفوز او عالقليلة تتعادل و نتيجة 5 صفر فانا بتوقع انو كان لازم تنزل موضوع تقول فيه مبرووك للبرشا لتبين انك مانك منحاز و لتبين انك فهمان بكرة القدم متل ما متعرفك بالموقع..

وبالنسبة لسيرجيو راموس العضو بالموقع ف انا اول شي بدي اشكرك ع متابعتك الرياضية و مواضيعك اللي كل يوم بيومو عم تواكب الاخبار بالعالم:
بس حابب اسألك شغلة كونو هي اول مرة بتوجه بالحديث الك : اذا فريق لما تحضرو مستحيل تمل و نتائجو مرعبة و اداؤو جميل ومعظم لعيبتو ولاد النادي ما لازم توقف وقفة ااحترام تجاهو لما تشوفو مهما كنت متزمت ؟؟؟
كما وانو انا بقلك و بصريح العبارة بكره الريال كتير و فيني لسا احكي لبكرا عنو بس برأيك مرح اعترف ب مورينيو كمدرب او ب رونالدو ك لاعب ؟؟ لأ انا بعترف بالتنين و ب كسياس لانوشخص محترم و لكن لا تواخذني و بغض ا لنظر اذا سيرجيو راموس لاعب او لأ بس بعد اللي عملو مع ميسي و (بويول و شافي ولاد منتخبو )ما بقى اقدر اتحمل شوفو لانو هادا ششخص عديم الاخلاق والروح الرياضية -مع احترامي الك ولاسمك- ولكن تصرفو كان قمة في الولدنة والتفاهة و كان ممكن انها تصيبو لميسي كل العمر او عالقليلة موسم كامل لو اجت بالمكان اللي كان قاصدو!!! و برأيك لو العكس صار من برشلونة تجاه رونالدو ما كنت رح قلك انو غلط؟؟



على كل الأحوال انا بتمنى لما بدو ينحكى عن اي فريق ينحكى بموضوعية منشان ما يصير نرفزات من قبل الأعضاء ما الها طعمة ..

برجع وبقول انا بدمي كتالوني برشلوني و تحيا البلوغرانا
والله يديم البرشا هك وبهك مستوى ممتع للجميع وانشالله بالاياب منشوف لعبة احلى بدون هك مسخرة متل اللي شفناها بالذهاب!!