نداء الى دكتور ... يعطيك العافية اما شو تعبت !!!!

انا الي زاعجني اليوم ..

الظــــــــــــــــــلم .. تدايئت كتير على كتير اشخاص من رفئاتي انو كاتبين منيح بمادة العالمي ورسبو ؟؟؟

وبنت خالتي راحت عالمشفى من ورا الصدمة !!!

يعني والله احتارت كلماتي عند دموع 5 صبايا .. ماعم يعرفو شلون يتخرجوا .. وشو ماعملو ماعم يمشي الحال ..

كانت الاسئلة على حكيهون ماشي حالا وهن كاتبين منيح شلون يرسبوا ...

نداء الى دكتور :

أنت كنت طالب متلنا متلك .. تصرفك مع هالبشر وهالناس بهيك طريئة ليه ..

انت بني ادم ولح تتحاسب بالاخرة .. وكل مظلوم لح يتعلق ذنبوا برقبتك ..

بس مو ضروري احيانا انو ننطر لنموت لتتحاسب !!!

ومو ضروري تعمى عيون الطلاب ويصير عمرهون 30 سنة وتخرجهم موقف على مادة ..

اجاكون يا دكاترة تشرين تعميم انو سهلو الاسئلة وسلم التصحيح لانو وضع البلد كان بهوي ..

هاد الي طلع معكون !!!! مابستغرب لا والله ..

كل دمعة شب وصبية دائت الحياة فيون من ورى شلون اتخرج ؟؟؟

الطالب ما طلب انك تحطلو ال 50 بدون مايكتب ..

هو طلب حطلي حقي .. حطلي علامتي .. كما هي لازيادة ولا نقصان ..

اذا كانت نسبة النجاح بالمادة 30 بالمية بتقولو نسبة النجاح عالية عيدوا التصحيح !!!

نسبة النجاح بمادة اللغة فصل اول 15 بالمية !!! ليه يعني لهالدرجة الطالب عنا غبي مثلا ؟؟ شلون وصل على السنة الرابعة اذا كل الدفعة رسبانة ؟؟؟

في احتمالين اما كان في غش من الاول والنجاح كان بالمساعدة او كان غبي او انتو ماعم تحطو العلامات المزبوطة !!!!

بكلية الاقتصاد وسمعت من الطلاب في احد الكليات نسبة النجاح 85 بالمية في احد المواد عميدة الكلية الجديدة طلبت اعادة التصحيح ورفع النسبة ..

مو مهم يكون هالحكي صح ولا لا .. المهم في طلاب من السنة التالتة اقتصاد في احدى المواد الدكتورة حاطة 100 للطلاب ونسبة الرسوب ما بينحكى فيا .. و3 اشخاص من الكلية انا معهون على معرفة شخصية جابوا بالمادة 94 ؟؟؟؟؟

نحنا طلاب الانكليزي منحلم بال 50 !!!!!!!!!!!! حلم صعب المنال ...

والمية منعتبرها ما بتنحط حتى تنزل هالقدرة الالهية .. وهالشي صعب ليوم القيامة ..

لك يا عمي في طلاب عم يدرسو على حسابهون وعم يشتغلو ليجيبو حق محاضرات وكتب !!! شي بالنجارة وشي بالعمار وشي مابعرف وين!!..

وشي نازل طالع على محافظتو .. بالبرد والشتي والمطر والشمس !!!

والله حكيي لانو طاقق قلبي ..

يادكتور هدول شباااااااااااااااااااب حرام تحطم نفسيات ومعنويات فقط من اجل تحسسنا بمستوى شهادتك الرفيع ..

يا دكتور نحنا بدنا حقنا بالعلامة .. بس حقنا .. ولا تتخبى ورى جملة : اجابتك يا طالب مو اكاديمية ..

نحنا عم ندرس ادب .. وانت الاستاذ ونحنا عم نقتدي فيك .. وعم نحفظ متل ما انت بتعطينا ...

عجزت الكلمات يا جماعة والله عجزوناااااااااااااااااااااا ...

سهر وعذاب نفسي ودراسة ونضارات طبية وبالنهاية شو النتيجة راسب .. يا فرحة اهلينا فينا ..

البلد عم يتجه نحو التطوير والاصلاح ونحنا شي عم نرسب شي عم ناكل هوا ..

نحنا عنا حقوق ... ولازم نعترض على الشي الي عم يصير بكلية الاداب ..

شبكون ليش ساكتين !!! هاد حقنا يا جماعة حقنا ..

وين الرحمة يا عالم .. وين الرحمة ..


وبالنهاية هاد حكيي انا .. الي مقتنع فيه ياريت يكتبلي ردوا ...

والي مو مقتنع يكبوا ورا ضهروا ...

شـــــــــــــــــــــكرا دكتور .. والله تعبت وأنت ضيعت التعب بشحطة قلم !!!!!!!!!!!!!!

كلامك مزبوط مية بالمية و بالنسبة لرفقيتك اللي راحت المشفى سلامتا انشالله و انا كمان كاتب كتير ممتاز بالمادة وبتفاجئ اني آخد 20 يعني و الله المسألة صار لازم ينوضعلا حد الوضع عنا بالكلية سيئ جدا جدا
و انتي عم تحكي على شغلة العمر هي انا طالع بال 28 و رح استنفذ من خارج الجامعة و انكعر براتها بسبب هيك ناس مع اني ما بدي غير يصلحوا بضمير و يحطوا لكل طالب حقو يعني انا حاسس هالدكتورة نور العربي موزعة العلامات توزيع مانها مصححة ابدا ابدا يعني مانها منجحة ربع الطلاب اقل من الربع
على العموم انا بدي روح الاحد و حاول شوفا و مارح حل عنا لتفرجيني دفتري و تقللي وين الغلط و اللي بيحب يروح معي يراسلني عالخاص مشان نتفق عالروحة و اذا كنا كتار بيكون احسن
و مشكورة على طرحك هالموضوع المهم و اللي كنتي فيه صادقة بكل كلمة حكيتيها

فوستس انا معك قلبا وقالبا ..

الله يسلمك .. انشالله يطلع معك شي ...

شو رايك ب رئيس اتحاد الطلبة ؟؟؟ مو هو مسؤول عننا بالجامعة ؟؟؟

منقدم طلب نظاااااااااااااامي ومنجمع عالم اخي من 657 الرسبانين وينون ؟؟؟

ومنشوف ردوا علينا ردوا ماردوا منلائي حل تاني !!!!

شو بتئول ؟؟؟؟

ابو الريم ماعمل فينا هيك غير انو ساكتين ...

لك اخي الرئيس بشار الاسد ئال لاتسكتوا واحكوا ...

اصلا ما وصلنا لهالوضع غير السكوت .. ثانيا في صفحة عالفيس اسمها محاربة الفساد في جامعة تشرين روحوا اشتركوا فيها !!!!

بالنسبة لرئيس اتحاد الطلبة وين فينا نلاقيه هادا ؟؟؟
و منشان صفحة الفيس بوك رح شوفا بعد شوي

اللهه يوفقك يارشرررررروشتي
حكيك كلووو كان بألبي
وانتي فشيتيلي ألبي

وانا معكن بكل شي

الحالة تعبانه

عنجد كترخيرك فشيتي خلقي وخلق كتير عالم متلي وإذابدكن تقدموأي شي أوتساوو شي انشروه بس لنعرف كيف نشتغل كلنامع بعض

رئيس اتحاد الطلبة حسب علمي الدكتور اشرف ابراهيم .. فوستس اذا قدرنا نوصل طلبنا هلا لعندو .. أفضل ما نرجع
ناكول هوا باالفصل الجاية ..

وهو صغير بالعمر وأنا متأكدة انو بيسمع لطلبنا ...

يااااااااااااااااشبااااااااااااااااااب لازم نتفق ننزل يوم كلنا .. نعترض عند عميد الكلية .. مامشي حالو عند رئيس الجامعة , مامشي حالو منروح عند الوزير اي واخرتا ...

ما وصلنا كمان .. تلفزيون الدنيا .. تجمع طلابي نطالب باعادة التصحيح ورفع نسب النجاح في تشرين ئدام باب كلية الاداب .. شو يعني هاد حئنا ..

لانا مندسين ولا عم ننادي بتغير النظام .. ثانيا اهم مطالبنا ينشال العميد ..

ما وصلنا عند الوزير منعمل متل ماعملو الطب بجامعة حلب .. طلعوا واعترضو على كل الدكاترة !!!!!

بحب ئلكون انو فوتوا شوفو نسبة الادب المقارن بالفصل الاول بجامعة حلب 63,7 بالمية ....

على فكرة مع انو والله انتو يا شعب اللادئية مافي افضل منكون بالعالم ... وكتير بنبسط وئت بكون عندكون ...

بس ندمانة أشد الندم أني لساتني بهالجامعة .. لانها اثبتت وبجدارة انو الطالب بيطلع منها معدلو زفت ثانيا الطالب بدمشق نظام الاسئلة عندو اتمتة !!! ومافي نسب نجاح متدنية بكل المواااااااااااااااد ..

بجوز مادة او 2 ان كترت .. وفي مقولة مشهورة عنا بس مالح قولها هون ..

ولح اعطيكون معلومة لقدام سلفا هي :

في المستقبل مدري االقريب مدري البعيد .. ان صارت مسابقة لشغل معين بحب طمنكون على اختلاف اختصاصاتنا , الطالب من دمشق وحلب مهيئ ياخد فرصتك باي شغل لانو كفؤ اكتر مننا على اساس ..

هااااااااااااااااد ظلم الدكاترة يعني مو بس خلال الدراسة لا , لح تشوفو لقدام شو لح يصير معنا ...

خبروني شو اقتراحاتكون .. سدئوني ان عملنا خطوة هلا لح نشوف نتائج فعالة يا جماعة بالفصل الجاية ..

بس لابئا تضلكون ساكتين مالح يموتونا .. شو يعني لح يرسبوا الدفعة كلها ؟؟؟ بدهااااااااااااااااااااا همة ..

اعملو ورقة تكتبوا فيها شكواكم و خلو اكبر عدد من الطلاب الموافقين عليها يوقعوا نشان تتقدم اما لاتحاد الطلبة او لرئاسة الجامعة او للوزارة حتى

مع الاحترام لبعض الدكاترة , بس للاسف الغالبية اثبتو عدم كفاءتهم بالسلك التعليمي اولا و الاجتماعي ثانيا و هنن مسؤولين عن تدني مستوى الطلاب

انا موافق على اقتراح الاخ نضال لازم ننظم حالنا و نتقدم بعريضة او اي شي بقى خلص ما عاد في وقت ما بعرف شوفوا كيف بتحبوا ننظم الية العمل و لوين بدنا نروح و شو لازم نكتب بالعريضة

طيب انا بئلكون شلون :

اول شغلة بدنا حدا يكتب صيغة مناسبة للطلب .. يعني خلونا نركز على مسألة التصحيح .. مشان مايصير فينا بالفصل الجاية متل هلا ..

بس مابعرف لح تكون باسم طلاب الانكليزي ولا باسم طلاب الكلية بشكل عام ...

لك شباب فكرو معي ماعاد في وقت .. وشلون نجمع التواقيع .. يعني مثلا بدنا نحمل هي الورقة وندور فيا على الطلاب ؟؟؟

لك وين بدنا نشوفهون ؟؟

كنت عم شوف موقع كلية الاداب بجامعة حلب لك تخيللوا انو الطلاب بيصلحوا دفاترهم على السلم الامتحاني و بيطلعوا جايبين نفس العلامة تماما بس تطلع النتائج و مو بس المواد المؤتمتة فيها سلم كل المواد فيها
طيب ليش حلب و الشام موجود هالشي و اللاذقية اخر من يعلم و اساتنا بعصور الجاهلية هادا ناهيكم عن نسب النجاح العالية عندهم لك تخيلوا المقارن فصل تاني بالشام نسبة النجاح 85 بالمية بعمركن شفتوا هالرقم عنا ؟؟؟؟
لك آآآآخ بس

اللادقية وتشرين دولة تانية
مخالفين الله ورسولو ( طبعا الدكاترة )

و الله نحنا بدنا نوصل صوتنا و نعترض بس يا ترى رح يردوا علينا ؟؟؟ انا بعتقد ما حدى رح يرد علينا و اذا حاولنا نعمل مشكلة بيجوز يفكرونا فوضويين و يعتقلونا او يحرمونا من التقديم ما بعرف هيك كنت عم فكر من شوي يعني الشغلة بتخوف فما بعرف شو رأيكن و الله الشغلة بتفوت بالحيط و المشكلة انو عنا عميد اللهم عافينا و رئيس قسم لا يمكن الاعتماد عليه للتغيير لذلك اصدقائي يبدو اننا يجب ان نقبل بالحاضر و انا بشكل عام بدي قابل الدكتورة نور يوم الاحد و بخبركم اذا حسيت انها ممكن تتجاوب معنا بهالموضوع

خلص انشالله الاحد بشوف الدكتورة و بالمرة منجبلكم البرنامج تبع الدورة التالتة و انشالله خير

مرحبا شباب
مشان موضوع الاعتراض انا جاهزة وصلكن لعند الكتور اشرف ابراهيم
انا معكن قلبا و قالبا و اذا بدكن بجبلكن ميت اسم

ايوااااااااااا هيك الحكي تمام نور .. بلشنا نتوصل لحل امانة لاتغيبي عن المنتدى بهالكم يوم بس لنشوف شو لح يصير مع فوستس الاحد ماشي ..

عطوني موعد محدد للنزلة مشان نقدر نشوف الدكتور اشرف

الله يسلم تمك والله هي اول تعليق بيفش القلب ؟قسما بالله اذا في مندسين بسوريا فهالمندسيين بكلية الاداب اكترمنهم اندساس؟يعني انا اذا ابتليت بدراسة الادب الانكليزي لازم صير شكسبير حتى اتخرج الله وكيلك في عالم بتشيل مواد وغير الله ما بيعرف كيف شاليتها وفي عالم الدكتور بيعقد سماها بالتصحيح ؟الله قالها انو الدكتور يعلق عند الاربعين علامة والقدرة البشرية ما بتطلعوا عالخمسين ؟بس ان شاء اللهMr.onion تبع الكلية يشوف شو عم نكتب شاطر بس يجي يتحفنا بريحتوا وقت الامتحان ويتمعلق ؟الله يلعن الكويس فيهم واذا انا كذاب يحكوني يلعن شهاداتهم

الشعب يريد فرم البصل؟