نداء استغاثة

انا فرنسي ولازم كون خلصت بس انا مغتربة عم اشتري الحاضرات وبالصدفة شفت عنوان الموقع بس حاسة حالي متل الضايعة وميييييت الف شغلة مو فهمانتا وكل سنة بنزل بقدم موادي وبشيل وحدة او تنين تعقدت والله ومو عرفانة شو ساوي ياريت لو في حدا سنة تالتة اسالو عن الشي اللي ما عم اعرفو خاصة اللسانيات احم احم انا مو ثقيلة واستفساراتي بسيطة بس فعلا بحاجة لحدا احكي معو انا هاجرة الجامعة ما بشوفا الا بالامتحان ساااااااعدوني

و انا رابعة فرنسي بس و الله بقدر فيدك بكل شي الا بمادة اللسانيات

عدي عصابيعك لقللك : السنة التالتة ,لسانيات تطبيقية , لسانيات فصل أول , لسانيات فصل تاني
السنة الرابعة لسانيات فصل اول
هدول المواد يلي حاملهن و ما عم اقدر ادرسهن ابدا ابدا لانو بحس اللسانيات متل الرياضيات و انا كتير كنت كسلان بالرياضيات

بقا لاقيت حل : بمادة اللسانيات العامة بحفظ بكل امتحان سؤالين لا على التعيين و بروح بكتبهن و اذا كانت نسبة النجاح قليلة بيضطر الدكتور يحط علامات للي كاتب اي شي صح عن المادة حتى لو مو هو الجواب المطلوب , و هكذا بيكون عندي احتمال 10 بالمية اني شيل اللسانيات و غير هيك ما عندي اي نسبة للاحتمالات بهالمادة

و عفكر نسبة النجاح بمادة اللسانيات كتييييييييييييير متدنية يعني من اصل 200 طالب تقريبا اللي عم ينجحو 10 طلاب بجدارة و الباقي مساعدة نشان نسبة النجاح

شكرا نضال هلق والحمد لله تطمن قلبي اني مارح اتخرج ابدا الا اللهم بالصدفة لان انا بلاشي غابب عقلبي بس اذا احتجتك بغير شي بتساعدني والا ببقى بروح عالجامعة انا وبناتي سوا ومن ناحيتي بدعيلك من قلبي تتخرج السنة ساعدتني او لا ءوكلك ذوق عالكومنت

myoussef

تكرم عينك , اكيد اللي بقدر ساعدك فيه ما رح قصر

و لا تخللي كلامي يأثر عدراستك للمادة لان انا استسلمت لهالمادة لانو بصراحة كتير بكرهها و لازم تعملي جهدك فيها مهما كان و نشالله بتتخرجي عن قريب

زوق والله يا نضال وانا رح حاول ومنشوف ومشكووووووور لاتخاف ما حكيت الا كل خير لا بياثر ولا شي بس فعلا صرت مقدمة عهالمادة بلاوي بس نفس العلامات طق قلبي الله يعفي عننا وينجح الكل بلكي بيشملني العفو وبنجح

كيفكن يا جماعة الادب الفرنسي والله ينجحنا كلنا وانا عن جد بحس بكل واحد او وحدة ما عندها وقت تطلع على الجامعة لانو مريت بنفس الظرف .... المهم بالنسبة لمادة اللسانيات فالدكتور محمد الاحمد منزل اسئلة واجوبة بمكتبه امواج وهو مختصر للمادة بطريقة سؤال وجواب .... واكيد بتستفادو منهم ويا رب نستفاد كلنا

اهلين سارة

اقتباس :

فالدكتور محمد الاحمد منزل اسئلة واجوبة بمكتبه امواج وهو مختصر للمادة بطريقة سؤال وجواب ....

ههه حاولت اقرا من هالاسئلة بس طلع اغلب الاسئلة لازم ترجعي عالكتاب لحتى تحليها , فما استفدنا شي

اي نضال بس على الاقل الواحد بيعرف شو بدو مش الدكتور ...... وعلى كل انا هلأ مشغولة بمواد السنة الرابعة فصل تاني يا ريت اذا في اي معلومات عنهم حدا يخبرني

يسعد أوقاتكن انا سنة تالتة ورح جنننننننننننننننننننن من الشعر روالمسرح (للأسف) وانا جديدة بهالمنتدى وعندي ملاحظة على النتائج انها مو واضحة أبدا فإذا بتقدروا تجيبوها نفسا وتنهزلوها بتكونوا مشكورين واذا حدا قادر يساعدني بالمسرح بكون ممنوتو.... هبة

heba deeb كتب:

يسعد أوقاتكن انا سنة تالتة ورح جنننننننننننننننننننن من الشعر روالمسرح (للأسف) وانا جديدة بهالمنتدى وعندي ملاحظة على النتائج انها مو واضحة أبدا فإذا بتقدروا تجيبوها نفسا وتنهزلوها بتكونوا مشكورين واذا حدا قادر يساعدني بالمسرح بكون ممنوتو.... هبة

نورتي منتداكي زميلة

بالنسبة للمسرح ركزي عالفهم اكتر من البصم هيك بدو الدكتور قال بدو الطالب يكون فهمان شو عم يكتب و شغلة تانية انتبهي كتير من الاخطاء الاملائية , يا لطيف قديش بيحاسبو عليها !!!! , المسرح 2 شلتا عال50 بعد عناء و مسرح الفصل الأول لسا ما شلتا

و بالنسبة للنتائج نشالله رح نلاقي طريقة غير التصوير المرة القادمة انشالله

اهلا و سهلا فيكي صديقة جديدة بالمنتدى