معاون وزير التعليم العالي ينفي الشائعات المتداولة حول الحرمان من امتحان الفصل الثالث

نفى "د. علي أبو زيد" معاون وزير التعليم العالي لشؤون الطلاب ما تداوله طلاب الجامعات السورية، مؤخراً، حول قرارٍ بمنع دخول الطلاب إلى امتحان الدورة الثالثة، إلا إذا كان الطالب تقدم إلى المقرر ورسب فيه .

وقال أبو زيد، في تصريح لصحيفة محلية :" الفصل الامتحاني الثالث لكل طالب رسب في المقرر أو كان مسجلاً أثناء العام الدراسي، وإن لم يتقدم إلى امتحان هذا المقرر أثناء الامتحانات، شرطَ أن يكون مسجلاً في العام الدراسي ذاته، ولم يكن الطالب أوقف تسجيله في الفصل الموجود فيه هذا المقرر " .

الجدير بالذكر أن المرسوم الذي صدر في حزيران من العام 2010 عُدلت بموجبه اللائحة التنفيذية لقانون تنظيم الجامعات الجامعات الصادرة بالمرسوم رقم 250 للعام 2006، حيث تضمّن المرسوم رقم 245 تعديل المادة رقم 81 التي تناقش نظام الدراسة المتبع في الكليات ( النظام الفصلي المعدل، نظام الساعات المعتمدة، النظام الفصلي، النظام السنوي )، حكماً يضع الهيكل التنظيمي والخطط الدراسية تبعاً لهذا التعديل، وبموجب المرسوم، تجري الجامعات ثلاث دورات امتحانية في السنة الدراسية التي تحدد مدتها في التقويم السنوي الذي يصدر عن مجلس التعليم العالي .

اة الحمدلله .. مبرووك شباب ...

شكرا نضالو ..

كتير منيح

وانا هيك توقعت

الله يبشرك بالخير ياوجه الخير

شكرا كتير

ياسيدي الله يوفقكم جميع وادعولي تطلع شيدورة استثنائية أمانة لارجع عالسورية وخاص هالسنة وارتاح


والله تعبت وخاصة في اشاعات عم تقول بعد 3 دورات ما عاد في قرار للمستنفذين الله يستر


دمتم بخير والله ينجحكم يارب

هاد الحكي الي بينسمع شكراَ نضالوووو

هلأ صار فيني نام قرير العين وما روح عاللغة

والله يا نضالو بدك بوسة بين عيونك....بكرى عندي مادة وما بدي قدمها
طمنتني الله يطمنك.....
ونشاء الله بتطلع دورة استثنائية منشانك أخت شام

الف الحمدلله
بكرة مو راااااااااااايحة على المادة

لك شو قصتكن فورا لانت عريكتكن و بطلتو تقدمو

طيب ادرسو المادة تصفح فقط قبل بيوم و تاني يوم روحو قدمو بجوز تجي الاسئلة سهلة و ما بتعرفو شو بيصير شبكن ؟؟؟؟؟

انا عملت هيك بمادتين و ما كنت دارسهن و قدمتن و طلعت الاسئلة سهلة نسبيا و نشالله بشيلن

يعني بكافة الأحوال مانكن خسرانين شي اذا قدمتو

نشالله بتجي شي دورة استثنائية نشان شام

موفقين


لانت عريكةُ قاطنيهِ و ما دَرَوا ***** انَّ الضعيفَ معذبٌ منكودُ

شايف نضال ..قلون قلون ... لك ليش ما بدكون تقدموا ... يا عمي احفظوا ناقد واحد ورحوا اجا اوا ما اجا اكتبوه ..

ما بتعرفو الحظ ...

هي المادة النقد وما أدراك ما النقد.......نحنا لما ندرسها ما بنجح فيها
والله رح نموت من ضغت الفحص وأنخفضت لياقتنى....بدنا كم ساعة
نوم منشان بقيت المواد......والمشكلة كل موادنا الساعة 8:30

و الله ابعرف خيي علاء براحتك بس و الله غلط الواحد ما يقدم

يعني متل ما قالت رورو و تصديقا لكلاما :

عندي مادتين لسانيات فصل اول و تاني حاملهن من السنة التالتة و بعرف انو هالمادة مستحيل فيني احفظها فلهيك ما بقرب عليها الا قبل بيوم و بحفظ اربع اسئلة لا على التعيين و بكتبهن سواء انطلبو او لا و الا ما يمل الدكتور شي مرة و يحطلي علامة النجاح , بقا كيفني معك ؟؟؟؟؟

شكرا لك نضالو هالخبر حلو وبجنن

اهلا عزو

قدم موادك لو ما محضرها

شكرا نضال

وانشالله ماحدا منكم بيوصل للفصل التالت وبتنجحوا بكل موادكم

واذا بدهم يحرموا بكون هيدا الناقص نازلين تجريب فينا ش بعصب

وسمعت شغله قال رح يسمحوا لطلاب السنه الرابعه بتكميليه بعد الفصل التالت شو رأيكم؟

اهلين وردة

اقتباس :

وسمعت شغله قال رح يسمحوا لطلاب السنه الرابعه بتكميليه بعد الفصل التالت شو رأيكم؟

برأيي مستحيل لأن ما ضل وقت كافي بين الدورة الأخيرة و بداية العام الدراسي و لا تنسي في تعليم مفتوح

لا لا وردة هالحكي اشاعات .. و متل ما قلك نضالو مظبوط ..

والله انا تقاتك مع نص الطلاب عنا ونا عم قلهم وين بدهم يعملوا دوره تكميليه

اذا الفصل التالت بينتهي قبل نا يبلش الدوام بفتره

بس خبرتكم مشان استند عليكم بجدالاتي الجايه

تحيااااااااااتي

موفقة وردة , الله يشد من أزرك

شكررررا نضالو وانا سمعت مقابلة مع دكتور من جامعة دمشق واكد كلامك بس ديرو بالكم هاه ماتحملوا اكتر من 8 مواد.
بالنسبة لسؤالك ليش مامنقدم؟؟؟؟ لان بيكون فينا ناخد 80 بالمادة بس من ضغط المواد مامنلحقها منيح فبدل مانقدمها وناخد 50 منأجلها.
ع راسي نضالووووووووووووووو

اقتباس :

لان بيكون فينا ناخد 80 بالمادة بس من ضغط المواد مامنلحقها منيح فبدل مانقدمها وناخد 50 منأجلها.

اذا الشغلة نشان المعدل معكن حق , بس انا وصلت لمرحلة انو صرت اقبل النجاح شحط بس المهم انجح بالمادة

موفقين نشالله و احلى علوش