قريبا إنتحار طلاب السنة الرابعة انكليزي

الحالة بالسنة الرابعة مرض حقيقي
عنجد شي بموت ...ولك شو هالمواد البايخة...وشو هالبرنامج يلي بهوي
يوم بين مادة والتانية...والله كل مادة بدها أقل ما يمكن عشر أيام
عم ندرس بالليل والنهار وما عم نلحق شي...والله طق عقلي...خلص
فصلت عالآخر...عم فكر ما قدم المواد كلها...بدي أسألكن سؤال حدا درس
شي رواية بالأنكليزي...أي والله أنا بالعربي عم درسن وما عم لحق شي
كل دكتور بده أدق التفاصيل ...شو مفكرين الطلاب متل أقراص السيديات
بس يعمله حفظ خالص ما بقى بينسى شي...ولك يا ريت يعطونا فترة زمنية
منشان نلحق...
شباب حلموا بالمعدلات وحلموا بالتخرج...وخلو هالشي طموح للسنين القادمة
لأن ما شكلنا بدنا نخلص السنة.....أنا آسف إذا كنت معصب (كتير) مو شويه
بحس الحالة بتمرض....والله بالظاهر بدنا نعمل تشكيلة منتخب جديدة ...لأن
الدكاترة السنة مجهزين مظبوط....وهجومين كتير قوي ...ودفاعهن لا يخترق

الحمد لله انا سنة تالتة ومو انكليزي

يعني خارج قرار الانتحار

الله يوفق الجميع يارب وبلا هالتعقيد والخوف

لا يكلف الله نفسا إلا وسعها

انتو ماعليكن إلا تعملو لي عليكن والباقي الله كبير
وماحدا بياخد إلا نصيبو

مابتعرفو بركي الاسئلة كانت سهلة او اجاكن محاضرة انتو حفظتوها وركزتو عليها

الله يوفق الجميع يااااااااااارب

علاء طول بالك رح تخلونا نبطل نصير رابعة هاه
الله بيعينكن انشاءالله الله بيوفق الجميع يارب
عاساس التانية افضل يعني والله لسا ما جبت البرنامج بس اكيد ما رح يكون افضل من برنامج الرابعة
الله بيعيننا شو بدنا نعمل موفقين جميعا يارب وبلاها شغلة الانتحار

عـــــــــــلاء



لا تشكيلي ببكيلك ...

و الله هو اللي صدمني البرنامج .. يعني معقول النثر اول مادة و معقول اللغة تاركيلها اربع ايام و النقد يوووووووم وااااحد ..

بدي افهم مين هالذكي اللي حط البرنامج ؟؟

بس علاء يعني ما وصلت للانتحار ..

خلص الواحد بيعمل اللي عليه و بعدين بيتكل على الله ...و اكيد الله ما رح يضيعلنا تعب .. روق اعصابك .. وسمي بالرحمن ... و ظبط امورك بهداوة ..

و بالتوفيق لكل المعذبين في الارض .. طلاب كلية الاداب جامعة تشرين ...

بدي تشكركن أصدقائي...آيـــة....جوى...رورو
بس والله الوضع سيء جدا....المشكلة أني عم درس
كتير...وبحس حالي مقصر...وأكتر شي بجنن برنامج الأمتحان
نشاء الله بوفقنا وبنرتاح من هالهم

رووووووووووووق علااااء
ان شاء الله بتهووون
انت ما تحط ببالك اديش الفتره قصيره
بس انو خدها بطريقة لازم تحاول ع اد مافيك انو تخلص بهالفتره كتحدي بينك وبين حالك
وان شاء الله بتتخرج السنه وبمعدل حلو وبتخلص
موفقيييين الكل

ياالله قديش عم تعانوا رح تخلوني بطل ادخل عالجامعة
لهالدرجة الامور صعبة
موفقين جميعا الله لا يضيعلكن تعب

عادي كتير اللي عم نمرق في وكلنا بالهوى سوى انا اول العالم مارح قدم كل موادي مع العلم انو انا كل سنة بطلع نجاح ومامعي مواد بسسسسسسسسسسسسسس هالسنة غير








انا صار عندي يقين انو وين المشكلة بالتكميلية او حتى بدراسة السنة بسنتين لانو بقرار الفصل التالت صرت كانك عم تقدم السنة بسنتين لانو حتى لو تخرجنا عالفصل التالت كاننا ما عملنا شي لانك رح تكون متخرج مع وقف التنفيذ بس شو بدنا نساوي انا قاهريني العالم اللي حوالي اللي ما عم يقدرو موضوع انو فعلا السنة الرابعة سنة الانتحار





شو بدي قلن ولا شوبدي ما قلن شو بدي ساوي انا ظروفي كتتتتييييير صعبة

لك حتى وقت اللي بحكي بفوت بميت حيط اتخيلو انا هلا لوين وصلتكن وبكم حيط فوتتكن بس يالله بالاخر سنة وماكانت

شكرا إلك سوسن على تشجيعك....بس المشكلة أني عم درس منيح وبعرف حال ما رحلحق لضخامة المنهاج السنة

والله يا fafo أنا كمان بدي ترك نقد لأني صعب لحقها
والأحلى من هيك طلع عنا السنة 13 محاضرة...ولك شو هالكرم ولو
ناي الأندلس طولي بالك الجامعة فيها الحلو وفيها المر

اول شغلة كل سنة وانتو سالمين ..

تاني شغلة في متل بقول يافرعون مين فرعنك ؟؟ ئال ماحدا ردني

تالت شغلة الله لايئيمنا لانو نحنا سكتنا ومااعترضنا !!
اول ماطلع القرار كلية الاقتصاد عملو معروض ووقعوه وئدموه لك مع انو ماردو بس ايد وحدة ما بتسفق

رابع شغلة هلا نحنا بالمدارس حتى يكون الامتحان اسبوعين بس
خامس شغلة دكتورة النثر لسا فيا تعطي اكتر من هيك ؟؟؟ يامحلاك يا احمد العيسى !!!!!!
( ما بتستكتر خيرو لتعاشر غيرو)
سادس شغلة :
مصيبتنا وحدة ومالنا غير الصبر ..
اصبرو ان الله مع الصابرين ..

وسابع شغلة : لك انو مناقشة البرنامج كانت منيحة والنقد اول مادة !!! ودرسنا على هالاساس
منتفاجأ انو اول مادة نثر ؟؟ والبرنامج ئايم ئاعد ؟؟ وتخربطت كل المخططات ..

والله مابعرف الله يجملها معنا بالخير مابدي معدل بس بدي اتخرج وارتااااااااااح

وشكرا نئيت هون ومشي الحال هههههههههه لانو العالم عم يهربو مني كل مااجيت احكي !!! بسكتوني !!

موفقين جميعا ..

و الله يا رشروشة معك حق .. يعني عنجد شي موطبيعي ... بس المشكلة انو ما عاد في وقت حتى للحكي او الاعتراض ... ههه
لهيك الله يعينا و يصبرنا ..." و عسى ان تكرهوا شيئا و هو خير لكم "

و انشالله الله ما رح يضيعلنا تعب ... و تمنياتي بالتوفيق للجميع ..

يسلم ايديك ياعلاء
انا نفس المعاناة والله عم حاول ادرس بسرعة بس كثافة المواد وصعوبتهم مومعقولة
بصراحة انا بكل السنوات ما حسيت بصعوبة اي مادة طبعا مع اني ارسب ببعض المواد بس لما احفظهم منيح انجح
بالسنة الرابعة انصدمت مافي ولا مادة مضمونة ...... هلا اني انتحر كرمال الدكاترة اي فشروا.....
وعلى فكرة انا قررت ما قدم النقد والمقارن

اليوم بلشت بالمقارن ... والله شي بجنن ..

سمعت أن الدكتورة سوزي عطت رواية جديدة يعني صاروا 3 روايات
الله يصبرنا...أكيد فشروا ننتحر ...بس دائما منزعل عالعمر والأيام يلي عم يضيعولنا ياهن هدر
أنا شايف الصعوبة بالسنة الرابعة من ضخامة المواد وقلت الوقت ...ما عدا هيك ما في مشكلة
نحنا بنعمل واجبنا والباقي على الله

عــــلاء ..

هاد الحكي المظبوط ...

احلى شي انو قال اللي بيترك الدراسة هو اللي بيقولو عنو انه عرضة للانحراف بينما طلاب الجامعة هن امل المستقبل....بس أنا شايف الجامعة عم تدفع الطلاب نحو الشرب والدخان عكتر ما بيعانوا فيها

لسا ما بعرف شي من شي بالمواد بس مو مشكلة اذا ما نجحنا هالفصل مننجح الفصل اللي بعدو وعلى رأي المثل سكر الكتاب ونام بدري يأتي النجاح من حيث لا تدري

صحي اذا عم يقولوا انو نهاية العالم ب 2012 عشو عم نعذب حالنا ونقرا؟؟؟؟

ههههههههههههههههههههه
لا اله الا الله ..

الحالة بتبكي وعنجد حرام نحنا ..

انا حاليا مصدومة 3 روايات ؟؟؟؟؟

ولي على ئامتي ..

شو مشان اذا عملنا هيك سيرج لك منرسب ومنسنفذ ومامعنا رسوب غير سنتين ونص ؟؟؟؟

مابعرف لك شو مشان كرمال الله الاسئلة من المحاضرات شي ولا من الكتب حدا يئلي ؟؟