الإطلالة الجميلة تعني شخصاً أكثر ذكاء

ربطت دراسة بريطانية جديدة بين الإطلالة الجميلة ومعدل الذكاء المرتفع. وذكرت صحيفة “دايلي مايل” البريطانية أن الجميلين من الرجال والنساء أكثر ذكاء من غيرهم.

وأشارت إلى أن الأبحاث في بريطانيا وأميركا بينت أن معدل ذكائهم هو حوالي 14 نقطة أعلى من المعدل.

واعتبرت الصحيفة أن هذه النتائج تدحض الخرافة القائلة إن الشقراوات غبيات وان الرجال جميلي الطلة ليسوا أذكياء.

وتبين في البحث، الذي أجرته كلية الاقتصاد في لندن، أن الأشخاص ذوي الطلة البهية يجذبون الشركاء ليس الجميلين فقط وإنما الذي يتمتعون بمعدل ذكاء مرتفع أيضاً.

ووجدت الدراسة أن الرجال الجذابين في بريطانيا جمعوا 14.6 نقطة أكثر من غيرهم على معدل الذكاء، مقابل 11.4 نقطة للجميلات.

شكرا لصاحب الموضوع مع انني اخالفه الرأي
وهذاه الاحصائيات لا اظن انها مرتبطة بالواقع
مثلا كل الشاطرين بقسمنا بيقطعو الرزق بنات وشباب
ااذا شو
رايك هادا هو الواقع
وعندك مثل تاني انا من بلاش من نفسي
انا بشع وما كثير حلو بس الله وكيللك متل الليرة الانكليزي كيف ما رنيتني برن
بالدراسة وبالعمل وبكل شي بدك وشكرا لك عالموضوع بسسسسسسسسسسسس

في وجهة نظر بالموضوع....
بس ما بتوقع الذكاء والجمال مرتبطين ببعض.....
كل واحد منن الو مقوماتو البيرتكز عليها وليس من الضرورة أن يكون الجميل\الجميلة ذكياً والعكس صحيح....
وجهة نظر بسيطة بالموضوع.....
تقبل مروري نضال ولك خالص المودة والتقدير.......

هلق الموضوع نسبي هني عاطين نسبة من العيانات بعدين ببريطانيا كلن حلوين


ما بتصور أنو الحلوين بس أذكياء هيك رح يحتجو
وبعدين أنا عندي رأي إنو الجمال هو بروح الشخص ونفسية وقديش راضي عن حالو هو يلي بيعطيه الابداع والتميز والامل وكل مقومات النجاح



شكرا كتير على الموضوع

طيرمكسورالجناح

اهلا وسهلا فيك بالمنتدى
و كلشي حكيتو صح بس لا تخلطو بين الذكي او الذكية و بين بعض الآلات البشرية المصممة للبصم , و عنا بالفرنسي كمان في هيك شي و الذكاء بنسبة معينة ما الو علاقة بموضوع العلامات و الدراسة و خصوصي عنا بسوريا

كمان هالدراسات يلي بيعملوها بدول برا , ما بتنطبق عسوريا الا بشكل نسبي بسيط , لان حياتهم و واقعهم و الأمور يلي متوفرة للمواطن عندهم غير عنا , فمثلا عنا بتلاقي الشخص عم يشتغل و يشيل و يحط و يتعب و يدرس و ينجح بس مو بالضرورة يكون ذكي بمفهوم الذكاء الحقيقي لأنو عنا التحصيل الجامعي ما بيرتكز عالذكاء كمستوى تقييم للطالب و هكذا .....

روميو
بالتأكيد شغلة نسبة و لك فائق احترامي

شام
بالفعل الجمال هو جمال الروح و شكرا لمرورك

أديسون كان أبشع من البشع