مساعدة من طلاب الرابعة

يا جماعة انا ما بقى فيني...... يعني لهون وحاجة .....حدا من يلي نجح بالنقد يقلي شو لازم اكتب حتى انجح بهالمادة الزفت؟؟؟؟؟؟ لانووقت كتبت كتتتتتتير منيح والله الوكيل كاتبة فيها اذا ما مية علامة ف ٩٩ راح حطلي ٤٠ والمرة الماضية ما كنت كاتبة ولا حرف صصح حطلي ٣٤ !!!!!!!!!!! حدا يساعدني و يقلي كيف بدو يانا نكتبلو؟؟؟؟؟؟؟؟؟؟؟؟؟؟ و من شو درستو من النوط ولا من الكتاب؟؟؟؟

روقي سوسو .. طولي بالك .. اكيد ما بدك تدرسي من الكتاب و المحاضرات لحالها ما بتكفي .. يعني بتحسي انو المعلومات فايتة ببعضها ..
هلق الصراحة انابنصحك باستاذ خصوصي ..لأنو انا ما مشي الحال معي غير لما استعنت باستاذ ..و هاد الحكي بعدة مواد مو بس النقد ..بس شوفي الشباب و الصبايا بركي عندون نصيحة افضل ..
و موفقة انشالله ..

ولا يهمك سوسو... المادة فعلا صعبة ..أنا بنصحك بالطريقة التالية:
دائما لما بناخد عن ناقد معين حاولي تعتمدي على الكتاب أكتر من المحاضرات
كمان حاولي دائما يكون بجانبك ورقه وحاولي تكتبي خمس أفكار عن الناقد من الكتاب
وخمس أفكار من المحاضرة ولما بيجي الفحص بستغني عن الكتاب والمحاضرات
وبتكون هي الأوراق مادة جاهزة للكتابة .... بس دائما حاولي تكتبي أفكار الكتاب أولا
كمان شي مهم لما بتجاوبي على السؤال بالأمتحان كتبي على شكل مقالة
أنا كتبت بهي الطريقة وعطاني 59

thanks RuRu and Alaa m ..........المشكلة انو انا حافظة كلشي من الكتاب .....صحي ماني فهمانة ولاحرف بس انا مبصمتو للكتاب وكتبتل وبالحرف ومع هادا ما مشي الحال للمرة التالتة على التوالي......... :?: :?: :?: :?: :?: :?: :!: :!: :!: :!:

و الله انا كمان عندي نفس المشكله
لما بتلاقي الحل الناجع خبريني
زكاتك

و مشكوره سلف....

انا بالفصل الاول كتبتلوا كلمات اغاني اخدت 38 و بالفصل التاني كتبت مشان شيلا و كنت قريانا تمام قمت اخدت 32 بس هالدورة كتبت كتابة خيالية يعني ما في احسن من هيك و كنت متوقع 80 على الاقل قمت اخدت 50 على العموم انتي لازم تكتبي كل شي بتعرفيه عن النقاد من الكتاب و برا الكتاب و بدون اية اخطاء املائية و انشالله بتشيليها

والله يا سبرنغ شكلك حطيتي ايدك عالجرح.....وفكرة الويكيبيديا فكرة رائعة .... ويمكن كانت مشكلتي من الاول اني ما عم اكتب النقاد من اي مدرسة او اي معلومات اضافية ، عن جد شكرا لمساعدتك فادتني كتتتتتتتتتتتتتتتتتتتتتتتتتير.....
كمان شكرا دكتور فاوستس و مبروك المادة .... يا جماعة كل واحد بيشيل النقد لازم يوزع حلوان لكل الجامعة لانو عن جد النجاح فيها اعجوبة
ولسا ناطرة اي اقتراحات اضافية بلكي كلنا منستفاد من خبرة بعضنا وشكرا للجميع

شكرا سبرنغ كلك ذوق......