الزواج من أديان مختلفة

أنا ناطر أراكم المفيدة.... بس بليز ما بدي تقولو شو بيحكي المجتمع.. بدي قناعاتكم الذاتية والشخصية..

خلينا من الحكي بالدين والتقاليد والعادات لانها بترفض هي الفكرة من اساسها....

ازا في حب بين الطرفين ما في شي بيمنع غير الشغلات الي ذكرتن قبل!!!!!!!!!

وبعتقد رح تصير معضلة!!!!!!!

بتمنى تنال يللي ببالك....

طيب ليش ما منشكل تيار اجتماعي بيدعو لكسر هالعادات والتقاليد أحسن ما نبقى متخبايين ورا اصبعتنا.. وشو ما كانت النتيجة إذا حققنا شي ولا ما حققنا المهم انو ننال شرف المحاولة.. بالنهاية غاليلو أُتهم بالهرطقة والتجديف عندما نادى بكروية الأرض وتم حرقه بس لأنو خالف رأي الكنيسة وعاداتها بهداك الوقت..ولا شو رأيك؟؟؟؟؟؟؟؟؟

كل شي حللو الدين انا معه وكل شي حرمو انا ضد

بس احيانا الشغلة مو بالأيد

وبننجبر نكون تحت سيطرة المعتقدات

شكرا عالموضوع المفيد

وبتمنى ينتهي هالتخلف والتفرقة بين البشر

شكرا كتير

ليط انا واحد من الناس بحقد عالتقاليد والعادات البالية بمجتمعنا ومن يوم يومي بكره هال كلمتين "عادات" و "تقاليد".... لان بحس انو مخ الانسان بيوقف عن التفكير بس انحط بموقف ورجع الموقف تدخل فيه عادة من العادات او تقليد من التقاليد ......

بالنسبة للتيار الاجتماعي الي حكيت عنو فهو مستحيل يأثر بأغلبية العالم الا ازا كان معنا شي الة تمسح الذاكرة او تغسل الدماغ.........

والله معك كل الحق ياريت هالألة موجودة.. بس طول بالك رح يجي يوم واخترع هيك آلة.. هاد اختصاصي ولو..

والله معك كل الحق ياريت هالألة موجودة.. بس طول بالك رح يجي يوم واخترع هيك آلة.. هاد اختصاصي ولو..

شد الهمة

- " نحن مجانين إن لم نستطع أن نفكر...ومتعصبون إذا
لم نرد أن نفكر...وعبيد إذا لم نجرؤ أن نفكر". أفلاطون.
الحياة ليست ثابتة ولأولئك الذين لا يستطيعون تغير ارائهم
هم المجانين والموتى وسكان القبور.

.
.
.القول التاني ماني متاكد من حرفيتو......
بس فعلا الموضوع مثير للجدل
انا مع روميو
وراي بيتلخص بالقولين
شكرا للطرح

والله ياحبيب بالاول بدي رحب فيك واشكرك ع الموضوع المهم

وتانيا" بالنسبة للزواج من غير الاديان :

فهو مشكلة صعبة شوي ...يعني الواحد شو ماحكى شو ما قال بالاخير عم ينصاع لامر العادات والتقاليد

لانو مابدو يزعل اهلو فبدو يكون بين نارين

وبالطبع انا بتمنى انو تلتغي فكرة العادات والتقاليد وبايد روميو بهالشي

تقبلو مروري
الزواج من أديان مختلفة 74775

السلام عليكم ورحمة الله وبركاته

انت طلبت آراءنا الشخصية والذاتية بعيدا عن العادات والتقاليد ولو اننا مجبورون على التقيد بتعاليم الدين وتقاليد المجتمع

بالنسبة لرأيي الشخصي

الأمر صعب ليس في الحاضر ولكن في المستقبل

يعني بالنسبة للاولاد اي دين سيتبعون دين الاب ام الام

في الاول يمكن ان يكون تفاهم بين الزوجين خصوصا اذا كان هناك حب

لكن بعد مجيء الاولاد سيحدث تشتت اسري كبير

اتحدث عن تجربة عشتها مع احد معارفي وبصراحة الامر صعب جدا

مجرد رايي ومجرد تجربة قد لا تحدث مع الجميع

بالتوفيق

بصراحة يلي ما بياخد من ملتو رح يموت بعلتو

سوري للصراحة

الفكرة بحد ذاتها هي ثورة على واقع فرض علينا ولم نختر منه شيئا
هذه الثورة قد تنجح وتحقق مكاسب رائعة....ولكن.......إذا ما فشلت
سنحترق بنار ثورتنا.....وسنحطم حياة من نحب ونعشق......
ليست المشكلة في الدين فالله واحد والكل مجمع ولكن مشكلتنا
في قيودنا وعقولنا...عقول مخدرة لا تقبل التغير أقتنعت بما فرض
عليها....فنست لذة التحرير.....صديقي أنا معك وبحب كسر القيود
وخلونا نتخلص من كلمة (لا يمكن ومستحيل)

القصة خارجة عن ارادتنا

ومهما حاولنا ما حنقدر نتخطا هالقيود

لهيك لازم تديرو بالكن على مشاعركن

واوعى تغلطو وتحبو من غير مجتمع او من غير دين

هاد الواقع منذ ولدنا

حمشو شكرا كتير لرأيك اللإيجابي بالنسبي إلي.. فائلتني

أخ فيصل: شكرا لمرورك الحلو فيصل وأهلا فيك وبكل شخص حابب يترك مرور عندي وعند غيري ..كلامك صحيح وللأسف هيك عم يصير بواقعنا..

أخت روز: وعليك السلام.. أنا كتير بكون سعيد وقت بسمع أراء نابعة من صميم الإنسان حتى لو كانت مخالفة لآرائي.. بس الدين ياروز مانو مشكلة حقيقية برأيي.. لأن الدين وسيله لتنظيم امورنا الاجتماعية فقط.. أما الهدف من وجودنا بهالحياة فهي انو نعرف الذات الإلهيه .. وطريقة الوصول لهالمعرفة مانا مرتبطة بدين او بسلوك معين.. ما بعرف اذا قريتي قصة حي بن يقظان لإبن طفيل (قصة خيالية).. بس ملخصها انو حي بن يقظان ولد بالغابة (يعني لا ينتمي لأي دين سماوي او غير سماوي).. ومن خلال الظواهر الطبيعيه وتأملو بالطبيعه بعيد عن الضغوط الحياتيه اليوميه استطاع الوصول لمعرفة الذات الإلهيه بعد عناء.. بتمنى تكون فكرتي وصلت وألف شكر إلك...ز

أخت شام صراحتك لذيذه وألف شكر إلك

أخ علاء: كلامك باعث للأمل وبخليني اتفائل انو في شخص بفكر متلي..حبيب قلبي صديقي علاء

أخت ملاك: لكل قصة بداية.. أبائنا كانو يعبدو الأصنام ليش نحن ما عم نعبد الأصنام.. معناها ما ضروري نمارس نفس العادات والتقاليد اللي كانوا أبائنا يمارسوها صح.. وأنا بالنسبي إلي لا الدين ولا حتى العمر بوقف بيني وبين من أحب وشكرا كتير إلك..

صديقي:
هاد الموضوع كتير موضوع مهم بحياتنا وكتير عم ينحكى فيه
ولحد الآن مجتمعنا ما عم يتقبل هيك أمور... هلا أنا معك انو ما بدي شوف نظرة المجتمع بس المشكلة انو نحن جزء من هاد المجتمع ولا يمكن انو ننفصل عنو
يعني اذا شب بدو يتقدم لخطبة بنت مو من دينو فورا أهلها بيعارضوا وكمان اهل الشب ما بيرضوا..إذا شو الحل؟ معقول الشب والبنت يهربوا واللي بدو يصير يصير؟؟
المجتمع بأي مكان بالعالم بيحطّ قوانين متل قوانين الدولة ولازم الأفراد يمشوا عليها لحتى يستقر الوضع فيه
مع الأسف يا صديق هاد الواقع المعاش وبالنهاية مستحيل نحن نغضب أهلنا لمجرد أني بحب شب بس هو من غير ديني!!! أو شب بيحب بنت وبدو يتزوجها بس هي من غير دينو
هاد رأيي يا صديقي بتمنى تتقبلوا ومشكور على طرحك للموضوع الجريء
من يعرف؟؟ يمكن هاد الشي يصير عادي بالمستقبل

شكرا إلك صديقتي نور (ما بعرف اذا هيك اسمك).. أنا مشكلتي أني رافض للمجتمع وثائر عليه.. ومتل ما بتعرفي انو حزب الله خالف المجتمع الدولي عندما قام بعملية الأسر اللي نشأت بسببها حرب تموز وما حدا كان راضي باللي عملوا واعتبروا عملية الأسر بالعملية المجنونة .. بس بالنهاية مين اللي انتصر؟؟؟؟ ... أكيد السيد حسن.. أكيد كلامك صح وواقع مفروض .. وبعرف انو هالواقع بقيد البنت أكتر من الشب .. وانشالله يصير هالشي بالمستقبل متل ما قلتي.. (على دوري انا)... مشكوره نوررررررر(nouir)

» هل انت مع او ضد الزواج بلا وظيفة؟
» الهدايا الزوجية فن له اشكال مختلفة
» نظرة مختلفة للأشياء من حولنا بالاشعة السينية
» السيدة أسماء الأسد : ثقافة الأمريكيين ليست سيئة أو جيدة .. إنها فقط مختلفة و نحن لا نريد أن نكون نسخة عن غيرنا
» طرق الزواج القديمة والحديثة